JENESIS 26:3 - Khasi CL Bible (BSI)

³ To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

KA BAIBL

³ To shong nongwei katto katne ha kane ka ri, bad nga te ngan long lem bad me, bad ngan kyrkhu ïa me; namar ha me, bad ha u symbai jong me, ngan ai ïa kine ki ri baroh, bad ngan pyndep skhem ïa la ka jingsmai ïa kaba nga la smai ha u Abraham u kpa jong me.

JENESIS 26:3 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 13:15

Ngan ai ha me bad ha ki khun ki ksiew jong me ïa ka ri baroh kat kaba me ïohi, bad kan long ka jong me junom.

JENESIS 13:17

Mynta, khie leit bad khmih ïa ka ri baroh kawei, naba ngan ai ïa ka baroh ha me.”

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 17:19

U Blei u ong, “Em. Ka Sarah, ka tnga jong me kan sa kha khun shynrang ïa me, bad men khot kyrteng ïa u, u Isaak. Ngan bat ïa ka jutang jong nga bad ha ki khun ki ksiew jong u. Ka dei ka jutang baïaineh junom.

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

JENESIS 20:1

U Abraham u la kynriah noh na Mamre sha ki bynta bashathie jong ka Kanaan bad u la shong la sah hapdeng ka Kadesh bad ka Shur.

JENESIS 25:11

Hadien ka jingïap jong u Abraham, U Blei u la kyrkhu ïa u Isaak u khun jong u, uba sah hajan “Ka Pukri jong Uta Uba Im Uba Ïohi Ïa Nga.”

JENESIS 26:12

U Isaak u la thung jingthung ha kata ka jaka, bad ha kata ka snem u ïoh ot shispah shah ïa kaba u la bet, namar U Trai u la kyrkhu ïa u.

JENESIS 26:14

Namar ba u don shibun ki kynhun langbrot bad ki kynhun masi, bad bun ngut ki shakri, ki Philistia ki la bishni ïa u.

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 28:15

To kynmaw, ba ngan long ryngkat bad me bad ïada ïa me kat shaba me leit, bad ngan wallam pat ïa me sha kane ka ri. Ngan ym iehnoh ïa me tad haduh ba ngan da pyndep ïa kata baroh ïa kaba nga la kular ha me.”

JENESIS 31:3

Nangta U Trai u ong ha u, “Khie leit phai pat sha ka ri ki kpa tymmen jong me, bad sha la ki kur ki jait. Nga ngan long lem ryngkat bad me.”

JENESIS 35:12

Ngan ai ha me ïa ka ri kaba nga la ai ha u Abraham bad ha u Isaak, bad ngan ai ïa ka ruh ha ki khun ki ksiew hadien jong me.”

JENESIS 39:2

U Trai u la don ryngkat lem bad u Joseph bad u la pynmanbha ïa u.

JENESIS 39:21

Hynrei U Trai u don ryngkat lem bad u Joseph bad kyrkhu ïa u, ba kumta u nongap byndi u la sngewbha eh ïa u.

JENESIS 48:21

Nangta u Jakob u ong ha u Joseph, “Kumba phi ïohi, nga la jan ïap, hynrei U Blei un don ryngkat bad me, bad un sa ïalam pat ïa me sha ka ri ki kpa tymmen jong me.

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

1 KHRONIKL 16:16

ka jutang kaba u la pynlong bad u Abraham, ka jingkular kaba u la pynlong bad u Isaak.

SALM 105:8

Un bat ïa ka jutang jong u junom, ki jingkular jong u na ka bynta ki hajar ki pateng.

SALM 105:9

Un bat ïa ka jingïakut ba u la pynlong bad u Abraham bad ïa ka kular bad u Isaak.

SALM 32:8

U Trai u ong, “Ngan hikai ïa me ïa ka lynti ha kaba me dei ban leit; ngan hikai ïa me bad ai jingmut ïa me.

SALM 39:12

To sngew ïa ka jingduwai jong nga, A Trai, bad to shahshkor ïa ka jingkyang jong nga; wan ban ïarap ïa nga haba nga ïam. Kum ki kpa tymmen jong nga baroh nga long tang u nongshong basa shipor jong me.

EKSODOS 2:24

Kata ka jingud jong ki ka kiew sha U Blei, uba la ïohsngew ïa ka jingud jong ki bad kynmaw ïa la ka jutang bad u Abraham, u Isaak bad u Jakob.

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

EKSODOS 6:4

Nga la pynlong ruh ka jutang bad ki, da kaba kular ban ai ha ki ïa ka ri Kanaan, ka ri ha kaba ki la shong la sah kum ki sohshnong.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

EKSODOS 6:8

Ngan ïalam ïa phi sha ka ri kaba nga la kular skhem ban ai ha u Abraham, ha u Isaak, bad ha u Jakob; bad ngan ai ïa ka ha phi kum ka nongkynti jong phi hi. Nga long U Trai.’ ”

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

ISAÏAH 43:5

Wat sheptieng — nga long ryngkat bad phi! “Naduh mihngi bajngai bad sha sepngi bajngai tam, ngan wallam sha ïing ïa ki briew jong phi.

MIKAH 7:20

Men pyn-i ïa ka jingïaineh jong me bad ka jingieit baneh ha la ki briew, ki khun ki ksiew jong u Abraham bad jong u Jakob, kumba me la kular ïa ki kpa tymmen jong ngi la slem bah.

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

DEUTERONOMI 1:8

Kane baroh ka long kata ka ri kaba nga U Trai nga la kular ban ai ha ki kpa tymmen jong phi, u Abraham, u Isaak, bad u Jakob, bad ha ki khun ki ksiew jong ki. Khie leit kam kynti ïa ka.’ ”

DEUTERONOMI 34:4

Nangta U Trai u ong ha u Moses, “Kane ka long kata ka ri ba nga la kular ïa u Abraham, u Isaak, bad u Jakob ban ai ha ki khun ki ksiew jong ki. Nga la shah ïa me ban ïohi ïa ka, hynrei ngan ym shah ba men leit shata.”

PHILIPPI 4:9

Pyntreikam ïa kaei kaba phi la nang bad ïohpdiang na nga, na ki ktien jong nga bad ki kam jong nga. Bad U Blei uba ai ha ngi ka jingsuk, un long lem bad phi.

HEBRU 11:9

Da ka jingngeit u la im kum u nongwei ha ka ri ha kaba U Blei u la kular ïa u. U la shong ha ki ïingjaiñ, kumta ruh u Isaak bad u Jakob, kiba la ïohpdiang ïa kajuh ka jingkular na U Blei.

HEBRU 6:17

Ha kito kiba dei ban ïohpdiang ïa kaei kaba u kular, U Blei u kwah ban pyn-i shai ba un ym pynkylla ïa ki jingthmu jong u; kumta u wanrah de ïa ka jingsmai ha ka jingkular.