JENESIS 18:1 - Khasi CL Bible (BSI)

¹ U Trai u la mihpaw ha u Abraham harud ki dieng kyntang jong u Mamre. Katba u Abraham u dang shong ha ka jingkhang ka ïingjaiñ jong u ha ka por ba dang shit kyr-ang mynsngi, u la khmied bad u la ïohi lai ngut ki rangbah kiba ïeng hangta.

KA BAIBL

¹ Hadien kata, U Trai u la mihpaw ha u hajan ki dieng Sning u Mamre; mynba u da shong ha ka jingkhang ka ïingtrep jong u, haba dang shit ka sngi;

JENESIS 18:1 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 13:18

Kumta u Abram u kynriah noh ïa la ka dara, bad u wan shong wan sah hajan ki dieng kyntang jong u Mamre ha Hebron, bad hangta u tei ka duwan ha U Trai.

JENESIS 14:13

Te uwei uba la ïohlait u wan ïathuh ïa kane baroh ha u Abram, u Hebru, uba la shong la sah hajan ki dieng kyntang jong u Mamre u kynja Amor. U Mamre bad ki para shynrang jong u, u Eshkol bad u Aber, ki dei ki paralok u Abram.

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

JENESIS 17:22

Ynda U Blei u la dep ïakren bad u Abraham, u iehnoh ïa u.

JENESIS 18:22

Te kita ki ar ngut ki rangbah ki la mihnoh nangta, bad ki la nang leit shaphang Sodom; hynrei U Trai u dang don bad u Abraham.

JENESIS 20:1

U Abraham u la kynriah noh na Mamre sha ki bynta bashathie jong ka Kanaan bad u la shong la sah hapdeng ka Kadesh bad ka Shur.

JENESIS 26:2

U Trai u la mihpaw ha u Isaak bad u ong, “Wat leit sha ri Ijipt; sah ha kane ka ri ha kaba nga la ong ha me ban sah.

JENESIS 35:27

U Jakob u la leit sha u Isaak u kpa jong u ha Mamre, hajan Hebron, ha kaba u Abraham bad u Isaak ki la ju shong ju sah.

JENESIS 48:3

U Jakob u ong ha u Joseph, “U Blei Badonbor Baroh u la wan mihpaw ha nga ha Lus ha ka ri Kanaan, bad u la kyrkhu ïa nga.

2 KHRONIKL 1:7

Ha kata ka miet U Blei u la mihpaw ha u Solomon bad u kylli, “Kaei me kwah ba ngan ai ïa me?”

EKSODOS 4:1

Te U Moses u jubab ïa U Trai, “Hynrei tharai ki Israel kin ym ngeit ïa nga, bad kin ym shahshkor ïa kaei kaba nga ong. Ngan leh kumno lada ki ong ba mem shym la paw ha nga?”

KI KAM 7:2

U Stephan u la jubab, “Ko ki hynmen ki para bad ko ki kpa, shahshkor ïa nga! Ha shuwa ba u kpa tymmen jong ngi u Abraham un leit noh ban shong ha Haran, U Blei ka burom u la mihpaw ha u ha Mesopotamia bad u la ong ha u,

HEBRU 11:9

Da ka jingngeit u la im kum u nongwei ha ka ri ha kaba U Blei u la kular ïa u. U la shong ha ki ïingjaiñ, kumta ruh u Isaak bad u Jakob, kiba la ïohpdiang ïa kajuh ka jingkular na U Blei.

HEBRU 13:2

Da kynmaw ban pdiang sngewbha ïa ki nongwei ha ki ïing jong phi. Don kiba la leh kumta bad pdiang sngewbha ïa ki angel khlem da tip ïa kata.

JOSHUA 5:13

Katba u Joshua u dang don hajan Jerikho, kynsan u ïohi ïa u briew uba ïeng ha khmat jong u, uba bat ïa ka waitlam. U Joshua u leit sha u bad u kylli, “Me dei uwei na ki shipai ngi, ne u nongshun?”