JENESIS 2:17 - Khasi CL Bible (BSI)

¹⁷ lait noh u dieng uba ai jingtip ïa kaba bha bad ïa kaba sniew. Mem bit ban bam ïa u soh jong uta u dieng, lada me bam, men ïap ha kata hi ka sngi.”

KA BAIBL

¹⁷ hynrei, na u dieng ka jingtip ïa ka babha bad ïa ka basniew men ym ïoh bam na u: naba ha kata ka sngi ba men bam na u, da kaba ïap men ïap shisha.”

JENESIS 2:17 ပူးပေါင်းရင်းမြစ်များ

JENESIS 2:9

U la pynlong ïa ki jait dieng ba-itynnat baroh ban mih hangta bad kiba pynmih ïa ki soh kiba bha. Hapdeng jong kata ka kper la ïeng u dieng uba ai jingim bad u dieng uba ai jingtip ïa kaba bha bad ïa kaba sniew.

JENESIS 20:7

Hynrei mynta, to pynphai noh ïa kato ka briew ha u tnga jong ka. U dei u nongïathuhlypa, bad un sa duwai na ka bynta jong me, ba kumta men ym ïap. Hynrei lada mem pynphai pat ïa ka, nga maham ïa me ba men ïap, ma me bad ki briew jong me baroh.”

JENESIS 3:11

Bad U Blei u ong, “Mano ba la ïathuh ïa me ba me la lyngkhuit? Hato me la bam ïa u soh uba nga la ong ïa me ban ym bam?”

JENESIS 3:17

Bad ha u briew u ong, “Me la shahshkor ïa ka tnga jong me bad ba me la bam ïa u soh uba nga la ong ïa me ban ym bam. Namar kaei kaba me la leh, ka khyndew kan don hapoh ka jingtim. Men hap trei shitom baroh shi rta jingim ban pynlong ïa ka ban pynmih ka jingbam babiang na ka bynta jong me.

JENESIS 3:19

Men hap trei shitom bad jaw syep ban pynlong ïa ka khyndew ban pynmih ei ei, tad haduh ba men da leit phai pat sha ka khyndew na kaba la thaw ïa me. La thaw ïa me na ka dewmet, bad men sa kylla dewmet sa shisien pat.”

1 SYIEM 2:37

Lada me tang shu mih bad leit sha shiliang ka wahduid Kidron, men ïap da shisha — bad me hi men shah kynnoh.”

1 SYIEM 2:42

u la phah khot ïa u bad u ong, “Nga la pynlong ïa me ban smai ha ka kyrteng jong U Trai ban ym mihnoh na Jerusalem. Bad nga la maham ïa me ba lada me leh kumta, men ïap da shisha. Hato mem shym la mynjur ïa ka bad ong ba men kohnguh ïa nga?

JEREMAÏAH 26:8

bad hamar ba nga la pyndep ïa baroh kaba U Trai u la hukum ïa nga ban kren, ki la kem ïa nga bad pyrta, “Me dei ban shah pynïap namar kane!

ESEKIEL 18:13

bad u ai kylliang pisa na ka bynta ban ïohnong. Hato un im? Em, un ym im. U la leh ïa kine kiei kiei baroh kiba ijli, bad kumta un ïap. Un long uba la shah kynnoh na ka bynta ka jingïap jong u hi.

ESEKIEL 18:32

Ngam kwah ïano ïano ban ïap,” ong U Trai Nongsynshar. “To phai noh na ki pop jong phi bad to im.”

ESEKIEL 18:4

Ka jingim jong uwei pa uwei u briew ka dei ka jong nga, ka jingim jong ka kmie, u kpa bad kumjuh ruh ka jong i khun. U briew uba leh pop u dei uta u ban ïap.

ESEKIEL 33:14

Nga lah ban maham ïa u briew uba sniew ba u dei ban ïap, hynrei lada u sangeh na kaba leh pop bad leh ïa kaei kaba dei bad kaba bha —

ESEKIEL 33:8

Lada nga pynbna ba u briew ba-bymman u dei ban ïap bad mem shym la maham ïa u ba un phai na ki lynti jong u khnang ba u lah ban pynim ïa la ka jingim, te un ïap, kum u nongpop, bad ngan pynkit pop ïa me na ka bynta ka jingïap jong u.

JINGKHEIÑ 26:65

U Trai u la ong ba baroh na ki kin ïap ha ka ri khlaw, bad lait noh u Kaleb u khun jong u Jephunneh bad u Joshua u khun jong u Nun, baroh ki la ïap shisha.

Ka Shithi U Paul Sha Ki Nong Rom 1:32

Ki tip ba ka Hukum U Blei ka ong ba ki briew kiba im ha kane ka rukom ki dei hok ban ïap. Pynban, ym tang ba ki ïai leh ïa kine hi kiei kiei, hynrei ki mynjur wat ïa kiwei kiba leh ïa ki.

