JENESIS 28:2 - Khasi CL Bible (BSI)

² To leit pynban sha Mesopotamia, sha ka ïing jong u Bethuel u parad jong me, bad shongkurim ïa kawei na ki samla kynthei hangta, kawei na ki khun kynthei jong u Laban, u kñi jong me.

KA BAIBL

² To khie da leit noh sha ka ri Padan-Aram sha ka ïing u Bethuel u kpa ka kmie jong me; bad to shim ka tnga ïa lade nangta na ki khun kynthei u Laban u hynmen ka kmie jong me.

JENESIS 28:2 ပူးပေါင်းရင်းမြစ်များ

JENESIS 24:10

Uta u shakri uba peit halor ki jingdon jingem jong u Abraham, u shim shiphew tylli ki ut jong u kynrad jong u bad u leit sha ka nongbah ha kaba u Nahor u shong u sah ha ka bynta bashaphang shatei ka ri Mesopotamia.

JENESIS 24:29

Ka Rebekka ka don u hynmen uba kyrteng u Laban; bad u Laban u la mareh bran bran shabar ban leit sha kata ka pukri ha kaba u shakri jong u Abraham u don.

JENESIS 24:4

Me dei ban leit pat sha ka ri ha kaba la kha ïa nga, bad men pynïoh ka tnga ïa u khun jong nga u Isaak napdeng ki kur ki jait jong nga.”

JENESIS 24:50

U Laban bad u Bethuel ki jubab, “Namar ba kane ka kam ka wan hi na U Trai, kam dei ïa ngi ban shim rai.

JENESIS 25:20

U Isaak u la sawphew snem ka rta mynba u shongkurim ïa ka Rebekka, ka khun jong u Bethuel (u nong Aram na ka ri Mesopotamia) bad ka para jong u Laban.

JENESIS 28:5

U Isaak u phah noh ïa u Jakob sha Mesopotamia, sha u Laban, uba long u khun jong u Bethuel u nong Aram, bad u hynmen jong ka Rebekka, ka kmie jong Jakob bad u Iso.

JENESIS 29:1

U Jakob u la bteng ïa ka jingleit jong u bad u la leit sha ka ri kaba shaphang mihngi.

JENESIS 32:10

Ngam long uba bit dor ban ïohpdiang ïa baroh ka jinglehisynei bad ka jingieit baïaineh ba me la pynpaw ha nga, u shakri jong me. Nga la jam ïa ka wah Jordan tang bad u diengduh jong nga, bad mynta pat nga la wan phai bad kine ar ki kynhun.

JENESIS 33:18

Ha ka jingwanphai na Mesopotamia, u Jakob u la poi suk poi saiñ ha ka nongbah Shekhem ha ka ri Kanaan, bad u sher ïa la ka dara ha ka madan kaba hajan kata ka nongbah.

JENESIS 35:9

Haba u Jakob u la wan phai na Mesopotamia, U Blei u la mihpaw biang ha u, bad u la kyrkhu ïa u.

JENESIS 46:15

Kine ki dei ki khun shynrang ba ka Leah ka la kha na u Jakob ha Mesopotamia nalor ka khun kynthei jong u, ka Dinah. Baroh ki khun ki ksiew kiba u ïoh na ka Leah ki long laiphew lai ngut.

HOSIA 12:12

U Jakob u kpa tymmen jong ngi u la dei ban phet ïap sha Mesopotamia, ha kaba, ban ïoh ïa ka tnga, u trei na ka bynta ïa uwei u briew bad sumar ïa ki langbrot jong u.

HOSIA 12:13

U Trai u la phah ïa u nongïathuhlypa ban pyllait ïa ki paid Israel na ka jinglongmraw ha Ijipt bad ban sumar ïa ki.