JENESIS 18:7 - Khasi CL Bible (BSI)

⁷ Nangta u mareh sha ka kynhun jingri, u shim uwei u khun masi uba dang lung bad uba dap doh, bad u ai ha u shakri, uba pynstet ban leit shet.

KA BAIBL

⁷ Bad u Abraham u la phet sha ki jingri, bad u la shim ïa u khun masi uwei uba lkhai bad u babha, bad u la ai ruh ha u samla; bad u la pynkloi ban khreh ïa u.

JENESIS 18:7 ပူးပေါင်းရင်းမြစ်များ

JENESIS 18:6

Te u Abraham u leit rung kyrkieh sha la ka ïingjaiñ bad u ong ha ka Sarah, “Kloi kloi, shim shi byrni u 'purew uba ni, khleh bad sa shet kpu.”

JENESIS 18:8

U shim katto katne ka malai, ka dud, bad ka doh, bad u buh ïa kita ki jingbam ha khmat jong kita ki rangbah. Hangta ha trai u dieng u la pynbiang ïa ki da lade hi, bad ki la ïabam.

JENESIS 19:3

U ïai kyrpad jur ïa ki, bad khatduh ki la leit ryngkat bad u sha ka ïing jong u. U Lot u la hukum ïa la ki shakri ban shet kpu bad ban pynkhreh ïa ka bam kaba bang na ka bynta kine kiba shah khot sngewbha. Haba la dep khreh, ki la ïabam ruh.

AMOS 6:4

Katno kaba sngewshyrkhei kan long ïa phi kiba thiah halor ki jingthiah baremdor, kiba ïakhawai da ki khun masi bad khunlangbrot!

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

MATHAÏOS 22:4

Kumta u la phah ïa kiwei pat ki shakri lem bad kane ka khubor ïa ki nongshahkhot sngewbha: ‘La dep khreh ïa ka jingkhawai jong nga mynta, la dep shohdoh ïa ki masi dab bad ïa ki khun masi bakynsai jong nga, bad la khreh ïa kiei kiei baroh. To ale sha ka jingkhawai shongkurim!’

LOUKAS 15:23

Nangta khie leit bad shim ïa u khun masi uba la pynsngaid bha bad pynïap ïa u, bad to ngin ïalehkmen da ka jingkhawai!

LOUKAS 15:27

‘U para jong me u la wan phai pat sha ïing,’ u shakri u la jubab, ‘bad u kpa jong me u la phah pynïap ïa u khun masi uba la pynsngaid bha, namar u la ïoh pat ïa u ha ka jingsuk bad ha ka jingkoit jingkhiah.’

LOUKAS 15:30

Hynrei une u khun jong phi u la pynsyrwa ei ïa ka jingdon jingem jong phi ha ki nuti, bad haba u wan phai pat sha ïing, phi pynïap na ka bynta jong u ïa u khun masi uba la pynsngaid!’

1 SAMUEL 28:24

Kloi lan kata ka briew ka pynïap uwei u khun masi uba ka la ri pynsngaid. Nangta ka shim khyndiat u 'purew, ka khleh ïa u, bad ka shet u kpu uba khlem thiat.