JENESIS 26:24 - Khasi CL Bible (BSI)

²⁴ Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

KA BAIBL

²⁴ Bad U Trai u la mihpaw ha u ha kata ka miet, bad u la ong, “Nga long U Blei u Abraham u kpa jong me: to wat sheptieng, naba ma nga, nga long ryngkat bad me bad ngan kyrkhu ïa me, bad ngan pynroi ïa u symbai jong me na ka bynta u Abraham u shakri jong nga.”

JENESIS 26:24 ပူးပေါင်းရင်းမြစ်များ

JENESIS 13:16

Ngan ai ha me bun ki khun ki ksiew ba yn ym don mano mano ba lah ban ñiew ïa ki baroh; kan kham jem ban ñiew ïa ki phngit pui pui ha ka khyndew!

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

JENESIS 21:17

U Blei u ïohsngew ïa ka jingïam uta u khunlung, bad na bneng u angel jong U Blei u kren ha ka Hagar, “Ko Hagar, pha khuslai ïa-ei? Wat sheptieng. U Blei u la ïohsngew ïa ka jingïam uta u khunlung.

JENESIS 22:17

nga kular ba ngan ai ha me ïa ki khun ki ksiew kat ki khlur ka sahit bneng, lane kat ki symboh shyiap harud ka duriaw. Ki khun ki ksiew jong me kin jop ïa ki nongshun jong ki.

JENESIS 22:19

U Abraham u leit phai pat sha la ki shakri, bad ki ïaleit lang sha Beersheba, ha kaba u Abraham u shongneh hangta.

JENESIS 24:12

U la duwai, “A Trai, U Blei jong u kynrad jong nga u Abraham, to ai ka jingjop ïa nga mynta ka sngi bad to bat ïa la ka kular ïa u kynrad jong nga.

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 28:15

To kynmaw, ba ngan long ryngkat bad me bad ïada ïa me kat shaba me leit, bad ngan wallam pat ïa me sha kane ka ri. Ngan ym iehnoh ïa me tad haduh ba ngan da pyndep ïa kata baroh ïa kaba nga la kular ha me.”

JENESIS 28:3

To U Blei Badonbor Baroh un kyrkhu ïa ka shongkha shongman jong me bad un ai ïa me bun ki khun ki kti, ba men ïoh long u kpa jong kiba bun ki jaitbynriew.

JENESIS 30:27

U Laban u ong ha u, “Shah ba ngan ong ïa kane: nga la ïoh jingtip da kaba wad na U Blei ba U Trai u la kyrkhu ïa nga namar jong me.

JENESIS 31:5

U ong ïa ki, “Nga ithuh ba i pa jong phi im da leh jan shuh ïa nga kumba mynshuwa; hynrei U Blei jong u kpa jong nga u la don lem bad nga.

JENESIS 39:2

U Trai u la don ryngkat lem bad u Joseph bad u la pynmanbha ïa u.

JENESIS 39:3

U la shong la sah ha ka ïing jong u nong Ijipt uba long u kynrad jong u, uba la ïohi ba U Trai u don ryngkat lem bad u Joseph bad ba u la pynmanbha ïa u ha kaei kaei kaba u leh.

JENESIS 46:1

Kumta u Jakob u mihnoh, u da kit lut baroh kat kiba u don, bad u leit sha Beersheba, bad hangta u kñia ainguh ha U Blei jong u Isaak u kpa jong u.

1 SYIEM 17:13

“Wat khuslai” u Elijah u la ong ha ka. “Khie leit bad pynkhreh ïa ka jingbam jong phi. Hynrei nyngkong shet ïa u kpu uba rit na kaei kaba pha don bad wanrah ïa u sha nga, bad nangta sa shet ïa kaba sah na ka bynta jong pha bad ïa u khun jong pha.

EKSODOS 14:13

U Moses u la jubab, “Wat sheptieng! Ïeng skhem, bad phin sa ïohi aïu U Trai un leh mynta ka sngi ban pyllait im ïa phi; lano lano ruh phin ym ïohi shuh ïa kine ki nong Ijipt.

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 44:2

Nga long U Trai uba la thaw ïa phi; naduh ka por ba la kha ïa phi, nga la ïarap ïa phi. Wat sheptieng; phi long u shakri jong nga, ki briew ba la jied jong nga kiba nga ieit.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

SNGEWSYNEI 3:57

Me la jubab ïa nga bad ong ïa nga ban ym sheptieng.

LEBITIKOS 26:42

ngan sa kynmaw ïa la ka jutang ba nga la pynlong bad u Jakob bad u Isaak bad u Abraham, bad ngan sa pynthymmai ïa la ka kular ban ai ïa kata ka ri ha ki briew jong nga.

LEBITIKOS 26:45

Ngan pynthymmai ïa ka jutang ba nga la pynlong bad ki kpa tymmen jong ki mynba nga la pynpaw ïa la ka bor ha ki jaitbynriew baroh da kaba ïalam noh ïa la ki briew na ka ri Ijipt, khnang ba ma nga, U Trai, nga lah ban long U Blei jong ki. Nga long U Trai.”

MATHAÏOS 22:32

‘Nga long U Blei jong u Abraham, U Blei jong u Isaak, bad U Blei jong u Jakob.’ U long U Blei jong kiba im bad ym jong kiba ïap.”

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

KI KAM 7:32

‘Nga long U Blei jong ki kpa tymmen jong me, U Blei jong u Abraham, u Isaak bad u Jakob.’ U Moses u la khynñiuh da ka jingsheptieng bad um shym la nud ban peit.

DEUTERONOMI 13:17

Wat shim sha lade ïa kaei kaei kaba la mang ban pynjot, te U Trai un phai na ka jingbitar shla jong u bad un isynei ïa phi. Un leh-isynei ïa phi bad un pynroi ïa phi, kumba u la kular ïa ki kpa tymmen jong phi,

DEUTERONOMI 31:6

To long kiba kut jingmut bad sngewskhem bha. Wat sheptieng ïa ki. U Trai U Blei jong phi hi un don ryngkat bad phi. Un ym ieh ïa phi lane kyntait ïa phi.”

HEBRU 11:16

Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

HEBRU 13:6

To ngin long shlur, te, bad ong, “U Trai u long u nongïarap jong nga, ngan ym sheptieng. Uei uba lah ban leh ei ei ïa nga?”

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.

RUTH 3:11

Ruth, mynta wat khuslai. Ngan leh ïa kaei kaei baroh kaba phi pan; kumba baroh ha shnong ki ïatip, phi dei ka kynthei kaba donburom.