JENESIS 17:8 - Khasi CL Bible (BSI)

⁸ Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

KA BAIBL

⁸ Bad ngan ai ha me, bad ha u symbai jong me hadien jong me, ïa ka ri ha kaba me shong nongwei, ïa ka ri Kanaan baroh kawei keiñ, ïa ka ban long ka bynta trai ba-neh junom; bad ngan long U Blei jong ki.”

JENESIS 17:8 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 13:15

Ngan ai ha me bad ha ki khun ki ksiew jong me ïa ka ri baroh kat kaba me ïohi, bad kan long ka jong me junom.

JENESIS 13:17

Mynta, khie leit bad khmih ïa ka ri baroh kawei, naba ngan ai ïa ka baroh ha me.”

JENESIS 23:4

“Nga long u nongwei uba im hapdeng jong phi; die ïa nga khyndiat ka jaka ba ngan ïoh ban tep ïa la ka tnga.”

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 28:4

To un kyrkhu ïa me bad ïa ki khun ki ksiew jong me kumba u la kyrkhu ïa u Abraham, bad ai ba men shim kynti ïa kane ka ri ha kaba me la shong la sah bad ïa kaba U Blei u la ai ha u Abraham!”

JENESIS 35:27

U Jakob u la leit sha u Isaak u kpa jong u ha Mamre, hajan Hebron, ha kaba u Abraham bad u Isaak ki la ju shong ju sah.

JENESIS 36:7

U la mihnoh kumta namar ba kata ka ri ha kaba ma u bad u Jakob ki shong kam lah shuh ban kyrshan ïa ki; ki jingri jong ki, ki la bun palat, bad kumta kim lah shuh ban ïashong ïasah ryngkat.

JENESIS 37:1

U Jakob u ïaishong ïaisah ha ka ri Kanaan, ha kaba u kpa jong u, u la shong la sah,

JENESIS 48:4

U la ong ha nga, ‘Ngan ai ha me bun ki khun ki ksiew ba kumta ki nongmih pateng jong me kin sa long ki jaitbynriew kiba bun. Ngan ai ïa kane ka ri ha ki khun ki ksiew jong me ba kan long ka ri kynti jong ki junom.’ ”

2 SAMUEL 23:5

Bad kata ka long kumno ba U Blei un kyrkhu ïa ki khun ki ksiew jong nga namar u la pynlong bad nga ka jutang ka ban neh junom, ka jingïateh kular ka ban ym lah pynkheiñ ka jingkular ka ban ym kylla. Kata baroh ka dei kaba nga angnud; kata kan long ka jingjop jong nga, bad U Blei da kaba thikna un pynurlong ïa ka.

1 KHRONIKL 16:18

“Ngan ai ha phi ïa ka ri Kanaan,” u ong. “Kan long ka jingïohkynti jong phi hi.”

SALM 103:17

Hynrei ïa kito kiba pyndonburom ïa U Trai, ka jingieit jong u ka neh junom, bad ka jingbha jong u ka ïaisah pateng la pateng

SALM 105:11

“Ngan ai ha phi ïa ka ri Kanaan,” u ong. “Kan long ka jingïohkynti jong phi hi.”

SALM 105:9

Un bat ïa ka jingïakut ba u la pynlong bad u Abraham bad ïa ka kular bad u Isaak.

EKSODOS 13:11

“U Trai un wallam ïa phi sha ka ri ki Kanaan ïa kaba u la kular skhem ha phi bad ha ki kpa tymmen jong phi.

EKSODOS 21:6

te u kynrad jong u un ïalam ïa u sha ka jaka mane Blei. Hangta un pynïeng ïa u ha ka jingkhang ne ha ka shawkad bad un sam shkor ïa u. Te un sa long u mraw jong u shi rta.

EKSODOS 29:45

Te ngan shongduh hapdeng ki Israel bad ngan long U Blei jong ki.

EKSODOS 32:13

Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

EKSODOS 40:15

Nangta, pynsleh ïa ki kumba me leh ïa u kpa jong ki, ba ki lah ban shakri ïa nga kum ki lyngdoh. Da kane ka jingpynsleh, kin ïailong ki lyngdoh shi rta.”

EKSODOS 6:4

Nga la pynlong ruh ka jutang bad ki, da kaba kular ban ai ha ki ïa ka ri Kanaan, ka ri ha kaba ki la shong la sah kum ki sohshnong.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

JEREMAÏAH 25:5

Ki la ïa-ong ïa phi ban phai noh na ka lynti ka jingim bymman jong phi bad na kiei kiei kiba sniew ba phi leh, khnang ba phi lah ban leit ban ïoh shong ha kata ka ri ba U Trai u la ai ha phi bad ha ki kpa tymmen jong phi kum ka jingïohkynti baneh.

JEREMAÏAH 31:1

U Trai u ong, “Ka por kan wan haba ngan long U Blei jong ki jait Israel baroh, bad kin long ki briew jong nga.

ESEKIEL 11:20

Te kin sumar ïa ki aiñ jong nga bad kin kohnguh hok ïa ki hukum jong nga. Kin long ki briew jong nga bad ngan long U Blei jong ki.

ESEKIEL 33:24

“Ko khun u briew,” u la ong “Ki briew kiba shong ha ki nongbah ba la pynjot jong ka ri Israel ki ong: ‘U Abraham u long tang uwei u briew, bad u la ïoh ïa ka ri baroh kawei. Ngi ïadon bun ngut, kumta mynta ka ri ka dei ka jong ngi.’

