JENESIS 2:7 - Khasi CL Bible (BSI)

⁷ Nangta U Trai U Blei u la shim katto katne ka dewmet na ka khyndew bad thaw ïa u briew na ka; u la pyrsad ka jingpyrsad ba ai jingim ha ki thliew khmut jong u bad uta u briew u la kylla long u jingthaw ba-im.

KA BAIBL

⁷ Bad U Trai uba U Blei u la thaw ïa u briew na ka 'dewmet ka khyndew, bad u la pyrsad ha ki thliew khmut jong u ïa ka jingpyrsad ka jingim; bad uta u briew u la long ka mynsiem ba-im.

JENESIS 2:7 ပူးပေါင်းရင်းမြစ်များ

JENESIS 1:27

Kumta U Blei u la thaw ïa ki briew, da kaba pynlong ïa ki ban long kum ma u hi.

JENESIS 2:6

hynrei ka um ka la mih napoh ka sla khyndew bad ka ai um ïa ka.

JENESIS 3:19

Men hap trei shitom bad jaw syep ban pynlong ïa ka khyndew ban pynmih ei ei, tad haduh ba men da leit phai pat sha ka khyndew na kaba la thaw ïa me. La thaw ïa me na ka dewmet, bad men sa kylla dewmet sa shisien pat.”

JENESIS 3:23

Kumta U Trai U Blei u la beh noh ïa ki na ka Kper Eden, bad u pynlong ïa ki ban rep ïa ka khyndew na kaba la thaw ïa ki.

JENESIS 7:22

Baroh kiba ha ka pyrthei kiba ring mynsiem ki la ïap lut.

Ka Kitab U Job 27:3

katba U Blei u dang ai ïa nga ka jingpynhiar mynsiem,

Ka Kitab U Job 33:4

U Mynsiem U Blei u la pynlong ïa nga bad uba ai jingim ïa nga.

Ka Kitab U Job 33:6

Ma phi bad ma nga ngi long kumjuh ha khmat U Blei, ïa baroh ar ngut na ngi la thaw na ka dewmet.

Ka Kitab U Job 4:19

Hato me pyrkhat un shaniah ïa u jingthaw uba da ka dewbyrtha, uba da ka dewmet ba lah ban khñiot kum ïa u khñiang?

SALM 100:3

To pdiang ba U Trai u long U Blei! Dei ma u, uba la thaw ïa ngi, bad ngi long ki jong u; ngi long ki briew jong u, ngi long ka kynhun langbrot jong u.

SALM 103:14

U tip na kaei la thaw ïa ngi; u kynmaw ba ngi long ka khyndew.

PROBERB 20:27

U Trai u la ai ha ngi ïa ka jingpyrkhat bad ka jingïatiplem; ngim lah ban rieh na lade.

EKLESIASTIS 12:7

Ki met jong ngi kin kylla sha u pui pui khyndew, bad ka jingpyrsad ka jingim kan leit phai pat sha U Blei, uba la ai ïa ka ha ngi.

EKLESIASTIS 3:7

ka por ban tar bad ka por ban syrdep, ka por ban sngap jar bad ka por ban kren.

ISAÏAH 2:22

Wat buh jingshaniah shuh ha ki briew ki bym lah ban im junom. Ki dondor haduh katno?

ISAÏAH 64:8

Hynrei, A Trai, me long u Kpa jong ngi. Ngi long kum ka dewbyrtha, bad me long kum u nongthaw khiew.

SNGEWSYNEI 4:20

Ki la kurup ïa ka tynrai jong ka jingim jong ngi, ïa u syiem uba U Trai u la jied, uta uba ngi la shaniah ban ïada ïa ngi na uno uno u nonghiarthma.

ESEKIEL 37:5

To ïathuh ha ki ba ma nga, U Trai Nongsynshar, nga ong ha ki: Ngan pyrsad mynsiem ha phi, bad ngan wallam pat ïa phi sha ka jingim.

ESEKIEL 37:6

Ngan ai ha phi ïa ki thied bad ki dohksah, bad ngan tap ïa phi da ka sniehdoh. Ngan pyrsad mynsiem ha phi, bad wallam pat ïa phi sha ka jingim. Te phin sa tip ba nga long U Trai.”

SEKHARAÏAH 12:1

Kane ka dei ka khubor shaphang ka Israel na U Trai, U Trai uba la pyiar ïa ka suiñbneng, uba la thaw ïa ka pyrthei, bad uba la ai jingim ïa u briew. U ong,

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

JINGKHEIÑ 27:16

“A Trai uba U Blei, uba long ka thymmei jong ka jingim baroh, nga kyrpad ïa me to thung ïa u briew uba lah ban ïalam ïa u paidbah,

ÏOANNIS 20:22

Nangta u la pyrsad halor jong ki bad u la ong, “To pdiang ïa U Mynsiem Bakhuid.

KI KAM 17:25

Lymne ba u donkam ei ei kaba ngi lah ban ai da kaba trei na ka bynta jong u, namar ba u long ma u hi uba ai ka jingim bad ka jingpyrsad mynsiem bad ïa kaei kaei baroh ha uwei pa uwei.

Ka Shithi U Paul Sha Ki Nong Rom 9:20

Hynrei phi, phi long uei, ko paralok jong nga, ban jubab kylla ïa U Blei? U khiew khyndew um lah ban kylli ïa u briew uba la thaw ïa u, “Balei ba me thaw ïa nga kumne?”

1 KORINTH 15:45

Naba ka Jingthoh Bakhuid ka ong, “Ïa u briew uba nyngkong, u Adam, la thaw uba don jingim;” hynrei u Adam uba khatduh u la long U Mynsiem uba ai jingim.

1 KORINTH 15:47

Ïa u Adam uba nyngkong, la thaw na ka dewmet, ba la wan na ka khyndew; u Adam uba ar u la wan na bneng.

2 KORINTH 4:7

Pynban ma ngi kiba don ïa kane ka jingkynshew kaba kynja mynsiem ngi long kum ki khiew khyndew, khnang ban pyn-i ba ka bor kaba halor tam ka long ka jong U Blei, ym ka jong ngi.

2 KORINTH 5:1

Naba ngi tip ba haba kane ka ïingjaiñ kaba ngi shong — ka met jong ngi hangne ha pyrthei — ka la jot noh, U Blei un buh ha bneng ïa ka ïing na ka bynta jong ngi ba ngin shong, ka ïing kaba ma u hi u la thaw, ka ban neh junom la junom.

1 TIMOTHI 2:13

Naba ïa u Adam la thaw nyngkong, bad nangta ïa ka Im.

HEBRU 12:9

Ha kaba ïadei bad ki kpa jong ngi ha kane ka pyrthei, ki sneng sympat ïa ngi bad ngi burom ïa ki. Katno tam, te, ngi dei ban pyndem ha U Kpa ba kynja mynsiem jong ngi bad ïoh im.