JENESIS 22:4 - Khasi CL Bible (BSI)

⁴ Ha ka sngi kaba lai, u Abraham u la ïohi ïa kata ka jaka na jngai.

KA BAIBL

⁴ Bad ha ka balai sngi, u Abraham u la khmied ïa la ki khmat, bad u la ïohi ïa kata ka jaka na jngai.

JENESIS 22:4 ပူးပေါင်းရင်းမြစ်များ

JENESIS 22:3

Dang step phyrngab ha ka sngi kaba bud u Abraham u thlieh ki dieng na ka bynta ka jingkñia, u la pynkit halor ka kada, bad u la ïalam ïa u Isaak lem bad ar ngut ki shakri. Ki la ïamihnoh ban leit sha ka jaka ba U Blei u la ïathuh ha u.

JENESIS 22:5

Te u ong ha kita ki shakri, “To shong hangne bad ka kada. Ma nga bad u khun ngin leit hangtai ban mane Blei, bad hadien kata ngin sa wan pat sha phi.”

2 SYIEM 20:5

ban leit phai pat sha u Hesekaïah, u nongsynshar jong ki briew U Trai, bad ban ong ha u, “Nga, U Trai U Blei jong u Dabid u kpa tymmen jong me, nga la ïohsngew ïa ka jingduwai jong me bad nga la ïohi ïa ki ummat jong me. Ngan pynkhiah ïa me, bad hadien lai sngi men leit sha ka Templ.

ESTHER 5:1

Ha ka sngi kaba lai jong ka jingshah jingit, ka Esther ka phong ïa ki jingriam syiem jong ka bad ka leit bad ïeng ha ka phyllaw ba kham shapoh ka ïingsyiem, kaba phai khmat sha ka kamra ba don ka khet syiem. U syiem u don hapoh, u shong halor ka khet syiem, da kaba phai khmat sha ka khyrdop.

EKSODOS 15:22

Nangta u Moses u ïalam noh ïa ki Israel na ka Duriaw Basaw sha ka ri shyiap Shur. Lai sngi lynter ki la ïaid lyngba ïa ka ri shyiap, hynrei kim shym lap um satia.

EKSODOS 19:11

Ki dei ban sait ïa la ki jaiñkup bad ban long kiba la khreh la shi sngi. Ha kata ka sngi ngan wan hiar ha u Lum Sinai; ha kaba ki briew baroh kin ïohi ïa nga.

EKSODOS 19:15

Kumta ki sait ïa la ki jaiñkup, bad u Moses u ong ha ki, “La shi sngi, phi dei ban long kiba la pynkhreh bad ha kajuh ka por phim dei ban ïathiah shongkha.”

EKSODOS 5:3

U Moses bad u Aaron ki la jubab, “U Blei jong ki Hebru u la pynpaw ïa lade ha ngi. Shah ïa ngi ban leit lai sngi sha ka ri shyiap ban ai jingkñia ha U Trai uba U Blei jong ngi. Lada ngim leh kumta, un sa pynïap ïa ngi da ka jingpang lane da ka thma.”

HOSIA 6:2

Ha ki ar ne lai sngi un pynim ïa ngi, bad ngin ïoh im ha ka jingdon ryngkat jong u.

LEBITIKOS 7:17

Ïa kano kano ka doh kaba sah haduh ka sngi kaba lai dei ban thang noh ïa ka.

JINGKHEIÑ 10:33

Haba u paidbah u la mihnoh na Sinai, u lum uba khuid, ki la ïa-ïaid lai sngi lynti. Ka Synduk ka Jutang U Trai borabor ka leit ha shuwa jong ki ban wad ïa ka jaka ba kin shong dara.

JINGKHEIÑ 19:12

Ki dei ban pynkhuid ïa lade da ka um ka jingpynkhuid ha ka sngi kaba lai bad ha ka sngi kaba hynñiew, te kin sa long kiba khuid. Hynrei lada kim pynkhuid ïa lade ha ka sngi kaba lai bad ha ka sngi kaba hynñiew, kin ym long kiba khuid.

JINGKHEIÑ 19:19

Ha ka sngi kaba lai bad ha ka sngi kaba hynñiew, u briew uba khuid kat kum ka jinglehniam un synreit ïa ka um ha kita ki briew ki bymkhuid. Ha ka sngi kaba hynñiew u dei ban pynkhuid ïa kito, kiba, hadien ba ki la sait ïa la ki jaiñ bad sum ïa lade, ki kylla long kiba khuid ha ka por sep sngi kat kum ka jinglehniam.

JINGKHEIÑ 31:19

Mynta pat, baroh na phi kiba la pynïap ïano ïano lane kiba la ktah ïa ka metïap ki dei ban sah shabar ka jaka shong dara hynñiew sngi lynter. Ha ka sngi kaba lai bad ka sngi kaba hynñiew, pynkhuid ïa lade bad ïa ki kynthei kiba phi la kem.

MATHAÏOS 17:23

ki ban pynïap ïa u, hynrei hadien lai sngi yn sa pynmihpat ïa u.” Ki synran ki la sngewsih eh.

LOUKAS 13:32

U Jisu u la jubab ïa ki, “Khie leit bad ïathuh ïa uta u myrsiang: ‘Nga beh noh ïa ki ksuid bad nga pynkhiah mynta bad la shai, bad ha ka sngi kaba lai ngan pyndep ïa ka jingtrei jong nga.’

1 KORINTH 15:4

ba la tep ïa u bad ba la pynmihpat ïa u hadien lai sngi, kumba la thoh ha ki Jingthoh Bakhuid;

JOSHUA 1:11

ban rung sha ka jaka shong dara bad ban ong ha u paidbah, “Pynkhreh jingbam katto katne, namar ha ki lai sngi phin leit jam ïa ka wah Jordan ban ïohkynti ïa ka ri ba U Trai U Blei jong phi u ai ha phi.”

1 SAMUEL 26:13

Nangta u Dabid u leit noh sha shiliang jong ka them bad u ïeng ha kliar uwei u lum uba kham ha pajih,