JENESIS 20:11 - Khasi CL Bible (BSI)

¹¹ U Abraham u jubab, “Nga la pyrkhat ba yn ym don hangne kiba sheptieng burom ïa U Blei, ba kumta kin pynïap ïa nga ban ïoh ïa ka tnga jong nga.

KA BAIBL

¹¹ Te u Abraham u la ïathuh, “Naba nga la ong ha lade, ‘Shisha ym don ka jingsheptieng burom ïa U Blei ha kane ka jaka; ki te kin pynïap noh ïa nga namar ka tnga jong nga.’

JENESIS 20:11 ပူးပေါင်းရင်းမြစ်များ

JENESIS 12:12

Haba ki nong Ijipt kin ïohi ïa pha, kin tharai ba pha dei ka tnga jong nga, bad kumta kin pynïap ïa nga bad shah ïa pha, ban im.

JENESIS 20:10

Balei me leit leh ïa ka?”

JENESIS 20:12

Ma ka, ka long shisha ka para jong nga. Ka dei ka khun jong u kpa jong nga, hynrei ym ka khun jong ka kmie jong nga; bad nga la shongkurim ïa ka.

JENESIS 22:12

“Wat pynmynsaw ïa u khynnah lane leh ei ei ïa u,” u ong. “Mynta, nga tip ba me sheptieng bad kohnguh ïa U Blei, namar mem shym la tyngkai ïa la u khun marwei na u.”

JENESIS 26:7

Haba ki briew hangta ki kylli shaphang ka tnga jong u, u jubab ba ka dei ka para jong u. Um shym ïathuh ba ka dei ka tnga jong u, namar u sheptieng ïoh ba ki briew hangta kin pynïap ïa u ban ïoh ïa ka Rebekka, kaba long kaba bhabriew eh.

JENESIS 42:18

Ha ka sngi kaba lai, u Joseph u ong ha ki, “Nga long u briew uba sheptieng Blei, kumta ngan pyllait im ïa phi ha kane ka kyndon:

NEHEMAÏAH 5:15

Uwei pa uwei u lat uba don ha ka kam ha shuwa jong nga, u la long ka jingbankhia ïa ki briew bad ki ju dawa sawphew ki pisa rupa shi sngi na ka bynta ka jingbam bad ka waiñ. Wat ki shakri jong ki, ki ju banbeiñ ïa ki briew. Hynrei ngam shym leh kumta, namar nga burom ïa U Blei.

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

SALM 14:4

“Hato kim tip?” U Trai u kylli. “Hato kine ki nongleh kam sniew kim tip ei ei? Ki im da kaba lute ïa ki briew jong nga, bad kim ju duwai sha nga.”

PROBERB 1:7

Ban ïoh ïa ka jingtip, nyngkong phi dei ban don ka jingtiengburom ïa U Trai. Ki briew kiba mutlop kim don ka jingñiewkor ïa ka jingstad bad ki kyntait ban shah hikai.

PROBERB 16:6

Long kiba kohnguh bad kiba ïaineh, bad U Blei un map ïa ka pop jong phi. To kohnguh ïa U Trai bad kaba sniew kan ym jia ha phi.

PROBERB 2:5

Lada phi leh kumta, phin sa tip ka mut aïu ban sheptieng ïa U Trai bad phin sa lah ban sngewthuh shaphang U Blei.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

Ka Shithi U Paul Sha Ki Nong Rom 3:18

lymne ki la ïoh jinghikai ïa ka jingtiengburom ïa U Blei.”