Ka Shithi U Paul Sha Ki Nong Rom 6:16

Da shisha phi tip ba haba phi pyndem ïa lade kum ki mraw ban kohnguh ïano ïano, ha ka jingshisha, phi long ki mraw jong u kynrad uba phi kohnguh — lada ka long ka pop, kaba ka jingmih ka long ka jingïap, lane ka jingkohnguh, kaba ka jingmih ka long ka jingïasuk bad U Blei.

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

1 KORINTH 15:22

Naba kumba ki briew baroh ki ïap namar ka jingïadei jong ki ha u Adam, kumjuh ruh ïa baroh yn pynmihpat namar ka jingïadei jong ki ha U Khrist.

1 KORINTH 15:56

Ka jingïap ka ïoh na ka pop ïa ka bor ban pynmong, bad ka pop ka ïoh ïa ka bor jong ka na ka Hukum.

GALATIA 3:10

Kita kiba shaniah ha kaba kohnguh ïa ka Hukum ki im hapoh ka jingtim. Naba ka Jingthoh Bakhuid ka ong, “Uno uno ruh u bym ïai kohnguh ïa baroh kaba la thoh ha ka kitab ka Hukum u long hapoh ka jingtim U Blei!”

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

DEUTERONOMI 27:26

“ ‘Ka jingtim U Blei kan hap ha uta u briew u bymkohnguh ïa ki aiñ bad ki jinghikai baroh jong U Blei.’ “Bad u paidbah baroh un jubab lang, ‘Amen!’

DEUTERONOMI 30:15

“Mynta ka sngi nga ai ba phin jied napdeng kaba bha bad kaba sniew, napdeng ka jingim bad ka jingïap.

DEUTERONOMI 30:19

Nga ai ha phi mynta ban jied napdeng ka jingim bad ka jingïap, napdeng ka jingkyrkhu U Blei bad ka jingtim U Blei, bad nga khot ïa ka bneng bad ka pyrthei ban sakhi ïano phi jied. Jied ïa ka jingim.

KOLOSSAI 2:13

Phi la long ha kawei ka por kiba la ïap ha kaba kynja mynsiem namar ki pop jong phi bad namar ba phi la long ki Jentil kiba khlem ka Hukum. Hynrei U Blei mynta u la wallam ïa phi sha ka jingim bad U Khrist.

1 TIMOTHI 5:6

Hynrei ka riewkynthei kaba im ha ki jingsngewbha ka la lah ïap lypa, wat haba ka dang im.

JAKOB 1:15

Nangta ki jingkwah brai jong u ki pun hapoh jong u bad ka jingmih ka long ban leh ïa ka pop; bad ka pop, haba ka la ih bha, ka pynmih ïa ka jingïap.

1 ÏOANNIS 5:16

Lada phi ïohi ïa la u parabriew ba u leh ïa ka pop ka bym ïalam sha ka jingïap, phi dei ban duwai ha U Blei, u ban ai ha u ïa ka jingim. Kane ka ïadei ïa kito kiba ki pop jong ki, kim ïalam sha ka jingïap. Hynrei ka don ka pop kaba ïalam sha ka jingïap, bad ngam ong ba phi dei ban duwai sha U Blei shaphang kata.

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.

JINGPYNPAW 20:14

Nangta ïa ka jingïap bad ïa ka Hades la bret ha ka pung ka ding. (Kane ka pung ka ding ka long ka jingïap kaba ar.)

JINGPYNPAW 20:6

Katno kiba suk bad kiba la ïoh jingkyrkhu shikatdei eh ki long kito kiba la kynthup ha kane ka jingpynmihpat banyngkong ïa kiba ïap. Ka jingïap kaba ar kam donbor halor jong ki; kin long ki lyngdoh jong U Blei bad jong U Khrist, bad kin synshar bad u shihajar snem.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

NONGBISHAR 3:2

U la leh ïa kane khnang ban hikai ïa kawei pa kawei ka pateng jong ki Israel shaphang ka thma, khamtam ïa kito ki bym pat ju mad ïa ka thma mynshuwa.

1 SAMUEL 14:39

Nga kular ha U Trai uba im, uba ai ha ki Israel ka jingjop, ba uta uba la leh un shah pynïap, wat la u dei u Jonathan u khun jong nga.” Hynrei ym don uwei ruh uba ong ei ei.

1 SAMUEL 14:44

U Saul u ong ha u, “Ai ba U Blei un shoh ïap ïa nga lada yn ym pynïap ïa me!”

1 SAMUEL 20:31

Hato mem sngewthuh ba katba u Dabid u dang im, lano lano men ym ïoh long u syiem jong kane ka ri? Mynta hi to khie leit bad wallam ïa u shane — u dei ban ïap!”

1 SAMUEL 22:16

U syiem u ong, “Ahimelekh, ma me bad ki ba-ha-ïing ha-sem jong me baroh phi dei ban ïap.”