JENESIS 17:9 - Khasi CL Bible (BSI)

⁹ U Blei u ong ha u Abraham, “Me ruh me dei ban mynjur ban bat ïa ka jutang bad nga, ma me bad ki khun ki ksiew jong me ha ki pateng ban wan.

KA BAIBL

⁹ Bad U Blei u la ong ruh ha u Abraham, “Ma me, hynrei, to men rakhe ïa ka jutang jong nga; ma me bad u symbai jong me hadien jong me keiñ, ha ki pateng la pateng bynriew jong ki.

JENESIS 17:9 ပူးပေါင်းရင်းမြစ်များ

JENESIS 17:23

Ha kata hi ka sngi, u Abraham u la kohnguh ïa U Blei bad u la otsher ïa u Ishmael u khun jong u, bad ïa kiwei pat ki shynrang baroh na ka longïing longsem jong u, kynthup ruh ïa ki mraw baroh kiba la kha ha longïing longsem jong u bad kito kiba u la lah thied.

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

SALM 103:18

ha kito kiba batskhem ïa ka jutang jong u bad kiba ïaineh ha ka jingkohnguh ïa ki hukum jong u.

SALM 25:10

Da ka jingïaineh bad ka jingieit u ïalam ïa baroh kiba sumar ïa ka jutang jong u bad kohnguh ïa ki hukum jong u.

EKSODOS 19:5

Te mynta, lada phin kohnguh ïa nga bad sumar ïa ka jutang jong nga, phin long ki briew jong nga. Ka pyrthei baroh kawei ka long ka jong nga, bad phi pat phin long ki briew kiba nga la jied,