JENESIS 2:23 - Khasi CL Bible (BSI)

²³ Nangta u briew u la ong, “Ha kaba khatduh, hangne don kawei na ka jait ka kynja jong nga — Ka shyieng ba la shim na ka shyieng jong nga, bad ka doh na ka doh jong nga. ‘Ka Briew’ ka dei ka kyrteng jong ka namar la shim ïa ka na u briew.”

KA BAIBL

²³ Bad u Adam u la ong, “Kane mynta shisha ka long ka shyieng na ki shyieng jong nga, bad ka doh na ka doh jong nga: ïa kane keiñ yn khot ‘Ka Briew,’ namar ba la shim ïa ka na u Briew.”

JENESIS 2:23 ပူးပေါင်းရင်းမြစ်များ

JENESIS 29:14

Haba u Jakob u la ïathuh ha u Laban ïa kaba la jia baroh, u Laban u ong, “Ho-oid, da shisha phi dei ka doh ka snam jong nga.” U Jakob u la shong la sah hangta baroh shi bnai.

2 SAMUEL 19:13

U Dabid u la bthah ruh ïa ki ban ong ha u Amasa, “Phi dei u ba-ha-ïing jong nga. Naduh mynta nga buh ïa phi ban ïalam ïa ka kynhun shipai ha ka jaka jong u Joab. To U Blei un shoh ïap ïa nga lada ngam leh kumta!”

2 SAMUEL 5:1

Nangta baroh ki jait Israel ki la leit sha u Dabid ha Hebron bad ki ong ha u, “Ngi dei ki para doh para snam jong phi.

NONGBISHAR 9:2

ban kylli ïa ki rangbah ka Shekhem, “Kano phi kham mon? Ba baroh ki hynñiewphew ngut ki khun shynrang jong u Gideon kin synshar ïa phi ne tang da uwei u briew? Kynmaw ba u Abimelekh u dei u para doh para snam jong phi.”