JENESIS 2:2 - Khasi CL Bible (BSI)

² Ha ka sngi kaba hynñiew U Blei u la pyndep ïa kaei kaba u la trei bad u la sangeh treikam.

KA BAIBL

² Te ha ka bahynñiew ka sngi, U Blei u la pyndep noh ïa la ka kam ïa kaba u la lah pynlong; bad ha ka bahynñiew ka sngi u la shong sngi na ka kam jong u baroh ïa kaba u la lah pynlong.

JENESIS 2:2 ပူးပေါင်းရင်းမြစ်များ

JENESIS 1:31

U Blei u khmih ïa kiei kiei baroh kiba U la lah thaw, bad u la sngewbha eh. Ka janmiet ka la leit bad ka step ka la wan — kata ka la long ka sngi kaba hynriew.

JENESIS 2:3

U la kyrkhu ïa ka sngi kaba hynñiew bad u la pynkyrpang ïa ka kum ka sngi bakyrpang, namar ha kata ka sngi, U Blei u la pyndep ïa ka jingpynlong jong u; bad u la sangeh treikam.

EKSODOS 23:12

“Trei hynriew sngi shi taïew, hynrei wat trei ha ka sngi kaba hynñiew, khnang ba ki mraw jong phi bad ki nongwei kiba trei bad phi, bad wat ki jingri jong phi hi, kin ïoh shongthait.

EKSODOS 31:15

Phi ïoh hynriew sngi ban trei, hynrei ka sngi kaba hynñiew, ka long ka sngi shongthait ïa kaba la pynkyntang sha nga. Uno uno uba trei ïa kano kano ka kam ha kata ka sngi un shah pynïap.

EKSODOS 31:17

Ka long ka dak kaba neh junom hapdeng jong nga bad ki Israel, ba ma nga, U Trai, nga la thaw ïa ka bneng bad ïa ka pyrthei ha ki hynriew sngi, bad ha ka sngi kaba hynñiew nga la sangeh ban trei bad shongthait.”

ISAÏAH 58:13

U Trai u ong, “Lada phi ñiew ïa ka Sabbaton kum kaba kyntang bad phin ym beh tang ïa la ki jong ki jingmyntoi ha kata ka sngi; lada phi ñiewkor ïa ka sngi kaba khuid jong nga bad lada phi burom ïa ka khlem da leit jingleit, treikam, lane shu bunktien bieit ha kata ka sngi,

ÏOANNIS 5:17

U Jisu u la jubab ïa ki, “U Kpa jong nga u ïai trei, bad ka dei ïa nga ruh ban trei.”

DEUTERONOMI 5:14

hynrei ka sngi kaba hynñiew ka dei ka sngi shongthait ba la buh kyrpang na ka bynta jong nga. Ha kata ka sngi phim bit ban leh ïa kano kano ka kam — ma phi, lane ki khun jong phi, lane ki mraw jong phi, lane ki jingri jong phi, lane ki nongwei kiba shong basah bad phi. Ki mraw jong phi ki dei ban shongthait kumjuh.

HEBRU 4:10

Naba uno uno uba ïohpdiang ïa ka jingjahthait ïa kaba U Blei u la kular, un shongthait na ka kam jong u hi, kumba U Blei u la shongthait na ka kam jong u.

HEBRU 4:4

Naba don ha Jingthoh Bakhuid la ong ïa kane shaphang ka sngi kaba hynñiew: “U Blei u la shongthait ha ka sngi kaba hynñiew na ka kam jong u baroh.”