JENESIS 18:20 - Khasi CL Bible (BSI)

²⁰ Te U Trai u ong ha u Abraham, “Ki don ki jingkynnoh pyrshah kiba jur ïa ka Sodom bad ka Gomorrah, bad ka pop jong ki ka long kaba khraw katta katta.

KA BAIBL

²⁰ Te U Trai u la ong, “Namar ba ka jingpyrta shaphang Sodom bad Gomorra ka la jam eh, bad namar ka pop jong ki ka la khia eh keiñ;

JENESIS 18:20 ပူးပေါင်းရင်းမြစ်များ

JENESIS 13:13

bad u la sher dara hajan ka Sodom, kaba ki briew jong ka, ki la long kiba bymman bad kiba la leh pop pyrshah ïa U Trai.

JENESIS 19:13

U Trai u la ïohsngew ïa ka jingkynnoh pyrshah kaba jur ïa kine ki briew bad u la phah ba ngin pynjot thiaw ïa ka Sodom.”

JENESIS 19:4

Ha shuwa ba ki nongshahkhot sngewbha kin leit thiah noh, ki shynrang jong ka Sodom ki la kerkut ïa ka ïing. Baroh ki shynrang jong kata ka nongbah, bad samla bad tymmen, ki la ïadon hangta.

JENESIS 4:10

Bad U Trai u ong, “Balei me leh ïa kane ka kam kaba shyrkhei? Ka snam u para jong me ka ud ha nga na khyndew kum ka sur kaba khot ïa ka jingpynhiarkput.

JENESIS 6:12

U Blei u la khmih ïa ka pyrthei bad u la ïohi ba ka la sniew, namar ki briew baroh ki la im ka jingim kaba sniew.

ISAÏAH 3:9

Ïa ki jingnoh shiliang jong ki yn bat pyrshah ïa ki. Ki leh pop khlem rieh kumba ki briew ka Sodom ki la leh. Ki long kiba la tim, bad ki la wallam ïa ka halor jong ki hi.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

ESEKIEL 16:46

“Ka hynmen jong pha, ka dei ka Samaria ha ka phang bashatei, ryngkat bad ki nongrit jong ka. Ka para jong pha lem bad ki nongrit jong ka, ka dei ka Sodom ha ka phang bashathie.

JOEL 3:13

Ki long kiba bymman haduh katta katta; ot ïa ki kum ïa u kew ha ka aïom ot; pynlwet ïa ki kum ïa ki sohwaiñ ha ka jaka pynmih umsoh haduh ba ka umsoh ka shlei.”

JONAH 1:2

U ong, “Khie leit sha Ninebeh, kata ka nongbah kaba khraw, bad to kren pyrshah ïa ka; nga tip haduh katno kiba bymman ki briew jong ka ki long.”

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.