JENESIS 3:16 - Khasi CL Bible (BSI)

¹⁶ Ha kata ka briew pat u ong, “Ngan pynjur ïa ka jingjynjar jong pha haba pha punkhun, bad ïa ka jingshitom jong pha haba pha kha khun. La katta ruh, phan ïai kwah ïa la u tnga, pynban yn pyndem ïa pha ha u.”

KA BAIBL

¹⁶ Bad ha kata ka briew u la ong, “Da kaba pynroi ngan pynroi ïa ki jingpang jong pha, bad ïa ka jingseng khun jong pha; ha ka jingshitom phan kha ki khun; bad ka jingkwah jong pha kan long sha u tnga jong pha, bad u un synshar halor jong pha.”

JENESIS 3:16 ပူးပေါင်းရင်းမြစ်များ

JENESIS 4:7

Lada me la leh ïa kaba dei, men jin da la phuh samrkhie; hynrei namar ba me la leh ïa kaba sniew, ka pop ka apthap ha ka jingkhang jong me. Ka kwah ban synshar ïa me, hynrei me dei ban jop ïa ka.”

1 KHRONIKL 4:9

La don u briew uba kyrteng u Jabes uba long u dkhot ba la kham ñiewkor na ka longïing jong u. Ka kmie jong u ka la ai kyrteng ïa u, u Jabes, namar ka jingkha ïa u ka la long kaba shitom shikatdei.

ESTHER 1:20

Haba ïa ka jingpynbna jong phi la pynphriang sha kylleng sawdong jong kane ka hima baïar, kawei pa kawei ka kynthei kan ai ha ki tnga jong ki ïa ka burom ba dei, la u riewspah ne duk.”

SALM 48:6

Hangta la kem ïa ki da ka jingsheptieng bad ka jingjynjar, kum ka briew ka ban sa kha khun,

ISAÏAH 13:8

Ki baroh kin shah pynshyrkhei, bad ka jingpang kan ban ïa ki, kum ka jingpang jong ka briew ha ka por suh kha. Kin ïakhmih iwei ïa iwei pat ha ka jingtieng, bad ki durkhmat jong ki kin pluh da ka jinglehrain.

ISAÏAH 21:3

Kaei kaba nga la ïohi bad ïohsngew ha ka jingïohipaw ka la pyndap ïa nga da ka jingsngewtriem bad sngewpang, ka jingpang kum ka jong ka kynthei ha ka por suh kha.

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

JEREMAÏAH 13:21

Aïu phan ong haba ki briew kiba pha pyrkhat ki long ki paralok jong pha, ki jop ïa pha bad ki synshar halor jong pha? Phan don ha ka jingpang kum ka kynthei kaba kha khun.

JEREMAÏAH 22:23

Phi shong sngewskhem hapdeng ki dieng Kedar ba wanrah na Lebanon; hynrei katno kaba sngewsynei ynda wan ka jingshitom ha phi, bad phin ud haba ka jingsuh kan lap ïa phi, ki jingshitom kum kito ki jong ka kynthei kaba suh kha.

JEREMAÏAH 4:31

Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

JEREMAÏAH 49:24

Ki briew jong ka Damaskos ki long kiba tlot bad ki la phet ha ka jingsheptieng. Ki don ha ka jingud bad jingjynjar kum ka briew kaba suh kha.

JEREMAÏAH 6:24

“Ngi la ïohsngew ïa ka khubor,” ong ki briew ka Jerusalem, “bad ki kti jong ngi ki noh kyrwep, la kem ïa ngi da ka jinglyng-a bad ka jingpang kum ka kynthei kaba suh kha.

JINGKHEIÑ 30:13

U tnga jong ka u don hok ban pynskhem ne ban pyndam ïa kano kano ka jingkular ba ka la pynlong.

ÏOANNIS 16:21

Haba ka briew kan sa kha khun, ka sngewsih namar ba ka kynta jong ka jingshahshitom jong ka, ka la poi; hynrei haba la kha ïa i khunlung, ka klet noh ïa la ka jingshah shitom, namar ka kmen ba la kha ïa i khunlung sha ka pyrthei.

1 KORINTH 11:3

Hynrei nga kwah ïa phi ba phin sngewthuh ba U Khrist u long halor tam ïa uwei pa uwei briew, u tnga u long halor la ka tnga, bad U Blei u long halor tam ïa U Khrist.

1 KORINTH 14:34

Kumba ka long ha ki balang jong u paidlang U Blei, ki kynthei ki dei ban sngap jar ha ki jingïaseng. Ym shah ïa ki ban kren; kumba ka Hukum ki Jiw ka ong, kim dei ban leh trai khlieh.

1 KORINTH 7:4

Ka tnga kam long kynrad halor ka met jong ka hi, hynrei u tnga jong ka u long; kumjuh ruh u tnga um long kynrad halor ka met jong u hi, hynrei ka tnga jong u ka long.

KOLOSSAI 3:18

Ko ki kynthei, to pynhapoh ïa lade ha ki tnga jong phi, naba kata ka long kaei kaba phi dei ban leh kum ki bangeit.

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.

1 TIMOTHI 2:13

Naba ïa u Adam la thaw nyngkong, bad nangta ïa ka Im.

1 TIMOTHI 2:15

Hynrei ka kynthei kan ïohlait im ha ka por ba ka kha khun, lada ka ïaineh ha ka jingngeit bad ka jingieit bad ka jingkhuid, lem bad ka jingdon akor.

TITOS 2:5

ban long kiba synshar ïa lade bad kiba sngur mynsiem, bad ki nongsumar ïing babha kiba pyndem ha la ki tnga, ba yn ym don mano mano ba lah ban kren sniew ïa ka khubor kaba wan na U Blei.