JENESIS 24:7 - Khasi CL Bible (BSI)

⁷ U Trai, U Blei jong ka bneng, u la ïalam noh ïa nga na ka ïing u kpa jong nga bad na ka ri ki kur ki jait jong nga, bad u la kular skhem ha nga ba un ai ïa kane ka ri ha ki khun ki ksiew jong nga. Un phah ïa u angel jong u ha shuwa jong me, ba me lah ban pynïoh hangta ka tnga ïa u khun jong nga.

KA BAIBL

⁷ U Trai uba U Blei jong ka bneng uba la shim noh ïa nga na ka ïing u kpa jong nga, bad na ka ri ki kur jong nga, bad uba la ïakren bad nga, bad uba la smai ruh ha nga, u da ong, ‘Ha u symbai jong me ngan ai duh ïa kane ka khyndew;’ un phah ïa la u angel ha shuwa jong me, bad me ruh men shim ka tnga ïa u khun jong nga nangtai keiñ.

JENESIS 24:7 ပူးပေါင်းရင်းမြစ်များ

JENESIS 13:15

Ngan ai ha me bad ha ki khun ki ksiew jong me ïa ka ri baroh kat kaba me ïohi, bad kan long ka jong me junom.

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 16:7

U angel jong U Trai u la ïashem ïa ka Hagar harud ka umpohliew ha ka ri shyiap ha ka lynti sha Shur bad u ong,

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

JENESIS 21:17

U Blei u ïohsngew ïa ka jingïam uta u khunlung, bad na bneng u angel jong U Blei u kren ha ka Hagar, “Ko Hagar, pha khuslai ïa-ei? Wat sheptieng. U Blei u la ïohsngew ïa ka jingïam uta u khunlung.

JENESIS 22:11

Hynrei u angel U Trai u pyrta ïa u na bneng, “Abraham, Abraham!” U jubab, “Ho-oid, nga hangne.”

JENESIS 24:3

Nga kwah ïa me ban pynlong ka jingsmai ha ka kyrteng U Trai, U Blei jong ka bneng bad ka khyndew, ba men ym jied ka tnga ïa u khun jong nga na ki briew hangne ha ri Kanaan.

JENESIS 24:40

U la jubab, ‘U Trai, ïa uba nga la ju kohnguh, un phah ïa u angel jong u lem bad me bad ai ha me ka jingjop. Men pynïoh ïa u khun jong nga ka tnga na ki briew jong nga hi, bad na ki ba-ha-ïing ha-sem jong u kpa jong nga.

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

ESRA 1:2

“Kane ka dei ka hukum u Syros, u patsha ka Persia. U Trai, U Blei jong ka Bneng, u la pynlong ïa nga u nongsynshar jong ka pyrthei baroh kawei bad u la ai ha nga ïa ka jingkitkhlieh ban tei ïa ka templ ïa u ha Jerusalem ha Judah.

SALM 103:20

Ïaroh ïa U Trai, ma phi ki angel bakhlaiñ bad badonbor, kiba kohnguh ïa ki hukum jong u, kiba shahshkor ïa kaei kaba u ong.

SALM 136:26

To ainguh ïa U Blei jong ka bneng; ka jingieit jong u ka neh bymjukut.

SALM 32:8

U Trai u ong, “Ngan hikai ïa me ïa ka lynti ha kaba me dei ban leit; ngan hikai ïa me bad ai jingmut ïa me.

SALM 34:7

U angel jong u, u ap phira ïa kito kiba pyndonburom ïa U Trai, bad u pyllait ïa ki na ka jingma.

SALM 73:24

Me kdew lynti ïa nga da ka jingbthah jong me bad ha kaba kut men pdiang ïa nga da kaba donburom.

EKSODOS 13:5

U Trai u la kular skhem ha ki kpa tymmen jong phi ba un ai ha phi ïa ka ri jong ki Kanaan, ki Hit, ki Amor, ki Hib, bad ki Jebus. Ynda u la wallam ïa phi sha kata ka ri kaba tuid da ka dud bad ka ngap, phi dei ban rakhe ïa kane ka Jingkhawai Niam man ka snem ha u bnai uba nyngkong.

