JENESIS 27:41 - Khasi CL Bible (BSI)

⁴¹ U Iso u la isih ïa u Jakob, namar ba u kpa jong u, u la ai ha u Jakob ïa ka jingkyrkhu. U la pyrkhat, “Ka por ban ïambriew na ka bynta i pa jong nga ka la jan; te kumta ngan sa pynïap ïa u Jakob.”

KA BAIBL

⁴¹ Te u Iso u la isih ïa u Jakob namar kata ka jingkyrkhu da kaba u kpa jong u, u lah kyrkhu ïa u: bad u Iso u la ong ha la ka dohnud, “Ki sngi ban ïambriew ïa i pa ki la jan; hadien kata, nga, ngan da pynïap noh ïa u Jakob u para jong nga.”

JENESIS 27:41 ပူးပေါင်းရင်းမြစ်များ

JENESIS 27:42

Hynrei haba ka Rebekka ka la ïohsngew ïa ka jingthmu jong u Iso, ka la phah khot ïa u Jakob bad ka ong, “To shahshkor, u Iso u hynmen jong me u thmu ban siew kylliang bad ban pynïap ïa me.

JENESIS 32:11

Nga kyrpad ïa me ba men pyllait ïa nga na ka kti u Iso u hynmen jong nga. Nga sheptieng — sheptieng ba u wan ban ïaleh bad pynïap lut ïa ngi baroh, wat ïa ki kynthei bad ki khynnah ruh.

JENESIS 32:3

U Jakob u la phah ïa ki nonglamktien ha shuwa jong u sha u Iso u hynmen jong u ha ri Edom.

JENESIS 32:6

Ynda kita ki nonglamktien ki la wan phai pat sha u Jakob, ki ong, “Ngi la leit ïashem ïa u Iso u hynmen jong phi, bad u la don ha lynti ban wan ïashem ïa phi. U don sawspah ngut ki rangbah bad u.”

JENESIS 35:29

bad u la ïap ha ka rta ba la ih bha ka jinglong tymmen; bad ki khun shynrang jong u, u Iso bad u Jakob ki la tep ïa u.

JENESIS 37:18

Na jngai ki la ïohi ïa u, bad katba un da poi hajan jong ki, ki lah da ïasylla pyrshah ïa u bad rai ban pynïap noh ïa u.

JENESIS 37:4

Haba ki hynmen shynrang jong u ki la ïohi ba u kpa jong ki u kham ieit ïa u Joseph ban ïa ki baroh, ki la isih shibun eh ïa u kat haduh ba kim kren bha kren miat shuh ïa u.

JENESIS 37:8

“Hato me pyrkhat ba men sa long u syiem bad synshar ïa ngi?” Ki hynmen shynrang jong u ki ong. Kumta ki la nang kham isih shuh shuh ïa u namar ki jingphohsniew jong u bad namar kaei kaba ba u la kren shaphang jong ki.

JENESIS 50:15

Hadien ka jingïap u kpa jong ki, ki hynmen u Joseph ki ïa-ong, “Tip kan jia aïu keiñ lada u Joseph u dang buhnud bad thmu ban pynhiarkput ïa ngi namar ka kam sniew ba ngi la leh ïa u?”

JENESIS 50:2

Nangta u Joseph u hukum ban kyllan jingiwbih ïa ka met u kpa jong u. Ki nongkyllan jingiwbih ruh ki leh kumta.

2 KHRONIKL 35:24

Ki sei ïa u na ka kali ïapom jong u, ki buh ïa u ha ka kali ïapom kaba ar kaba u don hangta, bad ki kit ïa u sha Jerusalem. Hangta u la ïap bad la tep ha ka jingtep ki syiem. Baroh ki paid Judah bad Jerusalem ki ïambriew namar ka jingïap jong u.

SALM 142:3

Haba nga la sdang ban sangeh khlem ïaleh shuh, u tip ïa kaei kaba nga dei ban leh. Ha ka lynti ba nga dei ban leit, ki nongshun jong nga ki buhrieh ïa ka jingriam ïa nga.

SALM 35:14

kum ba nga duwai ïa la u paralok ne ïa la u para. Nga ïai dem ngon ha ka jingïam pangnud, kum uwei uba ïambriew ïa la ka kmie.

SALM 37:16

Kaba khyndiat ba u briew bahok u don ka kham kordor shibun ban ïa ka spah jong ki bymman baroh.

PROBERB 1:16

Kim lah ap ban leh ïa kaei kaei kaba sniew. Ki long borabor kiba kloi ban pynïap.

PROBERB 18:19

Ïarap ïa la u para bad un ïada ïa phi kum ka kynroh kaba khlaiñ jong ka nongbah, hynrei lada phi ïakajia bad u, un khang khyrdep ki jingkhang jong u ïa phi.

PROBERB 6:14

Baroh shi katta ki ïai pyrkhat sniew ha la ka jingmut bakynriang, ki pynkhih jingkulmar kat shaba ki leit.

EKLESIASTIS 7:9

Bat synshar ïa la ka jingkhluit khlieh; ka long ka jingbieit ban pynlang ïa ka jingbatnud.

ESEKIEL 35:5

“Me la long u nongshun baïaineh ka Israel bad me shah ba ki briew jong ka kin shah pynïap ha ka por ka jingjynjar jong ka, ka por jong ka jingshah pynshitom bakhatduh namar ki pop jong ka.

DEUTERONOMI 34:8

Ki Israel ki ïambriew ïa u laiphew sngi hangta ha ri them Moab.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.