JENESIS 18:14 - Khasi CL Bible (BSI)

¹⁴ Hato don kaei kaei kaba eh ïa U Trai? Kumba nga la ong, ngan sa wan biang hadien khyndai bnai, bad ka Sarah kan sa ïoh khun shynrang.”

KA BAIBL

¹⁴ Don kaei kaei ruh ïa kaba um lah U Trai? Ha kata ka Ïa ba la lah buh ngan wan phai pat keiñ sha me, hamar kaba ka aïom ka jingim, te ka Sara kan ïoh u khun.”

JENESIS 18:14 ပူးပေါင်းရင်းမြစ်များ

JENESIS 17:16

Ngan kyrkhu ïa ka, bad ngan ai khun shynrang ïa me na ka. Ngan kyrkhu ïa ka, bad kan long ka kmie jong ki jaitbynriew; bad yn don ruh napdeng ki khun ki ksiew ki ban long ki syiem.”

JENESIS 17:21

Hynrei ngan bat ïa la ka jutang bad u khun jong me u Isaak, ïa uba ka Sarah kan sa kha ha me kum ha kane ka aïom ha ka snem ka ban wan.”

JENESIS 18:10

Uwei na ki u ong, “Ngan sa wan biang sha me hadien khyndai bnai, bad ka Sarah ka tnga jong me kan sa ïoh khun shynrang.” Ka Sarah kaba ïeng hadien jong u ha ka jingkhang ka ïingjaiñ, ka pynshahshkor.

JENESIS 18:13

Kumta U Trai u ong ha u Abraham, “Balei ka Sarah ka rkhie bad ong, ‘Hato ngan dang ïoh khun shisha haba nga la tymmen?’

JENESIS 18:15

Namar ba ka Sarah ka la sheptieng, ka la len ïa kata. Ka da ong, “Ngam shym rkhie.” U phai ktien, “Ho-oid, pha la leh kumta, pha la rkhie.”

JENESIS 21:1

U Trai u la kyrkhu ïa ka Sarah kumba u la kular, bad ka la punkhun bad kha khun shynrang ïa u Abraham haba u la tymmen.

JENESIS 21:2

Ïa uta u khun la kha ha ka por ba U Blei u la buh ba yn sa kha ïa u.

2 SYIEM 4:16

bad u Elisha u ong ha ka, “Kum ha kane ka por ha ka snem kaba bud phin rah ïa u khun ha ki ksang'ti jong phi.” “O!” ka ong da kaba kyndit. “Sngewbha, ko kynrad, wat lamler ïa nga. Phi dei u briew jong U Blei!”

Ka Kitab U Job 36:5

Katno U Blei u long uba khlaiñ! um ñiewbeiñ ïano ïano; ym don kano kano kaba um lah ban sngewthuh.

Ka Kitab U Job 42:2

Nga tip, A Trai, ba me long uba khrawbor tam; ba me lah ban leh ïa kaei kaei baroh kaba me kwah.

SALM 90:13

Slem katno kan neh ka jingbitar jong me? A to leh-isynei, A Trai, ïa la ki jong ki shakri!

SALM 93:1

U Trai u long u syiem. U kup da ka main longsyiem bad ka bor. Ïa ka pyrthei la pynskhem ha la ka jaka bad ym lah ban pynkhih ïa ka.

SALM 95:3

Naba U Trai u long U Blei bakhlaiñbor, u syiem uba khrawbor halor ki blei baroh.

ISAÏAH 50:2

“Balei ba ki briew jong nga kim jubab haba nga la leit sha ki ban pynim ïa ki? Balei ba kim phai ktien haba nga la khot ïa ki? Hato nga tlot eh ban pynim ïa ki? Nga lah ban pynrngad noh ïa ka duriaw da kaba shu hukum bad pynkylla ïa ki wah sha ka ri shyiap, ba ki dohkha kiba don ha ki kin ïap na ka jingduna um.

JEREMAÏAH 32:17

“A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

JEREMAÏAH 32:27

“Nga long U Trai, U Blei ki jaitbynriew baroh. Ym don kaei kaei kaba eh than ïa nga ban leh.

