JENESIS 22:9 - Khasi CL Bible (BSI)

⁹ Haba ki la poi ha kata ka jaka kaba U Blei u la ïathuh ha u, u Abraham u tei ïa ka duwan bad u pynbeit ïa kita ki dieng halor jong ka. U la khum ïa la u khun bad pynthiah ïa u halor ka duwan, hajrong kita ki dieng.

KA BAIBL

⁹ Bad ki la ïapoi sha kata ka jaka ïa kaba U Blei u la lah ong ha u; bad u Abraham u la tei ïa ka duwan hangta, bad u la buh beit ïa kita ki dieng halor, bad ynda u la khum ïa u Isaak u khun jong u, u la buh ïa u halor kata ka duwan halor jrong ki dieng.

JENESIS 22:9 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 12:8

Hadien kata, u la leit shaphang shathie sha ka ri lum ha ka phang mihngi jong ka Bethel bad u la pynïeng ïa ka dara hapdeng ka Bethel shaphang sepngi bad ka Ai shaphang mihngi. Hangta ruh u la tei ïa ka duwan bad u la mane ïa U Trai.

JENESIS 13:18

Kumta u Abram u kynriah noh ïa la ka dara, bad u wan shong wan sah hajan ki dieng kyntang jong u Mamre ha Hebron, bad hangta u tei ka duwan ha U Trai.

JENESIS 22:10

Nangta u shim ïa ka tari ban pynïap ïa u.

JENESIS 22:8

U Abraham u jubab, “U Blei hi un sa pynbiang ïa uwei.” Bad baroh ar ngut ki nang ïa-ïaid lang.

JENESIS 8:20

Te u Noah u tei ïa ka duwan ha U Trai; u shim na kawei kawei ka jait ki mrad bad ki sim ïa kiba la ñiew ba ki long kiba khuid, bad u thang tylli ïa ki kum ka jingkñia ainguh halor kata ka duwan.

1 SYIEM 18:33

Nangta u buh ïa ki diengthang halor ka duwan, u ot lyngkhot lyngkhot ïa u masi dab bad buh halor ki diengthang. U ong, “Pyndap saw tylli ki khiew da ka um bad theh ïa ka um halor ka jingkñia bad ki dieng,”

SALM 118:27

U Trai u long U Blei; u la long uba bha ïa ngi. Lem bad ki tnat dieng ha ki kti jong phi, to sdang ïa ka Jingkhawai Niam bad ïaid sawdong ïa ka duwan.

MATHAÏOS 27:2

Ki la teh ïa u ha ki kynjri, ki la ïalam ïa u, bad ki la aiti ïa u ha u Pilat, u lyngskor ka hima Rom.

MARKOS 15:1

Dang step eh ki rangbah lyngdoh ki la ïakynduh kyrkieh bad ki rangbah nongïalam, ki nonghikai jong ka Hukum, bad ïa ka Dorbar baroh kawei, bad ki la shna ïa ki jingthmu jong ki. Ki la teh kynjri ïa U Jisu, ki la ïalam noh ïa u, bad ki la aiti ïa u sha u Pilat.

KI KAM 8:32

Ka bynta jong ka Jingthoh Bakhuid kaba u dang pule ka la long kane: “Kum ka langbrot ïa kaba la ïalam ban shah pynïap, kum u khunlangbrot uba sngap jar haba khap ïa u shñiuh jong u, um shym kren wat shikyntien.

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

JAKOB 2:21

Kumno u Abraham, u kpa tymmen jong phi u la long uba la pynksan da U Blei? Ka la long namar ki kam ki jong u, mynba u la aiti ïa u Isaak u khun jong u ha ka duwan.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.