LEBITIKOS 14:34

ïa kine ki jingbuhbeit ryntih kiba ïadei bad ki ïing kiba bit bthuh. (Kine kin treikam hadien ba ki Israel ki la rung sha ri Kanaan, ha kaba U Trai un ai ha ki kum ka jingïohkynti.) Lada uno uno u shem ba U Trai u phah ïa ka jingpang bthuh ha ka ïing jong u, te u dei ban leit ïathuh ha u lyngdoh shaphang kata.

LEBITIKOS 16:34

Kine ki long ki jingbuhbeit ryntih kiba dei ban rakhe pateng la pateng. Ïa kane ka rukom lehniam dei ban leh shisien shisnem ban pynkhuid ïa ki Israel na ki pop jong ki. Kumta u Moses u leh, kumba U Trai u la hukum ïa u.

LEBITIKOS 26:12

Ngan long ryngkat bad phi; ngan long U Blei jong phi, bad phin long ki briew jong nga.

SEKHARAÏAH 8:8

bad ngan wallam pat ïa ki na mihngi bad na sepngi ban shong ban sah ha Jerusalem. Kin long ki briew jong nga, bad ngan long U Blei jong ki, da kaba synshar ha ka jingïaineh bad ha ka jinglehhok.

JINGKHEIÑ 10:29

U Moses u ong ha u kynum jong u, u Hobab u khun jong u Jethro, u nong Midian, “Ngi te ngi la khreh ban mihnoh sha kata ka jaka ïa kaba U Trai u la ong ban ai ha ngi. U la kular ban pynmanbha ïa ki Israel, te kumta ale wan bad ngi, bad ngin ïabynta lem ïa ka jingmanbha jong ngi lem bad phi.”

JINGKHEIÑ 25:13

Ma u bad ki khun ki ksiew jong u kin bat ïa ka kam lyngdoh junom, namar ba um shym la shah ïa kiba ïakob bor bad nga bad ba u la wallam ka jingïohmap na ka bynta ka pop jong ki briew.”

JINGKHEIÑ 27:12

U Trai u ong ha u Moses, “Leit kiew sha u Lum Abarim bad khmih ïa kata ka ri kaba nga ai ha ki Israel.

KI KAM 7:5

U Blei, mynkata, um shym la ai ha u Abraham ïa kano kano ka bynta jong ka kum ka jong u hi, ym wat shi mitar sawdong jong ka khyndew, hynrei U Blei u la kular ban ai ïa ka ha u, bad ba kan long ka jong u bad ka jong ki khun ki ksiew jong u. Ha ka por ba U Blei u la pynlong ïa kane ka jingkular, u Abraham um pat don khun.

DEUTERONOMI 14:2

Phi long ki jong U Trai U Blei jong phi; u la jied ïa phi napdeng ki jaitbynriew baroh ha ka pyrthei ban long ki briew jong u.

DEUTERONOMI 26:18

Mynta ka sngi U Trai u la pdiang ïa phi kum la ki jong ki briew, kumba u la kular ïa phi; bad u hukum ïa phi ban kohnguh ïa ki aiñ jong u baroh.

DEUTERONOMI 29:13

khnang ba U Trai un pynskhem ïa phi mynta kum ki briew jong u bad ba un long U Blei jong phi, kumba u la kular ïa phi bad ïa ki kpa tymmen jong phi, u Abraham, u Isaak, bad u Jakob.

DEUTERONOMI 32:49

“Khie leit sha ki Lum Abarim kiba ha ka ri Moab marpyrshah ïa ka shnong Jerikho; kiew ïa u Lum Nebo bad khmih ïa ka ri Kanaan ïa kaba ngan ai ha ki paid Israel.

DEUTERONOMI 32:8

U Bahakhlieh Tam Eh u la bynta jaka ïa ki jaitbynriew; u la buh hangno ki briew kin shong. U la ai uwei u blei ïa kawei kawei ka jaitbynriew,

DEUTERONOMI 34:4

Nangta U Trai u ong ha u Moses, “Kane ka long kata ka ri ba nga la kular ïa u Abraham, u Isaak, bad u Jakob ban ai ha ki khun ki ksiew jong ki. Nga la shah ïa me ban ïohi ïa ka, hynrei ngan ym shah ba men leit shata.”

DEUTERONOMI 4:37

Namar ka jingieit ïa ki kpa tymmen jong phi, u la jied ïa phi, bad da ka borbah jong u, u hi da lade u la wan ïalam ïa phi na Ijipt.

DEUTERONOMI 9:5

Ym dei namar ka hok jong phi ne ka jinglong beit ha ka dohnud ba phin ïohkynti ïa ka ri jong ki, hynrei ka long namar ka jingbymman jong kita ki jaitbynriew ba U Trai U Blei jong phi u la beh krad ïa ki na khmat jong phi; ba un pynskhem ïa la ka kular ba u la ai ha ki kpa tymmen jong phi, u Abraham, u Isaak, bad u Jakob.

HEBRU 9:15

Namar kane ka daw, U Khrist u long uta uba buh ryntih ïa ka jutang kaba thymmai, khnang ba kito ïa kiba la khot da U Blei ki lah ban ïohpdiang ïa ki jingkyrkhu bymjukut kiba U Blei u la kular. Ïa kane lah ban leh namar ka don ka jingïap kaba pyllaitluid ïa ki briew na ki jingbakla kaba ki la leh katba ka jutang kaba nyngkong ka dang treikam.

JOSHUA 1:2

U ong, “U shakri jong nga, u Moses u la ïap. Khreh mynta, ma me bad ki paid Israel baroh, bad jam ïa ka wah Jordan sha ka ri kaba nga ai ha ki.

JINGPYNPAW 21:7

Uno uno uba ïoh ïa ka jingjop un ïohpdiang ïa kane na nga: Ngan long U Blei jong u, bad un long u khun jong nga.