JENESIS 18:12 - Khasi CL Bible (BSI)

¹² Kumta ka Sarah ka rkhie sammut marwei, bad ka ong, “Mynta ba nga la tymmen bad ngam donbor shuh, ngan dang lah mo ban ïoh ïa ka jingsngewbha? Nalor kata, u tnga jong nga ruh u la tymmen.”

KA BAIBL

¹² Namar kata, ka Sara ka la rkhie sammut ha lade, ka da ong ha lade, “Wa! ynda nga la tymmen ngan ïoh kum ïa kane ka jingsngewbha hun mo? bad u kynrad jong nga ruh u la lah tymmen putet?”

JENESIS 18:12 ပူးပေါင်းရင်းမြစ်များ

JENESIS 17:17

U Abraham u dem ngon ha khyndew, hynrei u la sdang ban rkhie haba u pyrkhat, “Hato u briew u lah mo ban ïoh khun haba u la don shispah snem ka rta? Hato ka Sarah ka lah mo ban ïoh khun haba ka la don khyndaiphew snem ka rta?”

JENESIS 18:13

Kumta U Trai u ong ha u Abraham, “Balei ka Sarah ka rkhie bad ong, ‘Hato ngan dang ïoh khun shisha haba nga la tymmen?’

2 SYIEM 4:16

bad u Elisha u ong ha ka, “Kum ha kane ka por ha ka snem kaba bud phin rah ïa u khun ha ki ksang'ti jong phi.” “O!” ka ong da kaba kyndit. “Sngewbha, ko kynrad, wat lamler ïa nga. Phi dei u briew jong U Blei!”

SALM 126:2

A katno ngi rkhie, katno ngi rwai da ka jingkmen! Nangta kiwei pat ki jaitbynriew ki ong shaphang jong ngi, “U Trai u la leh kiei kiei kiba khraw na ka bynta jong ki.”

SALM 45:11

Ka jingbhabriew jong phi kan pynlong ba u syiem un kwah ïa phi; u long u kynrad jong phi, kumta phi dei ban kohnguh ïa u.

EPHESOS 5:33

Hynrei ka thew ruh ïa phi: Man u shynrang u dei ban ieit ïa la ka tnga kumba ïa lade, bad man ka kynthei ka dei ban ñiewburom ïa la u tnga.

1 PETROS 3:6

Ka Sarah ka la long kumta; ka la kohnguh ïa u Abraham bad ka khot ïa u, u kynrad jong ka. Phi long ki khun kynthei jong ka mynta lada phi leh ïa kaba dei bad phim sheptieng ïa kano kano.

NONGBISHAR 19:26

Ynda ka la kynjat shai kata ka briew ka wan bad ka kyllon ha jingkhang ïing jong uta u tymmen, ha kaba u tnga jong ka u don. Ka dang don hangta hi haba ka la step ruh.