JENESIS 26:5 - Khasi CL Bible (BSI)

⁵ Ngan kyrkhu ïa me, namar ba u Abraham u la kohnguh ïa nga, bad u la sumar ïa ki aiñ bad ki hukum jong nga.”

KA BAIBL

⁵ namar ba u Abraham u la shahshkor ïa ka ktien jong nga, bad ba u la sumar ïa kaba nga la hukum ïa u ban sumar ïa ki hukum jong nga, ïa ki rukom jong nga, bad ïa ki tynrai ka jingsneng jong nga.”

JENESIS 26:5 ပူးပေါင်းရင်းမြစ်များ

JENESIS 12:4

Haba u Abram u la dap hynñiewphew san snem ka rta, u la mihnoh na Haran, kumba U Trai u la bthah ïa u ban leh; bad u Lot u la leit lem bad u.

JENESIS 17:23

Ha kata hi ka sngi, u Abraham u la kohnguh ïa U Blei bad u la otsher ïa u Ishmael u khun jong u, bad ïa kiwei pat ki shynrang baroh na ka longïing longsem jong u, kynthup ruh ïa ki mraw baroh kiba la kha ha longïing longsem jong u bad kito kiba u la lah thied.

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

JENESIS 22:16

“Nga la smai da ka kyrteng jong nga — U Trai u kren — ba ngan kyrkhu kyrhai ïa me. Namar me la leh ïa kane, bad mem shym la tyngkai noh ïa la u khun marwei na nga,

JENESIS 22:18

Ki jaitbynriew baroh kin sa kyrpad ïa nga ban kyrkhu ïa ki kumba nga la kyrkhu ïa ki khun ki ksiew jong me — baroh namar ba me la kohnguh ïa ka hukum jong nga.”

JENESIS 26:6

Kumta u Isaak u la shong la sah ha Gerar.

MATHAÏOS 5:19

Kumta te, uno uno u bymkohnguh wat ïa iba rit tam jong ki hukum bad uba hikai ïa kiwei pat ban leh kumjuh, un long uba rit tam ha ka Hima ki bneng. Ha kawei pat ka liang, uno uno uba kohnguh ïa ka Hukum bad uba hikai ïa kiwei ban leh kumjuh, un long uba khraw ha ka Hima ki Bneng.

MATHAÏOS 7:24

“Kumta te, uno uno uba ïohsngew ïa kine ki ktien jong nga bad uba kohnguh ïa ki u long kum u briew uba stad uba la tei ïa la ka ïing halor u mawsiang.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

HEBRU 11:8

Dei ka jingngeit kaba pynlong ïa u Abraham ban kohnguh haba U Blei u la khot ïa u ban leit sha ka ri kaba U Blei u la kular ban ai ha u. U la mihnoh na la ka ri khlem tip shano ba un leit.

JAKOB 2:21

Kumno u Abraham, u kpa tymmen jong phi u la long uba la pynksan da U Blei? Ka la long namar ki kam ki jong u, mynba u la aiti ïa u Isaak u khun jong u ha ka duwan.