JENESIS 3:17 - Khasi CL Bible (BSI)

¹⁷ Bad ha u briew u ong, “Me la shahshkor ïa ka tnga jong me bad ba me la bam ïa u soh uba nga la ong ïa me ban ym bam. Namar kaei kaba me la leh, ka khyndew kan don hapoh ka jingtim. Men hap trei shitom baroh shi rta jingim ban pynlong ïa ka ban pynmih ka jingbam babiang na ka bynta jong me.

KA BAIBL

¹⁷ Bad ha u Adam u la ong, “Namar ba me la shahshkor ïa ka ktien ka tnga jong me, bad ba me la bam na uta u dieng, ïa uba nga la adong ïa me, da kaba ong, ‘Men ym bam na u:’ ïa ka khyndew la tim na ka bynta jong me; da ka jingshitom men bam na ka baroh ki sngi ka rta jong me;

JENESIS 3:17 ပူးပေါင်းရင်းမြစ်များ

JENESIS 3:11

Bad U Blei u ong, “Mano ba la ïathuh ïa me ba me la lyngkhuit? Hato me la bam ïa u soh uba nga la ong ïa me ban ym bam?”

JENESIS 3:18

Kan sa pynmih ïa ki ñiut bad ki dieng shiah; bad men hap bam da u jhur khlaw.

JENESIS 3:6

Ka briew ka la ïohi haduh katno uta u dieng u long uba itynnat bad haduh katno u soh jong u, u long uba ibang, bad ka la pyrkhat ruh haduh katno kan long kaba phylla ban long kaba stad. Kumta ka la shim ïa u soh bad ka la bam. Nangta ka la ai lem ha u tnga jong ka, bad u ruh u la bam ïa uta u soh.

JENESIS 5:29

bad u ong, “Na ka khyndew ha kaba U Trai u la buh ka jingtim, une u khunlung un wallam ha ngi ka jingpyntngen na baroh ka jingtrei shitom jong ngi;” kumta u la kyrteng ïa u, u Noah.

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

Ka Kitab U Job 14:1

La kha ïa ngi baroh ki briew kiba tlot bad bymdonbor. Baroh ka ïalam sha kajuh ka jingim balyngkot, bajynjar.

Ka Kitab U Job 21:17

Hato ïa ka jingshai jong u bymman la ju pynlip noh? Hato uno uno na ki u ju ïakynduh ïa ka jingjot? Hato U Blei u ju pynshitom ïa u bymman ha ka jingbitar

SALM 127:2

Ka long lehnoh-ei ban trei shitom katta katta na ka bynta ka jingim, ban khie dang step bad ban thiah miet. Naba U Trai u pyndap ïa kita kiba u ieit; katba ki dang ïohthiah.

EKLESIASTIS 2:11

Nangta nga la pyrkhat ïa baroh kaba nga la leh bad haduh katno nga la trei shitom ïa ka bad nga la sngewthuh ba kam kit jingmut ei ei. Ka la long kum ka jingbeh ïa ka lyer — ka bymmyntoi ei ei.

EKLESIASTIS 2:17

Kumta ka jingim ka wan long ka bym don jingmut ei ei ïa nga, namar baroh kaba ha ka, kam shym wallam ei ei ïa nga hynrei tang ka jingjynjar. Baroh ka la long ka bymmyntoi, nga la beh ïa ka lyer.

EKLESIASTIS 5:17

Ngi ïoh ban im ka jingim jong ngi ha ka jingdum bad ka jingsngewsih kthang, ngi khuslai, bitar bad ïohpang.

MATHAÏOS 22:12

‘Ko paralok, kumno phi ïohrung hangne khlem ki jaiñ shongkurim?’ u syiem u la kylli ïa u. Hynrei uta u briew um shym ong ei ei.

MATHAÏOS 25:45

U Syiem un jubab, ‘Nga ong ha phi, ha man ba phi kyntait ban ïarap ïa iwei na kine kiba rit tam, phi kyntait ban ïarap ïa nga.’

LOUKAS 19:22

U la ong ha u, ‘Me u shakri bym long! Ngan pyndonkam ïa ki ktien jong me ban pynrem ïa me! Me tip ba nga long u briew uba eh, uba shim ïa kaei ka bym dei ka jong nga bad uba ot ïa kaei kaba ngam shym bet.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

Ka Shithi U Paul Sha Ki Nong Rom 3:19

Mynta ngi tip ba kiei kiei baroh ha ka Hukum ki dei ïa kito kiba im hapoh ka Hukum, khnang ban pynsangeh ïa baroh ki jingaidaw jong ki briew bad wallam ïa ka pyrthei baroh kawei hapoh ka jingbishar U Blei.

HEBRU 6:8

Hynrei lada ka pynmih ïa ki shiah bad ïa ki ñiut, kam dondor ei ei; ka don ha ka, ka jingma naba U Blei un tim bad pynjot da ka ding.