JENESIS 2:8 - Khasi CL Bible (BSI)

⁸ Nangta U Trai U Blei u la buh ka kper ha Eden, shaphang mihngi, bad hangta u buh ïa u briew uba u la lah thaw.

KA BAIBL

⁸ U Trai uba U Blei ruh u la thung ïa ka kper ha ka Eden shaphang mihngi; bad u la buh hangta ïa uta u briew ïa uba u la lah thaw.

JENESIS 2:8 ပူးပေါင်းရင်းမြစ်များ

JENESIS 13:10

U Lot u la khmih sawdong bad u la ïohi ba ka them Jordan baroh kawei haduh Soar, ka don kyrhai ka um, kum ka Kper jong U Trai lane kum ka ri Ijipt. (Kane ka long ha shuwa ba U Trai un pynjot ïa ka Sodom bad ka Gomorrah.)

JENESIS 3:23

Kumta U Trai U Blei u la beh noh ïa ki na ka Kper Eden, bad u pynlong ïa ki ban rep ïa ka khyndew na kaba la thaw ïa ki.

JENESIS 3:24

Nangta ha ka phang mihngi jong ka kper u la buh ïa ki kherub bad ka waitlam bameh ding kaba phai ha baroh ki liang. Kata ka la long ban ïada ïano ïano na kaba wan hajan u dieng ba ai jingim.

JENESIS 4:16

Bad u Kain u leit noh na ka jingdon ryngkat U Trai bad u la shong la sah ha ka ri ba la kyrteng “Ka Nod” kaba don shaphang mihngi na ka Kper Eden.

2 SYIEM 19:12

Ki kpa tymmen jong nga ki pynjot ïa ki nongbah jong ka Gosan, Haran, bad Reseph, bad pynïap ïa ki briew ka Betheden kiba sah ha Telassar, bad ym don na ki blei jong ki kiba lah ban pyllait im ïa ki.

ISAÏAH 51:3

“Ngan pyn-i ïa ka jinglehisynei ïa ka Jerusalem, sha kito baroh kiba shong halor ki jingpra jong ka. Wat la ka jaka jong ka, ka long kum ka ri shyiap, ngan pynlong ïa ka, ka kper, kum ka kper kaba nga la thung ha Eden. Ka jingkmen bad ka jinglehkmen kin don hangta, bad ki jingrwai jong ka jingïaroh bad jingainguh ïa nga.

ESEKIEL 27:23

Ki nongbah ka Haran, Kanneh, bad Eden, ki nongkhaïi ka Sheba, ki nongbah ka Asshur bad Khilmad — baroh ki ïakhaïi pateng bad pha.

ESEKIEL 28:13

Me la shong ha Eden, ka kper jong U Blei, bad me deng ïa ki mawlynnai ba bun jait: ki Rubi bad ki Diamond; u Topas, u Beryl, u Karnelian bad u Jasper; ki Sapphir, ki Emerald, bad ki Garnet. Me don ki jingdeng da ka ksiar. Ïa ki la shna na ka bynta jong me ha ka sngi ba la thaw ïa me.

ESEKIEL 31:16

Haba nga phah ïa u shapoh ka pyrthei kiba ïap, ka jingsawa jong ka jingkyllon jong u, kan pynkhynñiuh ïa ki jaitbynriew. Baroh ki dieng ha Eden bad ki dieng baroh kiba kynsai, kiba la ïoh um bha jong ka Lebanon kiba la leit sha ka pyrthei shapoh kin sa sngewkmen ha ka jingkyllon jong u.

ESEKIEL 31:18

“U dieng u dei u syiem ka Ijipt bad ki briew jong u baroh. Wat ki dieng ha Eden kim lah ban jrong ne ban ikhain kum ma u. Hynrei mynta, kum ki dieng ha Eden, un hiar shapoh sha ka pyrthei kiba ïap bad ïasoh lem bad ki bymriewblei bad kito kiba la ïap ha ka thma, nga la kren,” ong U Trai Nongsynshar.

JOEL 2:3

Kum ka ding ki bam duh ïa ki jingthung. Ha khmat jong ki ka ri ka long kum ka Kper Eden, hynrei sha lyndet jong ki ka long ka ri shyiap shrah. Ym don kano kano kaba lait im na ki.