JENESIS 21:9 - Khasi CL Bible (BSI)

⁹ Ha kawei ka sngi, u Ishmael ïa uba ka Hagar ka nong Ijipt ka la kha na ka bynta u Abraham, u dang ïalehkai bad u Isaak, u khun jong ka Sarah.

KA BAIBL

⁹ Bad ka Sara ka la ïohi ïa u khun ka Hagar, kata ka kynja Ijipt, ïa uba ka la lah kha ïa u Abraham, ba u da rkhiebeiñ.

JENESIS 21:9 ပူးပေါင်းရင်းမြစ်များ

JENESIS 16:1

Ka tnga u Abram ka Sarai, kam shym la ïoh khun satia. Hynrei ka la don bad ka, kawei ka mraw na Ijipt kaba kyrteng ka Hagar, bad kumta ka ong ha u Abram, “U Trai u la khang ïa nga ban ïoh khun.

JENESIS 16:15

Bad ka Hagar ka la ïoh khun shynrang na u Abram, bad u la kyrteng ïa u, u Ishmael.

JENESIS 17:20

Nga la ïohsngew ïa ka jingkyrpad jong me na ka bynta u Ishmael, kumta ngan kyrkhu ïa u bad ngan ai ha u shibun ki khun ki ksiew. Un long u kpa jong ki khat-ar ngut ki khun syiem, bad ngan pynlong ka jaitbynriew kaba khraw na ki khun ki ksiew jong u.

JENESIS 21:8

U khunlung u la nang san, bad ha ka sngi ba la pyniehnoh buiñ ïa u, u Abraham u pynlong ka jingkhawai kaba khraw.

2 KHRONIKL 30:10

Ki nonglamktien ki la leit sha kawei pa kawei ka nongbah ha ka ri jong ki jait Ephraim bad Manasseh, bad shaduh shaphang shatei sha ka jait Sebulun; hynrei ki briew ki rkhie bad ñiewbeiñ ïa ki.

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

Ka Kitab U Job 30:1

Hynrei mynta, ki briew kiba kham rit rta, ki rkhiebeiñ ïa nga! Ki kpa jong ki, ki long borabor ki bymdondor kiba ngan ym shah ïa ki ban ïarap ïa ki ksew jong nga ban ap ïa ki langbrot.

SALM 22:6

Hynrei ngam dei shuh u briew; nga dei u khñiang, ba la ñiewbeiñ bad isih da baroh!

SALM 42:10

La pynlwet ïa nga da ki jingkrenbeiñ jong ki, haba ki ïai kylli ïa nga, “Hangno u don U Blei jong phi?”

PROBERB 20:11

Wat u khynnah u pynpaw ïa kaei kaba u long da kaei kaba u leh; phi lah ban ong lada u long uba hok bad uba bha.

PROBERB 22:10

Phet noh na u briew uba shukor, bad nangta yn ym don shuh ki jingïakajia, ka jingïamai lane ka jingsin kyrteng.

SNGEWSYNEI 1:7

Ka long ka jingjot bakynjah mynta, ka Jerusalem ka kynmaw ïa la ka burom ba-itynnat kaba mynbarim. Haba ka hap ha ki nongshun, ym don mano mano ba wan ïarap ïa ka; ki nongjop ïa ka ki la rkhie ha ka jingkyllon jong ka.

GALATIA 4:22

Ka ong ba u Abraham u la don ar ngut ki khun shynrang, uwei na ka kynthei mraw bad uwei pat na ka kynthei kaba laitluid.

GALATIA 4:29

Ha kata ka por, u khun uba la kha ha ka rukom briew u la pynshitom beiñ ïa uta uba la kha namar U Mynsiem U Blei; bad ka long kumjuh mynta.

HEBRU 11:36

Ïa ki katto katne la rkhiebeiñ bad sympat, bad ïa kiwei pat la teh ha ki kynjri bad la set phatok ïa ki.