JENESIS 19:3 - Khasi CL Bible (BSI)

³ U ïai kyrpad jur ïa ki, bad khatduh ki la leit ryngkat bad u sha ka ïing jong u. U Lot u la hukum ïa la ki shakri ban shet kpu bad ban pynkhreh ïa ka bam kaba bang na ka bynta kine kiba shah khot sngewbha. Haba la dep khreh, ki la ïabam ruh.

KA BAIBL

³ Te u la ban kyntu eh ïa ki; hadien kata, ki la ïaphai sha u, bad ki la ïawan bsut sha ka ïing jong u; bad u la thaw ïa ka jingkhawai ïa ki, bad u la shet ïa u kpu bakhlem thiat, ki ruh ki la ïabam.

JENESIS 19:3 ပူးပေါင်းရင်းမြစ်များ

JENESIS 19:2

U dem ngon ha khmat jong ki, bad u ong, “Ko rangbah, nga don hangne ban shakri ïa phi. Sngewbha wan sha ïing jong nga. Phi lah ban sait ïa la ki kjat, bad ban sahmiet ruh. Lashai phi lah ban khie dang step, bad bteng ïa la ka jingleit.” Hynrei ki jubab, “Em, ngin sahmiet hangne ha ka jaka bakylluid jong ka nongbah.”

JENESIS 21:8

U khunlung u la nang san, bad ha ka sngi ba la pyniehnoh buiñ ïa u, u Abraham u pynlong ka jingkhawai kaba khraw.

JENESIS 24:31

bad u ong, “Ale sha ïing bad nga. Phi long u briew ïa uba U Trai u la kyrkhu. Balei phin shu ïeng hangne kumne? Nga la pynkhreh ka jaka ïa phi ha ïing jong nga, bad don ruh ka jaka ïa ki ut jong phi.”

JENESIS 26:30

U Isaak u pynkhreh ka jingkhawai ïa ki, bad ki ïabam ïadih.

2 SYIEM 4:8

Ha kawei ka sngi u Elisha u leit sha Shunem, ha kaba ka briew kaba riewspah ka shong. Ka la khot bam ïa u, bad naduh kata, ha man ba u leit sha Shunem, u ju bam jingbam ha ïing jong ka.

EKSODOS 12:15

U Trai u la ong, “Hynñiew sngi lynter phin ym bam ïa u kpu ba la khleh thiat — bam tang ïa u kpu bakhlem thiat. Ha ka sngi kaba nyngkong phi dei ban bret noh ïa u thiat baroh na ïing jong phi, namar lada uno uno u bam ïa u kpu ba la khleh thiat ha kita ki hynñiew sngi, yn ym kheiñ shuh ïa u kum uwei na ki briew jong nga.

EKSODOS 12:39

Ki shet ïa u kpu bakhlem thiat na uta u kpu im ba ki wanrah na Ijipt, naba ki la shah beh kynsan na ka ri Ijipt ba kim ïoh por ban da khreh jingbam lane ban pynkhreh ïa u kpu im.

LOUKAS 11:8

Te, kaei pat? Nga ong ha phi ba wat la un ym khie bad ai ha phi ïa u kpu, namar ba phi dei u paralok jong u, pynban un khie joit bad ai ha phi ïa kaei kaei baroh kaba phi donkam namar ba phim lehrain ban ïai pan.

LOUKAS 14:23

Kumta u kynrad u la ong ha u shakri, ‘Khie leit sha ki lynti bah ha rudnong bad sha ki lynti khim bad ïawer ïa ki briew ban wan shapoh khnang ba ka ïing jong nga kan dap.

LOUKAS 5:29

Nangta u Lebi u la pynlong ka jingkhawai kaba heh ha ka ïing jong u na ka bynta U Jisu, bad napdeng kiba shah khot sngewbha la don bun ngut ki nonglum khajna bad kiwei de ki briew.

ÏOANNIS 12:2

Ki la pynkhreh ka jingbam miet ïa u hangta, ha kaba ka Martha ka la ïarap ban sam; u Lasaros u long uwei na kito kiba la ïashong bam ha ka miej lem bad U Jisu.

1 KORINTH 5:8

To ngin rakhe ïa ka Jingkhawai Niam, te, ym da u kpu uba don u thiat uba rim jong ka pop bad ka jingbymman, hynrei da u kpu u bym don thiat, u kpu jong ka jingkhuid bad ka jingshisha.

2 KORINTH 5:14

La synshar ïa ngi da ka jingieit U Khrist, mynta ba ngi tip ba uwei u briew u la ïap na ka bynta jong uwei pa uwei, kaba mut ba baroh ki ïoh bynta lang ha ka jingïap jong u.

HEBRU 13:2

Da kynmaw ban pdiang sngewbha ïa ki nongwei ha ki ïing jong phi. Don kiba la leh kumta bad pdiang sngewbha ïa ki angel khlem da tip ïa kata.

NONGBISHAR 6:19

Kumta u Gideon u la leit sha la ïing bad u shet uwei u khunblang bad u la pyndonkam shiphew kilo u 'purew ban shet ïa u kpu khlem thiat. U buh ïa ka doh ha ka shang bad ïa ka syrwa hapoh u khiew, u la wallam ïa ki sha u angel jong U Trai ha trai u dieng Sning, bad u ai ïa ki ha u.

1 SAMUEL 28:24

Kloi lan kata ka briew ka pynïap uwei u khun masi uba ka la ri pynsngaid. Nangta ka shim khyndiat u 'purew, ka khleh ïa u, bad ka shet u kpu uba khlem thiat.