JENESIS 20:2 - Khasi CL Bible (BSI)

² Hadien, katba u dang shong ha Gerar, u la ong ba ka tnga jong u, ka Sarah ka dei ka para jong u. Te u Abimelekh jong ka Gerar u la phah ban wallam ïalam ïa ka Sarah sha u.

KA BAIBL

² Bad u Abraham u la ong shaphang ka Sara ka tnga jong u, “Ka long ka para jong nga”: te u Abimelekh u syiem ka Gerar u la phah, bad u la shim noh ïa ka Sara.

JENESIS 20:2 ပူးပေါင်းရင်းမြစ်များ

JENESIS 12:15

Katto katne na ki rangbah synshar ki la ïohi ïa ka bad ki la ïathuh ha u syiem haduh katno ka la long kaba bhabriew; kumta te ki la ïalam ïa ka sha ka ïing u syiem.

JENESIS 20:12

Ma ka, ka long shisha ka para jong nga. Ka dei ka khun jong u kpa jong nga, hynrei ym ka khun jong ka kmie jong nga; bad nga la shongkurim ïa ka.

JENESIS 21:22

Ha kata ka por, u Abimelekh u leit bad u Phikol, u rangbah ai hukum jong ka kynhun shipai jong u, bad u ong ha u Abraham, “U Blei u long ryngkat bad me ha kaei kaei baroh ba me leh.

JENESIS 26:1

Ka la jia sa kawei pat ka 'nemsniew ha kata ka ri, nalor kata kaba la jia ha ki sngi u Abraham. U Isaak u la leit sha u Abimelekh u syiem jong ki Philistia, ha Gerar.

JENESIS 26:16

Te u Abimelekh u ong ha u Isaak, “To mihnoh na ka ri jong ngi. Me la kylla long uba kham khrawbor ban ïa kaba ngi long.”

JENESIS 26:7

Haba ki briew hangta ki kylli shaphang ka tnga jong u, u jubab ba ka dei ka para jong u. Um shym ïathuh ba ka dei ka tnga jong u, namar u sheptieng ïoh ba ki briew hangta kin pynïap ïa u ban ïoh ïa ka Rebekka, kaba long kaba bhabriew eh.

2 KHRONIKL 19:2

U nongïathuhlypa, u Jehu u khun jong u Hanani, u leit ban ïakynduh ïa u syiem bad ong ha u, “Hato ka long kaba dei ban ïarap ïa kito ki briew kiba sniew bad ban ïashah bad kito kiba isih ïa U Trai? Kaei kaba phi la leh ka la wallam ïa ka jingbitar U Trai halor jong phi.

2 KHRONIKL 20:37

Hynrei u Elieser u khun jong u Dodabahu, na ka shnong Mareshah, u la maham ïa u Jehoshaphat bad ong, “Namar ba phi la ïateh lok bad u Ahasaïah, U Trai un sa pynjot ïa kaei kaba phi la tei.” Bad ki liengbah ki la shah pynjot bad kim shym la lah ban ïaid duriaw.

2 KHRONIKL 32:31

U Hesekaïah u ïoh jingjop ha kiei kiei baroh kiba u la leh, bad wat haba ki nonglamktien ka Babilon ki wan ban kylli shaphang ki jingjia bym ju kham jia kiba jia ha ka ri, U Blei u shah ba u Hesekaïah un leit ha la ka lynti tang ban tynjuh ïa ka jinglong jong u.

PROBERB 24:16

Kam pher katno sien uba hok u kyllon, borabor un khie pat; hynrei ka jingjot ka pynjot ïa ki bymman.

PROBERB 29:25

Ka long kaba ma ban sngewkhia ïa kaei kaba kiwei ki pyrkhat shaphang jong phi, hynrei lada phi shaniah ha U Trai, phi long shngain.

PROBERB 6:29

Ka long kaba mynsaw ban ïathiah lang bad ka tnga jong uwei pat u briew. Kat uba leh kumta un shem shitom.

EKLESIASTIS 7:20

Ym don uno uno ha ka pyrthei uba leh ïa kaba bha ha ki por baroh bad u bym ju leh bakla.

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

KOLOSSAI 3:9

Wat ïa-lamler iwei ïa iwei pat, naba phi la loit noh ïa ka jinglong barim lem bad ki jingmlien jong ka bad ba phi la kup ïa ka jinglong bathymmai.