JENESIS 2:22 - Khasi CL Bible (BSI)

²² U la thaw ïa ka briew na ka shyieng krung, bad u la wallam ïa ka ha u.

KA BAIBL

²² te U Trai uba U Blei u la pynlong ka briew, na kata ka shyieng krung ïa kaba u la lah shim na uta u briew, bad u la wallam ïa ka ha uta u briew.

JENESIS 2:22 ပူးပေါင်းရင်းမြစ်များ

JENESIS 2:19

Kumta u la shim katto katne ka dewmet na ka khyndew bad u la thaw ïa baroh ki mrad bad ki sim. Nangta u la wallam ïa ki ha u briew ba un khmih aïu un khot kyrteng ïa ki; bad kata keiñ ka long kumno ba ki baroh ki ïoh ïa la ki kyrteng.

SALM 127:1

Lada U Trai um tei ïa ka ïing, ka jingtrei ki nongtei ka long lehnoh-ei; lada U Trai um ïada ïa ka nongbah, ka long lehnoh-ei ïa ki nongap ban ap phira.

PROBERB 18:22

Haba shem ïa ka tnga, phi shem ïa kaei kaba bha; ka pynpaw ba U Trai u lehbha ïa phi.

PROBERB 19:14

U briew u lah ban ïohpateng ïa ka ïing bad ka spah na la ki kmie ki kpa, hynrei tang U Trai uba lah ban ai ha u ïa ka tnga kaba shemphang.

1 TIMOTHI 2:13

Naba ïa u Adam la thaw nyngkong, bad nangta ïa ka Im.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.