JENESIS 24:3 - Khasi CL Bible (BSI)

³ Nga kwah ïa me ban pynlong ka jingsmai ha ka kyrteng U Trai, U Blei jong ka bneng bad ka khyndew, ba men ym jied ka tnga ïa u khun jong nga na ki briew hangne ha ri Kanaan.

KA BAIBL

³ bad ngan pynsmai ïa me da U Trai uba U Blei jong ka bneng, bad U Blei jong ka khyndew, ba men ym shim ka tnga ïa u khun jong nga na ki khun kynthei jong ki kynja Kanaan, kiba nga shong sah hapdeng jong ki:

JENESIS 24:3 ပူးပေါင်းရင်းမြစ်များ

JENESIS 14:19

u la kyrkhu ïa u, bad u ong, “To U Blei Bahakhlieh Tam Eh, u nongthaw ïa ka bneng bad ïa ka khyndew, un kyrkhu ïa u Abram!

JENESIS 14:22

U Abram u ong, “Nga la smai ha khmat U Trai, U Blei Bahakhlieh Tam Eh, u Nongthaw ïa ka bneng bad ïa ka khyndew, ba ngan ym bat ei ei ïa kaba dei ka jong me, wat ïa u 'sai juti ruh.

JENESIS 21:23

Kumta to kular skhem hangne ha khmat U Blei ba men ym shukor ïa nga, ïa ki khun ki kti jong nga, lane ïa ki nonghiarpateng jong nga. Nga la ju lehhok ïa me, kumta to kular ba men lehhok kylliang ïa nga bad ïa kane ka ri ha kaba me shong me sah.”

JENESIS 24:7

U Trai, U Blei jong ka bneng, u la ïalam noh ïa nga na ka ïing u kpa jong nga bad na ka ri ki kur ki jait jong nga, bad u la kular skhem ha nga ba un ai ïa kane ka ri ha ki khun ki ksiew jong nga. Un phah ïa u angel jong u ha shuwa jong me, ba me lah ban pynïoh hangta ka tnga ïa u khun jong nga.

JENESIS 27:46

Ka Rebekka ka ong ha u Isaak, “Nga la sngewngiah bad sngewthait ïa ki tnga nongwei jong u Iso. Lada u Jakob ruh u shongkurim ïa kawei na kine ki nong Hit, nga lah ban sa shu ïap noh ruh.”

JENESIS 28:1

U Isaak u khot ïa u Jakob, u khublei ïa u, bad u ong ha u, “Wat shongkurim ïa ka nong Kanaan.

JENESIS 28:8

Kumta u Iso u sngewthuh ba u kpa jong u, u Isaak um mynjur ïa ki kynthei nong Kanaan.

JENESIS 34:9

To ngin pynlong ka jingïateh kular ba kan don noh ka jingïashongkha khleh hapdeng jong ngi bad ki jong phi.

JENESIS 38:2

Hangta u Judah u la ïakynduh ïa ka samla nong Kanaan uba u kpa jong ka u kyrteng u Shua.

JENESIS 47:31

Nangta u Jakob u ong, “Pynlong ka jingsmai ba phin leh kumta.” U Joseph u la pynlong ka jingsmai, bad u Jakob ruh u ainguh hangta ha jingthiah.

JENESIS 50:25

Nangta u Joseph u ong ïa la ki briew ban smai. “Kular ïa nga,” u ong, “ba ynda U Blei u ïalam noh ïa phi sha kata ka ri, phin rah lang ïa ka met jong nga nangne.”

JENESIS 6:2

katto katne na ki jingthaw ba kynja bneng ki la ïohi ba kine ki samla kynthei ki long kiba bhabriew, kumta ki la shim ïa kita kiba ki la mon.

JENESIS 6:4

Ha kito ki sngi, bad wat hadien kata ruh, la don ki ramhah ha ka pyrthei kiba long ki khun ki ksiew jong kita ki khun kynthei jong ki briew bad kita ki jingthaw ba kynja bneng. Ki la long ki riewshlur bakhraw bad ki briew kiba pawnam ha ki por mynbarim.

