JENESIS 24:44 - Khasi CL Bible (BSI)

⁴⁴ Lada ka mynjur bad tyrwa ruh ban wanrah um ïa ki ut jong nga, to ai ba kata kan long kaba me la jied kum ka tnga ïa u khun jong u kynrad jong nga.’

KA BAIBL

⁴⁴ bad ba ka kan ïoh ong ha nga, “To ma me men dih, bad ïa ki ut jong me ruh ngan tong um:” to ai ba kata hi keiñ kan long ïa kaba U Trai u la thung shai ban long ka tnga ïa u khun u kynrad jong nga.’

JENESIS 24:44 ပူးပေါင်းရင်းမြစ်များ

JENESIS 2:22

U la thaw ïa ka briew na ka shyieng krung, bad u la wallam ïa ka ha u.

JENESIS 24:14

Ngan ong ha kawei na ki, ‘Sngewbha pynhiar ïa u khiew um jong phi bad to ai ba ngan ïoh dih um.’ Lada ka ong, ‘Dih, bad ngan sa wanrah um ruh ïa ki ut jong phi,’ to ai ba kan dei ma ka kaba me la jied na ka bynta u shakri jong me u Isaak. Lada kane kan jia, ngan tip ba me la batskhem ïa la ka kular ha u kynrad jong nga.”

JENESIS 24:43

Mynta nga don hangne harud kane ka pukri. Haba ka samla ka wan ban tong um, ngan ong ha ka ba kan ai um ba ngan dih ïa nga na u khiew um jong ka.

JENESIS 24:45

Ha shuwa ba ngan kut ka jingduwai bajar jar jong nga, ka Rebekka ka la wan bad u khiew um ha ka tyrpeng jong ka bad ka la leit hiar sha kata ka pukri ban tong um. Nga la ong ha ka, ‘To ai um ba ngan dih.’

PROBERB 16:33

Ki briew ki ïakynting sbai ban tip ïa ka mon U Blei, hynrei U Blei da lade hi u ai ïa ka jubab.

PROBERB 18:22

Haba shem ïa ka tnga, phi shem ïa kaei kaba bha; ka pynpaw ba U Trai u lehbha ïa phi.

PROBERB 19:14

U briew u lah ban ïohpateng ïa ka ïing bad ka spah na la ki kmie ki kpa, hynrei tang U Trai uba lah ban ai ha u ïa ka tnga kaba shemphang.

ISAÏAH 32:8

Hynrei u briew uba donburom u lehhok bad u ïeng skhem na ka bynta kaei kaba dei.

HEBRU 13:2

Da kynmaw ban pdiang sngewbha ïa ki nongwei ha ki ïing jong phi. Don kiba la leh kumta bad pdiang sngewbha ïa ki angel khlem da tip ïa kata.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.