DANIEL 6:20

Haba u la poi hangta, u la khot jam da ka jingkhmih lynti, “Ko Daniel, u shakri jong U Blei uba im! Hato U Blei uba me shakri hok katta katta u la lah mo ban pyllait im ïa me na ki sing?”

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SEKHARAÏAH 8:6

“Kane ka lah ban i kum ka bym lah long ha kito ki jaitbynriew kiba dang sah mynta, hynrei kam long ka bym lah ban long ïa nga.

JINGKHEIÑ 11:23

“Hato don u pud ïa ka bor jong nga?” U Trai u jubab. “Men sa ïohi shen la kata kaba nga la ong kan urlong ne em!”

MATHAÏOS 14:31

Shisyndon U Jisu u la kner bad u la batskhem ïa u bad U la ong, “Katno kaba rit ka jingngeit me don! Balei ba me artatien?”

MATHAÏOS 19:26

U Jisu u la peit shlip sha ki bad u la jubab, “Kane ka long ka bym lah ha u briew, hynrei ha U Blei kiei kiei baroh ki long kaba lah.”

MATHAÏOS 3:9

Bad wat leit pyrkhat ba phi lah ban lait na ka jingpynshitom da kaba ong ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ki khun ki ksiew na ka bynta u Abraham!

MARKOS 10:27

U Jisu u la khmih shaiñ ha ki bad u la jubab, “Kane ka long ka bym lah ïa u briew, hynrei ym ïa U Blei; kiei kiei baroh ki long kiba lah ïa U Blei.”

LOUKAS 1:13

Hynrei u angel u la ong ha u, “Wat sheptieng, ko Sekharaïah! U Blei u la shahshkor ïa ka jingduwai jong me, bad ka Elisabeth ka tnga jong me kan kha u khun ïa me. Men kyrteng ïa u, u Ïoannis.

LOUKAS 1:18

U Sekharaïah u la ong ha u angel, “Da kumno ngan tip lada kane ka long kumta? Nga long u briew batymmen, bad ka tnga jong nga ruh ka la tymmen.”

LOUKAS 1:37

Naba ym don kano kano kaba U Blei um lah ban leh.”

LOUKAS 8:50

Hynrei U Jisu u la ïohsngew ïa kata bad u la ong ha u Jairos, “Wat sheptieng; tang shu ngeit, bad kan sa khiah.”

Ka Shithi U Paul Sha Ki Nong Rom 4:21

U la thikna bha ba U Blei un leh ïa kaei kaba u la kular.

EPHESOS 3:20

Ha uta uba da ka bor jong u kaba trei ha ngi u lah ban leh kham palat ban ïa kaba ngi pan, lane wat ïa kaba ngi pyrkhat;

DEUTERONOMI 30:3

U Trai U Blei jong phi un leh-isynei ïa phi. Un wan ïalam pat ïa phi napdeng kita ki jaitbynriew sha kiba u la pynsakma ïa phi, bad un pynbha pat ïa phi.

DEUTERONOMI 7:21

Kumta wat sheptieng ïa kita ki briew. U Trai U Blei jong phi u don ryngkat bad phi; u long U Blei uba donbor bad uba itieng.

PHILIPPI 3:21

U ban pynkylla ïa ki met batlot jong ngi bad pynlong ïa ki kum ka met ba-dap da ka burom jong u hi, da kata ka bor da kaba u lah ban wallam ïa kiei kiei baroh hapoh ka jingsynshar jong u.

PHILIPPI 4:13

Nga don ka bor ban mad ïa baroh ki jinglong da ka bor kaba U Khrist u ai ïa nga.

HEBRU 11:19

U Abraham u da kheiñ ba U Blei u lah ban pynmihpat ïa u Isaak na ka jingïap — bad kum ban shu ong, u Abraham u la ïohpdiang pat ïa u Isaak na ka jingïap.

NONGBISHAR 13:3

U angel U Trai u wanpaw ha ka bad u ong, “Pham shym la lah ban ïoh khun, hynrei shen phan sa punkhun bad phan ïoh ïa u khun shynrang.

1 SAMUEL 14:6

U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”