2 SYIEM 19:15

bad u duwai, “A Trai, U Blei jong ki Israel, uba don ha ka khet halor ki Kherub, me hi me long U Blei, uba synshar halor ki hima baroh jong ka pyrthei. me la thaw ïa ka pyrthei bad ïa ka suiñbneng.

2 KHRONIKL 2:12

Ïaroh ïa U Trai U Blei ki Israel, u Nongthaw ïa ka bneng bad ka khyndew! U la ai ha u syiem Dabid, ïa u khun uba stad, uba dap da ka jingshemphang bad ka jingtbit, uba mynta u thmu ban tei ka Templ na ka bynta U Trai bad ka ïingsyiem na ka bynta ïa lade.

ESRA 5:11

“Ki jubab, ‘Ngi dei ki shakri jong U Blei ka bneng bad ka khyndew, bad ngi tei pat ïa ka Templ kaba lah dep tei bad pynbiang ïa ki jingbuh jingsat bun snem mynshuwa da u syiem bakhrawbor ka Israel.

NEHEMAÏAH 13:25

Nga la sneng ïa ki rangbah, nga la tim ïa ki, shoh ïa ki bad pajut ïa u shñiuh jong ki. Nangta nga la pynlong ïa ki ban smai ha ka kyrteng U Blei ba kim dei shuh ba ma ki ne ki khun jong ki kin shongkha khleh bad ki nongwei.

NEHEMAÏAH 9:6

Bad nangta ki Israel ki duwai ïa kane ka jingduwai: “Ma me, Ko Trai, tang ma me hi marwei me long U Trai; me thaw ïa ki bneng bad ki khlur jong ka sahit bneng. Me thaw ïa ka ryngkew bad ïa ka duriaw bad baroh kiba don ha ki; me ai jingim ïa baroh. Ki bor ha bneng ki dem bad ki mane ïa me.

SALM 115:15

To phin long kiba la kyrkhu da U Trai, uba la thaw ïa ka bneng bad ïa ka pyrthei!

SALM 136:26

To ainguh ïa U Blei jong ka bneng; ka jingieit jong u ka neh bymjukut.

EKSODOS 20:7

“Wat pyndonkam ïa ka kyrteng jong nga na ka bynta ki jingthmu kiba sniew, naba nga, U Trai U Blei jong phi, ngan pynshitom ïa uno uno uba pyndonkam thala ïa ka kyrteng jong nga.

EKSODOS 22:11

uta u briew un leit sha ka jaka mane Blei bad un smai ba um shym tuh ïa ka jingri uta uwei pat u briew. Lada ym shym la tuh ïa ka, u trai jingri u dei ban pdiang ïa kata, bad uta uba sumar lem um donkam ban hap siew ei ei.

EKSODOS 23:13

“Shahshkor ïa kaei kaei baroh kaba nga U Trai nga la kren ha phi. Wat duwai ha kiwei pat ki blei; bad tang ïa ka kyrteng jong ki ruh wat ïalap.

EKSODOS 34:16

Ki khun shynrang jong phi kin lah ban ïashongkurim bad ki khun kynthei jong ki, ki ban ïalam ïa ki ban ym ïaineh shuh ha nga bad ban mane ïa ki blei thala jong ki.

ISAÏAH 45:23

Ka jingkular jong nga ka long kaba shisha, bad kan ym kylla. Nga kular shisha da baroh kaba nga long; baroh kin wan ban dem ha khmat jong nga bad kular ba ki long hok ha nga.

ISAÏAH 48:1

To shahshkor ïa kane, phi ki paid Israel, phi kiba hiarpateng na u Judah: Phi smai da ka kyrteng jong U Trai bad kam ba phi mane ïa U Blei ki Israel — hynrei phim shym buh jingmut ïa kawei ruh ka ktien kaba phi ong.