EKSODOS 32:13

Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

EKSODOS 33:2

Ngan phah ïa u angel jong nga ban ïalam ïa phi, bad ngan beh noh ïa ki Kanaan, ki Amor, ki Hit, ki Peris, ki Hib, bad ki Jebus.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

JONAH 1:9

“Nga dei u Hebru,” u Jonah u la jubab. “Nga mane ïa U Trai, U Blei ka bneng, uba la thaw ïa ka khyndew bad ka duriaw.”

JINGKHEIÑ 11:12

Ngam shym thaw ïa ki lymne pynkha ïa ki! Balei ba me ong ïa nga ba ngan long nongri khun bad rah ïa ki kum ïa ki khunlung shi lynter lynti shaduh ka ri kaba me la kular ha ki kpa tymmen jong ki?

JINGKHEIÑ 14:16

ba me pynïap ïa la ki briew ha ka ri khlaw namar ba mem lah ban ïalam ïa ki sha kata ka ri ïa kaba me la kular ban ai ha ki.

JINGKHEIÑ 14:30

Nga la kular ba ngan shah ïa phi ban shong hangta, hynrei yn ym don uwei ruh na phi u ban ïoh ïa kata, lait tang u Kaleb bad u Joshua.

JINGKHEIÑ 32:11

‘Nga smai ba namar kim shym la kohnguh ïa nga, uwei ruh na ki rangbah uba arphew snem lane kham heh uba la wan na Ijipt un ym ïohrung sha ka ri kaba nga la kular ha u Abraham, u Isaak, bad u Jakob.’

KI KAM 7:5

U Blei, mynkata, um shym la ai ha u Abraham ïa kano kano ka bynta jong ka kum ka jong u hi, ym wat shi mitar sawdong jong ka khyndew, hynrei U Blei u la kular ban ai ïa ka ha u, bad ba kan long ka jong u bad ka jong ki khun ki ksiew jong u. Ha ka por ba U Blei u la pynlong ïa kane ka jingkular, u Abraham um pat don khun.

DEUTERONOMI 1:8

Kane baroh ka long kata ka ri kaba nga U Trai nga la kular ban ai ha ki kpa tymmen jong phi, u Abraham, u Isaak, bad u Jakob, bad ha ki khun ki ksiew jong ki. Khie leit kam kynti ïa ka.’ ”

DEUTERONOMI 34:4

Nangta U Trai u ong ha u Moses, “Kane ka long kata ka ri ba nga la kular ïa u Abraham, u Isaak, bad u Jakob ban ai ha ki khun ki ksiew jong ki. Nga la shah ïa me ban ïohi ïa ka, hynrei ngan ym shah ba men leit shata.”

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

HEBRU 11:9

Da ka jingngeit u la im kum u nongwei ha ka ri ha kaba U Blei u la kular ïa u. U la shong ha ki ïingjaiñ, kumta ruh u Isaak bad u Jakob, kiba la ïohpdiang ïa kajuh ka jingkular na U Blei.

JOSHUA 1:6

Kut jingmut triang bad long skhem, namar men long u nongïalam jong kine ki briew katba ki shim kynti ïa kane ka ri ïa kaba nga la kular ha ki kpa tymmen jong ki.

JOSHUA 24:3

Nangta nga la shim ïa u Abraham, u kpa tymmen jong phi, na ka ri kaba sha shiliang ka wah Ïuphratis bad nga ïalam ïa u lyngba ka ri Kanaan baroh kawei. Nga la ai ha u shibun ki khun ki ksiew. Nga la ai ha u ïa u Isaak,

JINGPYNPAW 11:13

Ha kata ka khyllipmat hi la jia ka jingkhih jumai kaba jur; shi bynta na ka shiphew bynta jong ka nongbah la pynjot, bad hynñiew hajar ngut ki briew ki la ïap. Kita kiwei pat ki briew ki la sngewtriem bad ki la ïaroh ïa ka jingkhraw U Blei jong ka bneng.

NONGBISHAR 2:1

U angel jong U Trai u leit na Gilgal sha Bokhim bad u ong ha ki Israel, “Nga la shim ïa phi na Ijipt bad wallam ïa phi sha ka ri kaba nga la kular ha ki kpa tymmen jong phi. Nga la ong, ‘Ngan ym pynkheiñ lano lano ïa ka jutang jong nga bad phi.