JENESIS 22:23 - Khasi CL Bible (BSI)

²³ Ka Milkah ka ïoh ïa kine ki phra ngut ki khun na u Nahor, u para u Abraham.

KA BAIBL

²³ U Bethuel u la pynkha ïa ka Rebekka: ïa kine phra ngut ka Milkah ka la kha ïa u Nahor, u para u Abraham.

JENESIS 22:23 ပူးပေါင်းရင်းမြစ်များ

JENESIS 11:29

U Abram u la shongkurim ïa ka Sarai, bad u Nahor u la shongkurim ïa ka Milkah, ka khun jong u Haran, uba long ruh u kpa jong ka Iskah.

JENESIS 22:22

u Khesed, u Haso, u Pildash, u Jidlaph, bad u Bethuel, u kpa jong ka Rebekka.

JENESIS 22:24

Ka Reuma, ka tnga kliar jong u Nahor, ka la kha ïa u Tebah, u Gaham, u Tahash, bad u Maakah.

JENESIS 24:15

Shuwa ban kut ka jingduwai, ka Rebekka ka la wan poi bad u khiew um ha la ka tyrpeng. Ka dei ka khun jong u Bethuel, uba long u khun jong ka Milkah bad u Nahor, uba shi para bad u Abraham.

JENESIS 24:24

“U kpa jong nga u dei u Bethuel u khun jong u Nahor bad ka Milkah,” ka la jubab.

JENESIS 24:47

Nga la kylli ïa ka, ‘Uei u kpa jong phi?’ Bad ka la jubab, ‘U kpa jong nga u dei u Bethuel, u khun jong u Nahor bad ka Milkah.’ Nangta nga pyndait ïa ka sati ha ka khmut jong ka, bad nga pyndeng ruh ïa ki khadu ha ki ryndang-kti jong ka.

JENESIS 24:51

Ka Rebekka ka don hangne; to shim bad ïalam ïa ka. Ai ba kan long ka tnga jong u khun u kynrad jong phi, kumba U Trai hi da lade u la kren.”

JENESIS 24:60

Bad ki la kyrkhu kyrdoh ïa ka Rebekka da kine ki kyntien: “To phi, ka para, phin long ka kmie u paidbah byllien! To ki khun ki ksiew jong phi kin da jop thiaw ïa ki nongbah jong ki nongshun jong ki!”

JENESIS 24:67

Nangta u Isaak u ïalam ïa ka Rebekka shapoh ka ïingjaiñ ha kaba ka Sarah ka kmie jong u ka la ju shong, bad ka la kylla long ka tnga jong u. U Isaak u ieit ïa ka Rebekka, bad da kumta u la ïoh jingtngen hadien ba u la duh ïa la ka kmie.

JENESIS 25:20

U Isaak u la sawphew snem ka rta mynba u shongkurim ïa ka Rebekka, ka khun jong u Bethuel (u nong Aram na ka ri Mesopotamia) bad ka para jong u Laban.

JENESIS 28:2

To leit pynban sha Mesopotamia, sha ka ïing jong u Bethuel u parad jong me, bad shongkurim ïa kawei na ki samla kynthei hangta, kawei na ki khun kynthei jong u Laban, u kñi jong me.

JENESIS 28:5

U Isaak u phah noh ïa u Jakob sha Mesopotamia, sha u Laban, uba long u khun jong u Bethuel u nong Aram, bad u hynmen jong ka Rebekka, ka kmie jong Jakob bad u Iso.

Ka Shithi U Paul Sha Ki Nong Rom 9:10

Bad kam dei tang katne. Naba ki ar ngut ki khun shynrang ka Rebekka ki la don ujuh u kpa, u Isaak, u kpa tymmen jong ngi.