JENESIS 22:18 - Khasi CL Bible (BSI)

¹⁸ Ki jaitbynriew baroh kin sa kyrpad ïa nga ban kyrkhu ïa ki kumba nga la kyrkhu ïa ki khun ki ksiew jong me — baroh namar ba me la kohnguh ïa ka hukum jong nga.”

KA BAIBL

¹⁸ bad ha u symbai jong me ki jaid bynriew baroh ka pyrthei kin ïa-pynkyrkhu ïa lade; naba me la kohnguh ïa ka ktien jong nga.”

JENESIS 22:18 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 12:3

“Ngan kyrkhu ïa kito kiba kyrkhu ïa me, Hynrei ngan tim ïa kito kiba tim ïa me. Bad da me ngan kyrkhu ïa ki jaitbynriew baroh.”

JENESIS 18:18

Ki khun ki ksiew jong u kin long ka jaitbynriew kaba khraw bad kaba donbor, bad da u ngan kyrkhu ïa ki jaitbynriew baroh.

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

JENESIS 22:10

Nangta u shim ïa ka tari ban pynïap ïa u.

JENESIS 22:3

Dang step phyrngab ha ka sngi kaba bud u Abraham u thlieh ki dieng na ka bynta ka jingkñia, u la pynkit halor ka kada, bad u la ïalam ïa u Isaak lem bad ar ngut ki shakri. Ki la ïamihnoh ban leit sha ka jaka ba U Blei u la ïathuh ha u.

JENESIS 28:14

Kin man bun kum ki phngit pui pui ha ka khyndew. Kin pynïar ïa la u pud u sam ha ki liang baroh; bad da me bad ki khun ki ksiew jong me ngan kyrkhu ïa ki jaitbynriew baroh.

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

EKSODOS 7:6

U Moses bad u Aaron ki leh ïa kaei kaba U Trai u la hukum.

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

MATHAÏOS 1:1

Kane ka dei ka thup kyrteng jong ki kpa tymmen U Jisu Khrist, uba hiarpateng na u Dabid, uba long uba hiarpateng na u Abraham.

KI KAM 3:25

Ki jingkular jong U Blei lyngba ki nongïathuhlypa ki long na ka bynta jong phi, bad phi ïoh bynta ha ka jutang kaba U Blei u la pynlong bad ki kpa tymmen jong phi. Kumba u la ong ha u Abraham, ‘Lyngba ki khun ki ksiew jong me ngan kyrkhu ïa ki briew baroh ha ka pyrthei.’

Ka Shithi U Paul Sha Ki Nong Rom 1:3

Ka dei shaphang U Khun jong u, U Jisu Khrist uba U Trai jong ngi: Shaphang ka jinglongbriew jong u, ïa u la kha uba hiarpateng na u Dabid;

GALATIA 3:16

Mynta, U Blei u la pynlong ïa ki jingkular jong u ha u Abraham bad ha u nonghiarpateng jong u. Ka Jingthoh Bakhuid kam shym pyndonkam da ki kyntien “ki nonghiarpateng,” kaba thew shibun ki briew, hynrei ka pyndonkam da ka kyntien “u nonghiarpateng,” kaba mut tang uwei u briew, kaba mut U Khrist.

GALATIA 3:18

Naba lada ka jingai U Blei ka shong ha ka Hukum, te ka jingaiei kam shong shuh ha ka jingkular jong u. Pynban ka long namar ka jingkular jong u ba U Blei u la ai ïa kata ka jingai sngewbha ha u Abraham.

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.