JENESIS 3:13 - Khasi CL Bible (BSI)

¹³ Te U Trai U Blei u ong ha kata ka briew, “Balei pha leh ïa kane?” Ka jubab, “Uta u bseiñ u la pynbieit ïa nga ban bam ïa u.”

KA BAIBL

¹³ Te U Trai uba U Blei u la ong ha kata ka briew, “Kaei kane ïa kaba pha la leh?” Te kata ka briew ka la ïathuh, “Uta u bseiñ u la shukor ïa nga; nga ruh nga la kum bam.”

JENESIS 3:13 ပူးပေါင်းရင်းမြစ်များ

JENESIS 12:18

Nangta u syiem u la khot ïa u Abram, bad u kylli ïa u, “Me leh aïu ïa nga? Balei mem shym la ïathuh ïa nga ba ka dei ka tnga jong me?

JENESIS 44:15

Ki la dem ngon ha khmat jong u, bad u Joseph u ong, “Kaei kane kaba phi la leh? Phim tip ba u briew uba ha ka kyrdan jong nga u lah ban lap ïa phi da ka kheiñ ka bishar?”

2 SAMUEL 3:24

Kumta u Joab u leit sha u syiem bad u ong ha u, “Kaei kane kaba phi la leh? U Abner u la wan sha phi — balei phi shah ba un shu leit kumto?

1 SYIEM 13:18

Te u nongïathuhlypa tymmen uba na Bethel u ong ha u, “Nga ruh nga dei u nongïathuhlypa kum ma phi, bad ha ka hukum jong U Trai, u angel u la ong ïa nga ban ïalam ïa phi sha ïing bad ban ai ïa ka jingpdiang sngewbha ïa phi.” Hynrei u nongïathuhlypa tymmen u lamler.

LEBITIKOS 12:5

Khatsaw sngi hadien ba ka kynthei ka kha khun kynthei, kan long ka bymkhuid kum ha ka por ba ka poi bnai. Nangta kan shim por pat sa hynriewphew hynriew sngi ba yn ñiew ïa ka kaba la khuid biang na ka jingmihsnam.

JONAH 1:10

U Jonah u la ong shuh shuh ïa ki ba u la phet na U Trai. Ki maji ki la sngewshyrkhei, bad ki la ong ïa u, “Kata ka long kaei kaei kaba sngewma ban leh!”

ÏOANNIS 18:35

U Pilat u la phai ktien, “Me tharai nga dei u Jiw? Dei ki briew jong me hi bad ki rangbah lyngdoh kiba la aiti ïa me sha nga. Kaei kaba me la leh?”

Ka Shithi U Paul Sha Ki Nong Rom 7:11

Ka pop ka la ïoh ïa ka lad, bad da ka lad jong ka hukum, ka la shukor ïa nga bad ka la pynïap ïa nga.

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

1 TIMOTHI 2:14

Bad ym dei u Adam uba la shah shukor; dei ka kynthei kaba la shah shukor bad pynkheiñ ïa ka hukum U Blei.

1 SAMUEL 13:11

hynrei u Samuel u ong, “Phi la leh aïu kumne?” U Saul u jubab, “Ki briew ki la iehnoh ïa nga, bad phim pat shym wan poi haba phi la ong ba phin wan; nalor kata, ki Philistia ki la ïalumlang ha Mikhmash,

1 SAMUEL 15:15

U Saul u jubab, “Ki briew jong nga ki la shim ïa ki na ki Amalek. Ki la buh ïa ki langbrot bad ki masi kiba kynsai tam ban ainguh kum ka jingkñia ha U Trai U Blei jong phi, bad ïa kiba sah ngi la pynduh lut khoit.”