JENESIS 24:14 - Khasi CL Bible (BSI)

¹⁴ Ngan ong ha kawei na ki, ‘Sngewbha pynhiar ïa u khiew um jong phi bad to ai ba ngan ïoh dih um.’ Lada ka ong, ‘Dih, bad ngan sa wanrah um ruh ïa ki ut jong phi,’ to ai ba kan dei ma ka kaba me la jied na ka bynta u shakri jong me u Isaak. Lada kane kan jia, ngan tip ba me la batskhem ïa la ka kular ha u kynrad jong nga.”

KA BAIBL

¹⁴ To shah ba kan jia ruh, ba kata ka samla ha kaba ngan ong, ‘To da pynhiar noh ïa la u khiew, nga kyrpad ïa pha, ba ngan ïoh dih;’ te lada kan ong, ‘To dih, bad ïa ki ut jong me ruh ngan ai ban dih;’ to ai ba kata kan long ïa kaba me la thmu ïa u Isaak u shakri jong me; bad na kata keiñ, ngan ïoh tip ba me la pyni ïa ka jinglehsbun ïa u kynrad jong nga.”

JENESIS 24:14 ပူးပေါင်းရင်းမြစ်များ

JENESIS 15:8

Hynrei U Abram u ong, “Ko Trai Nongsynshar, kumno keiñ nga lah ban tip ba kan long ka jong nga?”

JENESIS 24:13

Hangne nga don harud kane ka pukri ha kaba ki samla kynthei jong ka nongbah kin sa ïawan tong um.

JENESIS 24:15

Shuwa ban kut ka jingduwai, ka Rebekka ka la wan poi bad u khiew um ha la ka tyrpeng. Ka dei ka khun jong u Bethuel, uba long u khun jong ka Milkah bad u Nahor, uba shi para bad u Abraham.

JENESIS 24:18

Ka ong, “Ko rangbah, to dih” bad ka pynhiar kloi kloi ïa uta u khiew um na ka tyrpeng jong ka, bad ka pynbat katba u dang dih.

JENESIS 24:19

Haba u la dep dih, ka ong, “Ngan leit tong um sa ïa ki ut jong phi de bad to ai ba kin ïoh dih katba ki kwah.”

JENESIS 24:43

Mynta nga don hangne harud kane ka pukri. Haba ka samla ka wan ban tong um, ngan ong ha ka ba kan ai um ba ngan dih ïa nga na u khiew um jong ka.

JENESIS 24:44

Lada ka mynjur bad tyrwa ruh ban wanrah um ïa ki ut jong nga, to ai ba kata kan long kaba me la jied kum ka tnga ïa u khun jong u kynrad jong nga.’

2 SAMUEL 20:9

U Joab u ong ha u Amasa, “Phi long kumno, ko paralok jong nga?” bad u bat ïa u Amasa na u 'ñiuhtmoh jong u da la ka kti kamon ban doh ïa u.

2 SAMUEL 5:24

Haba me ïohsngew ïa ka jingsawa ka jingïaid halor ki kliar dieng, te tur ïaleh ïa ki namar ngan ïaid ha shuwa jong me ban jop ïa ka kynhun shipai jong ki Philistia.”

PROBERB 19:14

U briew u lah ban ïohpateng ïa ka ïing bad ka spah na la ki kmie ki kpa, hynrei tang U Trai uba lah ban ai ha u ïa ka tnga kaba shemphang.

ISAÏAH 7:11

“To pan na U Trai U Blei jong me ban ai ka dak ha me. Ka lah ban long na kaba jylliew ha ka pyrthei kiba ïap lane nang tei najrong eh jong ka bneng.”

Ka Shithi U Paul Sha Ki Nong Rom 1:10

Nga pan ba U Blei ha ka mon babha jong u ha kaba khatduh un pynlah ïa nga ban wan jngoh ïa phi mynta.

NONGBISHAR 18:5

Ki ong ha u, “Sngewbha kylli na U Blei la ngin shem bha ne em ha kane ka jingleit jong ngi.”

NONGBISHAR 6:17

U Gideon u jubab, “Lada me sngewbha ïa nga, ai ha nga katto katne ka jingpynshisha ba me dei da shisha U Trai.

NONGBISHAR 6:37

Te nga buh katto katne u shñiuh langbrot halor ka khyndew ha kaba ngi shoh kew. Lada ha ka por mynstep don umjer tang ha u shñiuh langbrot hynrei ym ha ka khyndew, te ngan tip ba men pyndonkam ïa nga ban pyllait ïa ki Israel.”

1 SAMUEL 20:7

Lada i ong, ‘Ka biang’ kan ym jia ei ei ïa nga; hynrei lada i bitar, phin tip ba i la kut jingmut ban pynsniew ïa nga.