JENESIS 24:1 - Khasi CL Bible (BSI)

¹ U Abraham u la tymmen bha, bad U Trai u la kyrkhu ïa u ha kiei kiei baroh kiba u leh.

KA BAIBL

¹ Bad u Abraham u la tymmen, ki sngi ka rta jong u ki la dier bun eh: bad U Trai u la lah kyrkhu ïa u ha kiei kiei baroh.

JENESIS 24:1 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 13:2

U Abram u la long uba riewspah shibun, ha ka jingdon ïa ki langbrot bad ki blang, kumjuh ruh ha ka jingdon ïa ka rupa bad ka ksiar.

JENESIS 18:11

U Abraham bad ka Sarah ki la tymmen bha, bad ka Sarah ruh ka la palat ïa ka por ban dang ïoh khun.

JENESIS 21:5

U Abraham u la dap shispah snem ka rta mynba la kha ïa u Isaak.

JENESIS 24:35

“U Trai u la kyrkhu kyrhai ïa u kynrad jong nga bad u la pynlong ïa u, u briew uba riewspah. U la ai ha u ki kynhun langbrot bad blang, ki masi, ka rupa, ka ksiar, ki mraw shynrang bad kynthei, ki ut bad ki kada.

JENESIS 25:20

U Isaak u la sawphew snem ka rta mynba u shongkurim ïa ka Rebekka, ka khun jong u Bethuel (u nong Aram na ka ri Mesopotamia) bad ka para jong u Laban.

JENESIS 26:12

U Isaak u la thung jingthung ha kata ka jaka, bad ha kata ka snem u ïoh ot shispah shah ïa kaba u la bet, namar U Trai u la kyrkhu ïa u.

JENESIS 49:25

Dei U Blei jong u kpa jong me uba ïarap ïa me, U Blei Badonbor Baroh uba kyrkhu ïa me da ki jingkyrkhu u slap najrong, Bad da ki um kiba jylliew napoh khyndew, Ki jingkyrkhu da shibun ki jingri bad ki khun ki kti,

1 SYIEM 1:1

U Syiem Dabid mynta u la tymmen bha, bad wat la ki shakri jong u ki tap ïa u da ki nep-syiad, um shym syaid satia.

PROBERB 10:22

Ka dei ka jingkyrkhu U Trai kaba pynriewspah ïa phi. Ka jingtrei shitom kan ym lah ban kham pynriewspah ïa phi.

ISAÏAH 51:2

Puson halor u kpa tymmen jong phi, u Abraham, bad ka Sarah, na kiba phi hiarpateng. Mynba nga la khot ïa u Abraham, u la long uba khlem khun, hynrei nga la kyrkhu ïa u bad nga la ai ki khun ïa u; Nga la pynroi ïa ki khun ki ksiew jong u.

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

LOUKAS 1:7

Kim don khun namar ba ka Elisabeth kam shym lah ban ïoh wat iwei ruh, bad ma ka lem bad u Sekharaïah ki la tymmen bha.

GALATIA 3:9

U Abraham u la ngeit bad la kyrkhu ïa u; kumta ruh ïa baroh kiba ngeit la kyrkhu kumba la kyrkhu ïa u.

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.