JENESIS 24:10 - Khasi CL Bible (BSI)

¹⁰ Uta u shakri uba peit halor ki jingdon jingem jong u Abraham, u shim shiphew tylli ki ut jong u kynrad jong u bad u leit sha ka nongbah ha kaba u Nahor u shong u sah ha ka bynta bashaphang shatei ka ri Mesopotamia.

KA BAIBL

¹⁰ Bad uta u shakri u la shim shiphew tylli ki ut na ki ut u kynrad jong u, bad u la leit noh; bad na kiei kiei baroh kiba kham bha ba dei ïa u kynrad jong u ha la ka kti: bad u la khie, bad u la leit noh sha ka ri Mesopotamia, sha ka shnong u Nahor.

JENESIS 24:10 ပူးပေါင်းရင်းမြစ်များ

JENESIS 11:26

Hadien ba u Terah u la dap hynñiewphew snem ka rta, u la long u kpa jong u Abram, u Nahor, bad u Haran.

JENESIS 11:29

U Abram u la shongkurim ïa ka Sarai, bad u Nahor u la shongkurim ïa ka Milkah, ka khun jong u Haran, uba long ruh u kpa jong ka Iskah.

JENESIS 11:31

U Terah u shim ïa u Abram u khun jong u, ïa u Lot u ksiew jong u, uba long u khun jong u Haran, bad ïa ka pyrsa kurim jong u ka Sarai, ka tnga jong u Abram, bad ki ïamih lang noh na ka shnong Ur kaba ha ka ri Babilonia ban leit sha ka ri Kanaan. Ki la leit haduh ha Haran bad ki la ïashong ïasah noh hangta.

JENESIS 11:32

U Terah u la ïap hangta ha ka rta kaba arspah san snem.

JENESIS 22:20

Hadien khyndiat por, u Abraham u la tip ba ka Milkah ka la kha phra ngut ki khun ïa u Nahor u para jong u:

JENESIS 24:2

U ong ha u shakri jong u, uba la rangbah bha, uba peit halor baroh kiba u don, “Buh ïa la ka kti hapdeng ki lbong jong nga bad pynlong ka jingsmai.

JENESIS 24:22

Haba ka la dep ai um, uta u briew u shim ïa ka sati ksiar kaba remdor bad u pyndait ha ka khmut jong ka, bad u pyndeng ruh ar tylli ki khadu ksiar kiba heh ha ki ryndang-kti jong ka.

JENESIS 24:53

Nangta u sei ïa ki jaiñ bad ki jingdeng rupa bad ksiar, bad u ai ïa ki ha ka Rebekka. U ai ruh ïa ki jingai kiba kordor ïa u hynmen bad ïa ka kmie jong ka.

JENESIS 27:43

Mynta, ko khun, leh kumba nga ong.

JENESIS 29:1

U Jakob u la bteng ïa ka jingleit jong u bad u la leit sha ka ri kaba shaphang mihngi.

JENESIS 29:2

Kynsan kynsan u poi ha kawei ka pukri ha ki lyngkha bad lai kynhun ki langbrot kiba dem sawdong jong ka. La ju ai um ïa kita ki kynhun langbrot na kata ka pukri ha kaba don u mawkhang uba heh, ha khlieh jong ka.

1 KHRONIKL 19:6

U syiem Hanun bad ki Ammon ki sngewthuh ba ki la pynlong ïa u Dabid u nongshun jong ki, kumta ki siew laiphew saw hajar kilo ka rupa ban wai ki kali ïapom bad ki nongñiah kali ïapom na ka Mesopotamia bashaneng bad na ki jylla Syria jong ka Maakah bad Sobah.

KI KAM 2:9

Ngi dei na Parthia, na Media, bad na Elam; na Mesopotamia, na Judia, bad na Kappadokia; na Pontos bad na Asia,

DEUTERONOMI 23:4

Ki la kyntait ban ai jingbam bad ai um ïa phi mynba phi don ha lynti na Ijipt, bad ki la khot wai ïa u Balaam u khun jong u Beor, uba na ka shnong Pethor ha Mesopotamia, ban tim ïa phi.