JENESIS 26:31 - Khasi CL Bible (BSI)

³¹ Dang step phyrngab ha ka sngi kaba bud, uwei pa uwei u la kular bad pynskhem da kaba shim smai. U Isaak u khublei khatduh ïa ki, bad ki ïakhlad kum ki paralok.

KA BAIBL

³¹ Ynda kumta, ki la ïakhie joit dang step eh, bad ki la ïasmai biang paralok hi: bad u Isaak u la phah noh ïa ki, bad ki la ïaleit noh ruh na u ha kaba suk.

JENESIS 26:31 ပူးပေါင်းရင်းမြစ်များ

JENESIS 14:22

U Abram u ong, “Nga la smai ha khmat U Trai, U Blei Bahakhlieh Tam Eh, u Nongthaw ïa ka bneng bad ïa ka khyndew, ba ngan ym bat ei ei ïa kaba dei ka jong me, wat ïa u 'sai juti ruh.

JENESIS 19:2

U dem ngon ha khmat jong ki, bad u ong, “Ko rangbah, nga don hangne ban shakri ïa phi. Sngewbha wan sha ïing jong nga. Phi lah ban sait ïa la ki kjat, bad ban sahmiet ruh. Lashai phi lah ban khie dang step, bad bteng ïa la ka jingleit.” Hynrei ki jubab, “Em, ngin sahmiet hangne ha ka jaka bakylluid jong ka nongbah.”

JENESIS 21:14

Dang step phyrngab ha ka sngi kaba bud, u Abraham u ai katto katne ka jingbam bad ka pla snieh ba-dap um ha ka Hagar. U pynbah ïa u khun ha ka met jong ka bad u la phah noh ïa ka. Ka la mihnoh bad ka ïaid sakma ha ka ri khlaw jong ka Beersheba.

JENESIS 21:23

Kumta to kular skhem hangne ha khmat U Blei ba men ym shukor ïa nga, ïa ki khun ki kti jong nga, lane ïa ki nonghiarpateng jong nga. Nga la ju lehhok ïa me, kumta to kular ba men lehhok kylliang ïa nga bad ïa kane ka ri ha kaba me shong me sah.”

JENESIS 21:27

Nangta u Abraham u la ai katto katne tylli ki langbrot bad ki masi ha u Abimelekh, bad kine baroh ar ngut ki ïateh kular.

JENESIS 22:3

Dang step phyrngab ha ka sngi kaba bud u Abraham u thlieh ki dieng na ka bynta ka jingkñia, u la pynkit halor ka kada, bad u la ïalam ïa u Isaak lem bad ar ngut ki shakri. Ki la ïamihnoh ban leit sha ka jaka ba U Blei u la ïathuh ha u.

JENESIS 25:33

U Jakob u jubab, “Nyngkong to smai ba phin ai noh ha nga ïa ki hok jong phi.” U Iso u smai bad u ai noh ïa la ki hok ha u Jakob.

JENESIS 26:32

Ha kata hi ka sngi, ki shakri jong u Isaak ki la wan ïathuh ha u shaphang ka pukri kaba ki la ïatih. Ki ong, “Ngi la shem ïa ka um.”

JENESIS 31:44

Hynrei namar ba ngam lah leh ei ei ban bat ïa la ki khun kynthei bad ïa ki khun jong ki, nga kloi ban pynlong ka jingïateh kular bad me. To ngin ïakynton ïa ki maw ki ban pynkynmaw ïa ka jingïateh kular jong ngi.”

JENESIS 31:55

Dang step phyrngab ha ka sngi kaba bud u Laban u la doh khublei ïa la ki khun ksiew bad ïa la ki khun kynthei, bad u la leit phai pat sha la ïing.

HEBRU 6:16

Haba u briew u smai, u pyndonkam ïa ka kyrteng jong uno uno uba kham khraw ban ïa u, bad ka jingsmai ka pynbeit ïa baroh ki jingïatainia.

1 SAMUEL 14:24

Ki Israel ki la tlot na ka jingthngan ha kata ka sngi, namar u Saul, da ka jingsmai kyntang, u la ai hukum: “Ka jingtim kan long ha uno uno uba bam kano kano ka jingbam mynta ka sngi ha shuwa ba ngan pynhiarkput ïa ki nongshun jong nga.” Kumta ym don uwei ruh na ki uba bam ei ei baroh shi sngi.

1 SAMUEL 20:3

Hynrei u Dabid u jubab, “I pa jong phi i tip bha katno ba phi sngewieit ïa nga, bad i la rai ba phin ym tip ïa kaei ba i thmu ban leh, namar ba phin sa sngewkthang eh. Nga smai ha phi da U Trai uba im ba nga don sa tang shisien jam na ka jingïap!”

1 SAMUEL 30:15

U Dabid u ong ïa u, “Men ïalam ïa nga sha kito ki nonglute?” U jubab, “Ngan leit lada phi kular ïa nga ha ka kyrteng U Blei ba phin ym pynïap ïa nga lane aiti ïa nga ha u kynrad jong nga.”