JENESIS 21:4 - Khasi CL Bible (BSI)

⁴ bad haba u Isaak u la dap phra sngi ka rta, u Abraham u la otsher ïa u kumba U Blei u la hukum.

KA BAIBL

⁴ Bad u Abraham u la otsher ïa u Isaak u khun jong u haba u dang long phra sngi ka rta, kumba la lah hukum U Blei ïa u.

JENESIS 21:4 ပူးပေါင်းရင်းမြစ်များ

EKSODOS 12:48

Lada u nongwei uba shong basah bad phi u kwah ban rakhe ïa ka Jingkhawai Niam Ka Jinglait ban pyndonburom ïa U Trai, nyngkong eh phi dei ban otsher shuwa ïa ki shynrang baroh na ka ïing jong u. Hadien kata, lah ban kheiñ ïa u kum u traishnong, bad nangta u lah ban ïashim bynta ha ka Jingkhawai Niam.

LEBITIKOS 12:3

Ha ka sngi kaba phra dei ban otsher ïa uta u khunlung.

LOUKAS 1:59

Haba u khunlung u la dap shi taïew, ki la wan ban otsher ïa u, bad ki la mut ban kyrteng ïa u, u Sekharaïah, kaba bud ïa u kpa jong u.

LOUKAS 1:6

Baroh ar ngut ki im ka jingim kaba bha ha khmat U Blei bad ki la kohnguh lut ïa baroh ki aiñ bad ki hukum jong U Trai.

LOUKAS 2:21

Hadien shi taïew, haba ka por ka la poi na ka bynta ban otsher ïa u khunlung, la ai kyrteng ïa u, U Jisu, ka kyrteng kaba u angel u la lah ai na ka bynta jong U ha shuwa ba yn pun ïa U.

KI KAM 7:8

Nangta U Blei u la ai ha u Abraham ïa ka jinglehniam ka jingotsher kum ka dak jong ka jutang. Kumta u Abraham u la otsher ïa u Isaak hadien shi taïew naduh ba la kha ïa u; u Isaak u la otsher ïa u Jakob u khun jong u bad u Jakob u la otsher ïa ki khat-ar ngut ki khun shynrang jong u, ki kpa tymmen kiba pawnam jong ka jaitbynriew jong ngi.

DEUTERONOMI 12:32

“Leh ïa kata baroh kaba nga la hukum ïa phi; wat pyntam ha ka ne pynduna ei ei na ka.