JENESIS 18:5 - Khasi CL Bible (BSI)

⁵ Ngan wanrah ruh khyndiat ka jingbam; kan ai bor ïa phi katba phi nang bteng ïa ka jingïaid lynti jong phi. Phi la pyndonburom ïa nga haba phi wan rung ha ïing jong nga, kumta shah ngan shakri ïa phi.” Ki jubab, “Khublei shibun; ngi pdiang sngewbha ïa kata.”

KA BAIBL

⁵ nga ruh ngan wallam khyndiat u kpu, bad to phin pyntngen ïa ki dohnud jong phi; hadien kata, phin ïoh nang leit noh: naba na ka bynta kata, phi la ïawan ïaid lait sha la u shakri.” Ki te ki la ïa-ong, “To leh kumta, kat kumba me la ïathuh.”

JENESIS 18:5 ပူးပေါင်းရင်းမြစ်များ

JENESIS 18:6

Te u Abraham u leit rung kyrkieh sha la ka ïingjaiñ bad u ong ha ka Sarah, “Kloi kloi, shim shi byrni u 'purew uba ni, khleh bad sa shet kpu.”

JENESIS 19:8

Khmih shane, nga don ar ngut ki khun kynthei kiba dang sotti. Shah ngan wallam ïa ki sha phi, bad phi lah ban leh ïa ki katba phi mon. Hynrei wat leh ei ei ïa kine ki rangbah; ki dei kiba nga la khot sngewbha sha ka ïing jong nga, bad nga dei ban ïada ïa ki.”

JENESIS 33:10

U Jakob u ong, “Em, kata kam da pher eh; lada nga la ïoh ka jingsngewbha jong phi, to pdiang ïa ka jingai sngewbha jong nga. Ban ïohi ïa ka khmat jong phi ka long ïa nga hi kumba ïohi ïa ka khmat U Blei, mynta ba phi la leh jan ïa nga katne.

1 SYIEM 17:11

Katba ka dang leit shim ïa ka, u la ong, “Bad sngewbha wanrah de khyndiat u kpu.”

SALM 104:15

bad pynmih um sohwaiñ ban pynsngewbha ïa u, ka umphniang Olib ban pynkmen ïa u, bad u kpu ban ai jingkhlaiñ ïa u.

ISAÏAH 3:1

Mynta u Trai, U Trai Badonbor baroh un sa shim noh na Jerusalem bad Judah ïa kaei kaei baroh bad ïa uwei pa uwei ba ki briew ki shaniah. Un shim noh ïa ka jingbam bad ka um jong ki,

MATHAÏOS 6:11

To ai ha ngi mynta ka jingbam kaba ngi donkam.

NONGBISHAR 13:15

U Manoah um shym tip ba u dei u angel jong U Trai, kumta u ong ha u, “Sngewbha wat nym pat leit. Ai ba ngin ïoh shet uwei u khunblang na ka bynta jong phi.” Hynrei u angel u ong, “Lada nga dei ban ap, ngan nym bam ïa ka jingbam jong phi. Hynrei lada phi kwah ban pynkhreh ïa ka, thang ïa ka kum ka jingainguh sha U Trai.”

NONGBISHAR 19:5

Ha ka step jong ka sngi kaba saw ki khie dang step bad ki khreh ban ïaleit noh. Hynrei u kpa jong ka kynthei u ong ha u Lebi, “Da bam da dih shuwa. Kan bha ïa phi. Phi lah ban sa leit hadien.”

NONGBISHAR 6:18

Wat pat leit tat ynda nga wanrah ha me ka jingainguh bam.” U jubab, “Ngan ap haduh ba men da wan phai pat.”

NONGBISHAR 6:19

Kumta u Gideon u la leit sha la ïing bad u shet uwei u khunblang bad u la pyndonkam shiphew kilo u 'purew ban shet ïa u kpu khlem thiat. U buh ïa ka doh ha ka shang bad ïa ka syrwa hapoh u khiew, u la wallam ïa ki sha u angel jong U Trai ha trai u dieng Sning, bad u ai ïa ki ha u.