JENESIS 22:17 - Khasi CL Bible (BSI)

¹⁷ nga kular ba ngan ai ha me ïa ki khun ki ksiew kat ki khlur ka sahit bneng, lane kat ki symboh shyiap harud ka duriaw. Ki khun ki ksiew jong me kin jop ïa ki nongshun jong ki.

KA BAIBL

¹⁷ bad da kaba kyrkhu ngan da kyrkhu shisha ïa me, bad da kaba pynroi ngan da pynroi shisha ïa u symbai jong me kat ki khlur bneng, bad kum u shyiap uba harud ka duriaw; bad u symbai jong me un ïoh bat ha lade ïa ki khyrdop ki nongshun jong u;

JENESIS 22:17 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 13:16

Ngan ai ha me bun ki khun ki ksiew ba yn ym don mano mano ba lah ban ñiew ïa ki baroh; kan kham jem ban ñiew ïa ki phngit pui pui ha ka khyndew!

JENESIS 15:5

U Trai u ïalam ïa u shabar bad u ong, “Khmih ïa ka sahit bneng, bad pyrshang ñiew ïa ki khlur; men ïoh bun ki khun ki ksiew kat kita.”

JENESIS 17:6

Ngan ai ha me bun ki khun ki ksiew, bad katto katne na ki, kin long ki syiem. Men ïoh shibun ki khun ki ksiew kiba yn sa long ki jaitbynriew.

JENESIS 24:60

Bad ki la kyrkhu kyrdoh ïa ka Rebekka da kine ki kyntien: “To phi, ka para, phin long ka kmie u paidbah byllien! To ki khun ki ksiew jong phi kin da jop thiaw ïa ki nongbah jong ki nongshun jong ki!”

JENESIS 25:11

Hadien ka jingïap jong u Abraham, U Blei u la kyrkhu ïa u Isaak u khun jong u, uba sah hajan “Ka Pukri jong Uta Uba Im Uba Ïohi Ïa Nga.”

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 26:4

Ngan ai ha me ïa ki khun ki ksiew kat ki khlur ha ka sahit bneng, bad ngan ai ha ki ïa kane ka ri baroh. Ki jaitbynriew baroh kin kyrpad ïa nga ba ngan kyrkhu ïa ki kumba nga la kyrkhu ïa ki khun ki ksiew jong me.

JENESIS 28:3

To U Blei Badonbor Baroh un kyrkhu ïa ka shongkha shongman jong me bad un ai ïa me bun ki khun ki kti, ba men ïoh long u kpa jong kiba bun ki jaitbynriew.

JENESIS 28:4

To un kyrkhu ïa me bad ïa ki khun ki ksiew jong me kumba u la kyrkhu ïa u Abraham, bad ai ba men shim kynti ïa kane ka ri ha kaba me la shong la sah bad ïa kaba U Blei u la ai ha u Abraham!”

JENESIS 32:12

Kynmaw ba me la kular ban pynbiang ba kiei kiei kin ïaid beit bad nga bad ban ai ha nga kham bun ki khun ki ksiew, kiba bun kat u shyiap harud duriaw.”

JENESIS 32:13

Hadien ba u la sahmiet hangta, U Jakob u jied na ki jingri jong u kum ka jingai sngewbha ïa u Iso u hynmen jong u:

2 SAMUEL 17:11

Ka jingai jingmut jong nga ka long ba phin lumlang ïa ki Israel baroh na kawei ka tduh jong ka ri sha kawei pat, ki ban bun kat u shyiap ka rud duriaw, bad ba ma phi da lade hi phin ïalam ïa ki ha ka thma.

1 SYIEM 4:20

Ki paid Judah bad Israel ki long kiba bun paid kat u shyiap harud duriaw; ki ïabam ki ïadih, bad ki suk ki saiñ.

1 SYIEM 9:26

U Syiem Solomon u shna shi kynhun ki lieng ha Esiongeber, kaba hajan Elath, harud jong ka Khmut duriaw Akaba, ha ka ri Edom.

1 KHRONIKL 27:23

U syiem Dabid um shym shim jingkheiñ ïa kito kiba hapoh arphew snem, namar ka kular jong U Trai ban pynroi ïa ki paid Israel kat ka jingbun ki khlur ha ka sahit bneng.

