JENESIS 26:4 - Khasi CL Bible (BSI)

⁴ Ngan ai ha me ïa ki khun ki ksiew kat ki khlur ha ka sahit bneng, bad ngan ai ha ki ïa kane ka ri baroh. Ki jaitbynriew baroh kin kyrpad ïa nga ba ngan kyrkhu ïa ki kumba nga la kyrkhu ïa ki khun ki ksiew jong me.

KA BAIBL

⁴ Bad ngan pynbun ïa u symbai jong me kum ki khlur bneng, bad ngan ai ha u symbai jong me ïa kine ki ri baroh; bad ïa ki jaid bynriew baroh ka pyrthei yn kyrkhu ha u symbai jong me;

JENESIS 26:4 ပူးပေါင်းရင်းမြစ်များ

JENESIS 13:16

Ngan ai ha me bun ki khun ki ksiew ba yn ym don mano mano ba lah ban ñiew ïa ki baroh; kan kham jem ban ñiew ïa ki phngit pui pui ha ka khyndew!

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 15:5

U Trai u ïalam ïa u shabar bad u ong, “Khmih ïa ka sahit bneng, bad pyrshang ñiew ïa ki khlur; men ïoh bun ki khun ki ksiew kat kita.”

JENESIS 18:18

Ki khun ki ksiew jong u kin long ka jaitbynriew kaba khraw bad kaba donbor, bad da u ngan kyrkhu ïa ki jaitbynriew baroh.

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 28:14

Kin man bun kum ki phngit pui pui ha ka khyndew. Kin pynïar ïa la u pud u sam ha ki liang baroh; bad da me bad ki khun ki ksiew jong me ngan kyrkhu ïa ki jaitbynriew baroh.

JENESIS 28:3

To U Blei Badonbor Baroh un kyrkhu ïa ka shongkha shongman jong me bad un ai ïa me bun ki khun ki kti, ba men ïoh long u kpa jong kiba bun ki jaitbynriew.

JENESIS 35:12

Ngan ai ha me ïa ka ri kaba nga la ai ha u Abraham bad ha u Isaak, bad ngan ai ïa ka ruh ha ki khun ki ksiew hadien jong me.”

JENESIS 47:27

Ki Israel ki shong ki sah ha ri Ijipt ha thain Goshen, ha kaba ki ïoh ban lum ka spah ka phew, bad ki nang ïaroi parum pareh.

1 KHRONIKL 27:23

U syiem Dabid um shym shim jingkheiñ ïa kito kiba hapoh arphew snem, namar ka kular jong U Trai ban pynroi ïa ki paid Israel kat ka jingbun ki khlur ha ka sahit bneng.

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

EKSODOS 32:13

Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

EKSODOS 6:4

Nga la pynlong ruh ka jutang bad ki, da kaba kular ban ai ha ki ïa ka ri Kanaan, ka ri ha kaba ki la shong la sah kum ki sohshnong.

KI KAM 3:25

Ki jingkular jong U Blei lyngba ki nongïathuhlypa ki long na ka bynta jong phi, bad phi ïoh bynta ha ka jutang kaba U Blei u la pynlong bad ki kpa tymmen jong phi. Kumba u la ong ha u Abraham, ‘Lyngba ki khun ki ksiew jong me ngan kyrkhu ïa ki briew baroh ha ka pyrthei.’

GALATIA 3:16

Mynta, U Blei u la pynlong ïa ki jingkular jong u ha u Abraham bad ha u nonghiarpateng jong u. Ka Jingthoh Bakhuid kam shym pyndonkam da ki kyntien “ki nonghiarpateng,” kaba thew shibun ki briew, hynrei ka pyndonkam da ka kyntien “u nonghiarpateng,” kaba mut tang uwei u briew, kaba mut U Khrist.

GALATIA 3:8

Ka Jingthoh Bakhuid ka la ong lypa ba U Blei un pynksan ïa ki Jentil ha lade hi da ka jingngeit. Bad kumta ka Jingthoh Bakhuid ka pynbna ïa ka khubor babha ha u Abraham: “Lyngba jong me, U Blei un kyrkhu ïa ka jaitbynriew baroh.”

DEUTERONOMI 13:17

Wat shim sha lade ïa kaei kaei kaba la mang ban pynjot, te U Trai un phai na ka jingbitar shla jong u bad un isynei ïa phi. Un leh-isynei ïa phi bad un pynroi ïa phi, kumba u la kular ïa ki kpa tymmen jong phi,

DEUTERONOMI 9:5

Ym dei namar ka hok jong phi ne ka jinglong beit ha ka dohnud ba phin ïohkynti ïa ka ri jong ki, hynrei ka long namar ka jingbymman jong kita ki jaitbynriew ba U Trai U Blei jong phi u la beh krad ïa ki na khmat jong phi; ba un pynskhem ïa la ka kular ba u la ai ha ki kpa tymmen jong phi, u Abraham, u Isaak, bad u Jakob.

HEBRU 11:2

Ka dei da ka jingngeit jong ki, ba ki briew ha ki por mynbarim ki ïohpdiang ïa ka jingsngewbha jong U Blei.