JENESIS 18:6 - Khasi CL Bible (BSI)

⁶ Te u Abraham u leit rung kyrkieh sha la ka ïingjaiñ bad u ong ha ka Sarah, “Kloi kloi, shim shi byrni u 'purew uba ni, khleh bad sa shet kpu.”

KA BAIBL

⁶ Te u Abraham u la leit jang jang sha kata ka ïingtrep ha ka Sara, u la ong ruh, “To pynkhreh noh kloi kloi lai pyrha u 'purew bani, bad to da khñiot ruh, bad to shet ïa ki kpu ha ka dpei.”

JENESIS 18:6 ပူးပေါင်းရင်းမြစ်များ

JENESIS 18:5

Ngan wanrah ruh khyndiat ka jingbam; kan ai bor ïa phi katba phi nang bteng ïa ka jingïaid lynti jong phi. Phi la pyndonburom ïa nga haba phi wan rung ha ïing jong nga, kumta shah ngan shakri ïa phi.” Ki jubab, “Khublei shibun; ngi pdiang sngewbha ïa kata.”

JENESIS 18:7

Nangta u mareh sha ka kynhun jingri, u shim uwei u khun masi uba dang lung bad uba dap doh, bad u ai ha u shakri, uba pynstet ban leit shet.

JENESIS 19:3

U ïai kyrpad jur ïa ki, bad khatduh ki la leit ryngkat bad u sha ka ïing jong u. U Lot u la hukum ïa la ki shakri ban shet kpu bad ban pynkhreh ïa ka bam kaba bang na ka bynta kine kiba shah khot sngewbha. Haba la dep khreh, ki la ïabam ruh.

2 SAMUEL 13:6

Kumta u Amnon u leit thiah bad u la leh mynleh kum uba pang. U Syiem Dabid u la leit jngoh ïa u, bad u Amnon u ong ha u, “Sngewbha shah ïa i Tamar ban wan bad shet katto katne ki kpu hangne ha kaba nga lah ban ïohi ïa i, bad nangta in ai bam ïa nga da ma i hi.”

SALM 119:60

Khlem pynslem nga la pynstet ban kohnguh ïa ki hukum jong me.

ISAÏAH 32:8

Hynrei u briew uba donburom u lehhok bad u ïeng skhem na ka bynta kaei kaba dei.

MATHAÏOS 13:33

U Jisu u la ïathuh ha ki sa kawei pat ka pharshi. “Ka Hima ki Bneng ka long kumne. Ka briew ka shim khyndiat u thiat bad ka khleh ïa u bad sawphew kilo u purew tad haduh ba u 'purew ba la khleh u sieb.”

KI KAM 16:15

Hadien ba ma ka bad ki dkhot jong ka ïing jong ka ki la shah pynbaptis, ka la khot sngewbha ïa ngi, “To wan bad sah hapoh ka ïing jong nga lada phi la pdiang ba nga long ka parabangeit bashisha ha U Trai.” Bad ka la pynkohnguh ïa ngi ban leit.

Ka Shithi U Paul Sha Ki Nong Rom 12:13

To ïasam lem ïa ki jingdon jong phi bad ki parabangeit kiba kyrduh, bad to pdiang sngewbha sha ki ïing jong phi ïa ki nongwei.

GALATIA 5:13

Na ka bynta jong phi pat, ko ki parabangeit jong nga, la khot ïa phi ban long kiba laitluid. Hynrei wat shah ba kane ka jinglaitluid kan kylla long ka jingailad ïa ki jingkwah brai ka doh ban synshar ïa phi. Pynban, ai ba ka jingieit kan pynlong ïa phi ban ïashakri iwei ïa iwei pat.

HEBRU 13:2

Da kynmaw ban pdiang sngewbha ïa ki nongwei ha ki ïing jong phi. Don kiba la leh kumta bad pdiang sngewbha ïa ki angel khlem da tip ïa kata.

1 PETROS 4:9

To plie kylluid ïa ki ïing jong phi iwei ïa iwei pat khlem jingkhñium.

NONGBISHAR 6:19

Kumta u Gideon u la leit sha la ïing bad u shet uwei u khunblang bad u la pyndonkam shiphew kilo u 'purew ban shet ïa u kpu khlem thiat. U buh ïa ka doh ha ka shang bad ïa ka syrwa hapoh u khiew, u la wallam ïa ki sha u angel jong U Trai ha trai u dieng Sning, bad u ai ïa ki ha u.

1 SAMUEL 28:24

Kloi lan kata ka briew ka pynïap uwei u khun masi uba ka la ri pynsngaid. Nangta ka shim khyndiat u 'purew, ka khleh ïa u, bad ka shet u kpu uba khlem thiat.