JENESIS 19:8 - Khasi CL Bible (BSI)

⁸ Khmih shane, nga don ar ngut ki khun kynthei kiba dang sotti. Shah ngan wallam ïa ki sha phi, bad phi lah ban leh ïa ki katba phi mon. Hynrei wat leh ei ei ïa kine ki rangbah; ki dei kiba nga la khot sngewbha sha ka ïing jong nga, bad nga dei ban ïada ïa ki.”

KA BAIBL

⁸ Ha khmih mynta, nga don ar ngut ki khun kynthei ki bym pat shym la ithuh ïa u briew; to ai, nga kyrpad ïa phi, ba ngan wanlam noh ïa ki shabar sha phi mynta, bad to da leh ïa ki katba phi ibit: tang ïa kine ki briew to wat leh ei ei ruh em; namar na ka bynta kata ki la ïawan hapoh ka synrang ka jingsop jong nga.”

JENESIS 19:8 ပူးပေါင်းရင်းမြစ်များ

JENESIS 18:5

Ngan wanrah ruh khyndiat ka jingbam; kan ai bor ïa phi katba phi nang bteng ïa ka jingïaid lynti jong phi. Phi la pyndonburom ïa nga haba phi wan rung ha ïing jong nga, kumta shah ngan shakri ïa phi.” Ki jubab, “Khublei shibun; ngi pdiang sngewbha ïa kata.”

JENESIS 19:7

U ong ïa ki, “Paralok, nga kyrpad ïa phi, wat leh ïa kaba kum kane ka kam kaba sniew!

JENESIS 42:37

U Reuben u ong ha la u kpa, “Lada ngam wan ïalam biang sha phi ïa u Benjamin, phi lah ban pynïap ïa ki khun shynrang jong nga baroh ar ngut. Buh ïa u ha ka jingsumar jong nga, bad ngan wan ïalam biang ïa u.”

EKSODOS 32:22

U Aaron u jubab, “Wat bitar ïa nga. Phi tip ba kine ki briew ki long kiba im sngi tang ban leh ïa kaba sniew.

PROBERB 9:7

Lada phi pynbeit ïa u briew uba hangamei, phin shu shah krenbeiñ. Lada phi mai ïa u riewbymman, phin shah pynmynsaw.

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

MARKOS 9:6

Ma u bad kiwei pat ki la sheptieng katta katta haduh ba um tip ïa kaei ban ong.

Ka Shithi U Paul Sha Ki Nong Rom 3:8

Balei yn ym ong te, “To ngin leh ïa kaba sniew khnang ba kaba bha kan mih?” Katto katne ngut ki briew, shisha, ki pynjahburom ïa nga da kaba pharep ïa nga da kaba ong ïa kane kaei kaei hi! Kin shah pynrem, kumba ki dei ban shah.

NONGBISHAR 19:23

Hynrei u tymmen u mih shabar bad u ong ha ki, “Em, ko paralok jong nga! Sngewbha! Wat leh kaba kum kata ka kam bymman, ka kam bakhlemrain! Une u briew u long uba nga la khot sngewbha.

NONGBISHAR 19:24

Khmih! Hangne ka don ka tnga kliar jong u bad ka khun jong nga, kaba dang sotti. Ngan wan ïalam ïa ki mynta shabar, bad phi lah ban shim ïa ki. Leh ïa ki katba phi sngewkwah. Hynrei wat leh ïa ka kam bymman ha une u briew!”

NONGBISHAR 9:15

U dieng shiah u jubab, ‘Lada phi kwah shisha ban pynlong ïa nga u syiem jong phi, te ale wan bad riehtngen hapoh ka syrngiew jong nga. Lada phim kwah, ka ding kan klang na ki tnat shiah jong nga bad bam duh ïa ki dieng Kedar ka Lebanon.’