ISAÏAH 65:16

Te uno uno uba ha ka ri uba pan ïa ka jingkyrkhu, un pan ban ïoh jingkyrkhu na U Blei uba ïaineh. Uno uno uba shim smai un smai ha ka kyrteng U Blei uba ïaineh; Ki jingjynjar kiba mynshuwa kin leit noh bad yn klet noh.”

JEREMAÏAH 10:11

(Ma phi ki paidbah phi dei ban ïathuh ïa ki ba ki blei ki bym shym la thaw ïa ka pyrthei bad ïa ka sahit bneng yn sa pynjot. Kin ym don shuh hangno hangno ha ka pyrthei.)

JEREMAÏAH 12:16

Lada kin pdiang da ka dohnud jong ki baroh ïa ka niam jong ki briew jong nga bad kin smai, ‘Kumba U Trai u im’ — kumba shisien ki la hikai ïa ki briew jong nga ban smai da u Baal — nangta ki ruh kin long ka bynta jong ki briew jong nga ban kin manbha.

JEREMAÏAH 29:6

To ïashongkurim bad to ïoh ki khun ki kti. Nangta shah ïa ki khun ki kti jong phi ban shongkurim, ba kumta ma ki ruh kin don ki khun ki kti. Phi dei ban roi ha ka jingbun briew bad ym ban duna.

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

LEBITIKOS 19:12

Wat ai ka jingkular ha ka kyrteng jong nga lada phim don jingmut ban bat ïa ka; kata ka wanrah ïa ka jingpynjahburom ïa ka kyrteng jong nga. Nga long U Trai U Blei jong phi.

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

JINGKHEIÑ 5:21

to U Trai un ñiew ïa ka kyrteng jong pha kaba la tim hapdeng ki briew jong pha. To un pynstai ïa ka longkynthei jong pha bad pynsieb ïa ka kpoh jong pha.

1 KORINTH 7:39

Ka briew kaba la shongkurim kam long kaba laitluid katba u tnga jong ka u dang im; hynrei lada u tnga jong ka u ïap noh, te ka long kaba laitluid ban shongkurim ïa uno uno u briew uba ka mon, hynrei tang lada u long uba ngeit.

DEUTERONOMI 10:20

Kohnguh ïa U Trai U Blei jong phi bad mane ruh tang ïa u. Ïaineh ha u bad kular skhem tang ha ka kyrteng jong u.

DEUTERONOMI 6:13

Tiengburom ïa U Trai U Blei jong phi, mane tang ïa u, bad kular ruh tang ha ka kyrteng jong u.

HEBRU 6:16

Haba u briew u smai, u pyndonkam ïa ka kyrteng jong uno uno uba kham khraw ban ïa u, bad ka jingsmai ka pynbeit ïa baroh ki jingïatainia.

JOSHUA 2:12

Mynta to smai da u ba phin lehbha ïa ka longïing jong nga kumba nga la leh ïa phi, bad ai ha nga katto katne ka dak ba nga lah ban shaniah ïa phi.

NONGBISHAR 14:3

Hynrei u kpa bad ka kmie jong u ki ong ïa u, “Balei phin da leit sha kito ki Philistia bymngeit ban ïoh ïa ka kurim? Hato phim lah ban shem ïa ka theisamla na la ka kur ka jait, hapdeng ki briew jong ngi baroh?” Hynrei u Samson u ong ha la u kpa, “Kane ka dei kaba nga kwah ba phin pynïoh na ka bynta jong nga. Nga itynnat ïa ka.”

1 SAMUEL 20:17

Sa shisien pat u Jonathan u pynlong ïa u Dabid ban kular ban ieit ïa u, naba u Jonathan u ieit ïa u Dabid kumba u ieit ïa lade hi.

1 SAMUEL 30:15

U Dabid u ong ïa u, “Men ïalam ïa nga sha kito ki nonglute?” U jubab, “Ngan leit lada phi kular ïa nga ha ka kyrteng U Blei ba phin ym pynïap ïa nga lane aiti ïa nga ha u kynrad jong nga.”