JENESIS 2:18 - Khasi CL Bible (BSI)

¹⁸ Nangta U Trai U Blei u la ong, “Kam long kaba bha ïa u briew ban im marwei. Ngan thaw ka nongsynran babiang ban ïarap ïa u.”

KA BAIBL

¹⁸ Bad U Trai uba U Blei u la ong ruh, “Ym bit ba uta u briew un sah marwei; ngan thaw ïa u ka nongsumar lem kaba biang.”

JENESIS 2:18 ပူးပေါင်းရင်းမြစ်များ

JENESIS 1:31

U Blei u khmih ïa kiei kiei baroh kiba U la lah thaw, bad u la sngewbha eh. Ka janmiet ka la leit bad ka step ka la wan — kata ka la long ka sngi kaba hynriew.

JENESIS 2:20

Kumta u briew u la khot kyrteng ïa baroh ki sim bad ki mrad; hynrei ym don kawei ruh na ki kaba long ka nongsynran babiang ban ïarap ïa u.

JENESIS 3:12

Uta u briew u ong, “Ka briew kaba me la buh hangne bad nga, ka la ai ha nga ïa u soh, bad nga la bam.”

PROBERB 18:22

Haba shem ïa ka tnga, phi shem ïa kaei kaba bha; ka pynpaw ba U Trai u lehbha ïa phi.

1 KORINTH 7:36

Ha kaba ïadei bad ki ar ngut kiba la ïatehktien kiba la rai ba kin ym ïashongkurim: Lada uta u briew u sngew ba um shym leh kaba dei ïa ka theisotti bad lada ki jingkwah brai jong u ki jur haduh katta katta bad u sngew ba u dei ban shongkurim, te ki dei ban ïashongkurim noh, kumba u kwah. Kam don pop ei ei ha kane.

1 PETROS 3:7

Ha kajuh ka rukom phi ki shynrang to da shong ryngkat bad la ki tnga da ka jingshemphang ba dei biang ba ki long kiba kham tlot ban ïa phi. To ñiewburom ïa ki, namar ki ruh kin ïohpdiang, lem bad phi, ka jingim kaba long ka jingai jong U Blei. To leh ïa kane ba kan ym don kano kano ka ban tuklar ïa ki jingduwai jong phi.

RUTH 3:1

Hadien katto katne por ka Naomi ka ong ha ka Ruth, “Nga dei ban shem u tnga na ka bynta jong phi, khnang ba phin don la ka jong ka longïing.