2 KHRONIKL 1:9

A Trai U Blei, to pyndep ïa ka kular kaba me la ong ha u kpa jong nga. Me la pynlong syiem ïa nga halor u paidlang uba bun katta katta kat haduh ba ym lah ban ñiew, kumta to ai ha nga ïa ka jingstad bad ka jingtip kaba nga donkam ban synshar ïa ki.

NEHEMAÏAH 9:23

Me ai ïa ki, ki khun kiba bun kat ki khlur ha sahit bneng, bad me la shah ïa ki ban jop bad ban shong ban sah ha ka ri kaba me la kular ha ki kpa tymmen ban ai ha ki.

EKSODOS 32:13

Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

ISAÏAH 48:19

Ki khun ki ksiew jong phi kin roi kum ki symboh shyiap, bad ngan jin da la pynthikna ba yn ym pynjot ïa ki da lei lei.”

JEREMAÏAH 32:22

Me la ai ha ki ïa kane ka ri kaba tuid da ka dud bad ka ngap, kumba me la kular ha ki kpa tymmen jong ki.

JEREMAÏAH 33:22

Ngan pynroi ïa ki nonghiarpateng jong u shakri jong nga u Dabid bad ïa ka jingdon ki lyngdoh na ka jait Lebi, ba kumta yn ym lah ban ñiew ïa ki kumba long ki khlur ha sahit bneng lane u shyiap harud duriaw.”

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

HOSIA 2:1

Kumta khot ïa ki para Israel “Ki briew jong U Blei” bad “kiba ieit da U Trai.”

MIKAH 1:9

Ïa ki jingmong ka Samaria yn ym lah pynkhiah, bad ka Judah kan shahshitom ha kajuh ka rukom; ka jingpynjot ka la poi haduh ki khyrdop ka Jerusalem hi, ha kaba ki briew jong nga ki shong.”

Ka Shithi U Paul Sha Ki Nong Rom 4:13

Mynba U Blei u la kular ïa u Abraham bad kiba hiarpateng na u ba ka pyrthei kan long ka jong u, u la leh kumta, ym namar ba U Abraham u la kohnguh ïa ka Hukum, hynrei namar u la ngeit bad la ñiew ïa u, uba hok da U Blei.

Ka Shithi U Paul Sha Ki Nong Rom 9:27

Bad U Isaïah u la pyrta shaphang ki Israel: “Wat lada ki paid Israel ki bun kat u shyiap harud duriaw, pynban tang khyndiat na ki yn pynim;

1 KORINTH 15:57

Hynrei to long ka jingnguh ïa U Blei, uba ai ha ngi ïa ka jingjop thiaw lyngba U Jisu Khrist uba U Trai jong ngi!

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

DEUTERONOMI 1:10

U Trai U Blei jong phi u la pynroi ïa phi kat ki khlur ha sahit bneng.

DEUTERONOMI 1:11

Ai ba U Trai, U Blei ki kpa tymmen jong phi un nang pynroi shuh shuh ïa phi bun hajar shah bad un pynmanbha ïa phi, kumba u la kular!

DEUTERONOMI 10:22

Mynba ki kpa tymmen jong phi ki leit sha Ijipt, ki ïadon baroh tang hynñiewphew ngut; hynrei mynta U Blei u la pynroi ïa phi kat ki khlur ha ka sahit bneng.

DEUTERONOMI 13:17

Wat shim sha lade ïa kaei kaei kaba la mang ban pynjot, te U Trai un phai na ka jingbitar shla jong u bad un isynei ïa phi. Un leh-isynei ïa phi bad un pynroi ïa phi, kumba u la kular ïa ki kpa tymmen jong phi,

DEUTERONOMI 13:18

lada phi kohnguh ïa ki hukum jong u baroh kiba nga la ai ha phi mynta ka sngi, bad phi leh ruh ïa kata kaba u kwah.

DEUTERONOMI 21:19

ki kmie ki kpa jong u kin leit ïalam ïa u ha khmat ki nongïalam jong ka shnong ha kaba u shong ban pynïeng ha khmat ka jingbishar,

HEBRU 11:12

La u Abraham u la ïap shisha, na une uwei u briew, la mih bun kiba hiarpateng kat ki khlur ha ka sahit bneng, kat u shyiap bymlah ñiew shuh harud duriaw.

HEBRU 6:14

U la ong, “Nga kular ba ngan kyrkhu ïa me bad ngan pynroi ïa me pateng la pateng.”

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”