JENESIS 17:7 - Khasi CL Bible (BSI)

⁷ “Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

KA BAIBL

⁷ Bad ngan pynskhem ïa la ka jutang hapdeng jong nga bad me bad u symbai jong me hadien jong me ruh, ha ki pateng la pateng bynriew jong ki, ban long ka jutang ka baïaineh junom, ban long U Blei ïa me, bad ïa u symbai jong me hadien jong me.

JENESIS 17:7 ပူးပေါင်းရင်းမြစ်များ

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 17:13

Ïa uwei pa uwei dei ban otsher, bad kane kan long ka dak kaba paw shabar ban pyn-i ba ka jutang jong nga bad me ka long kaba ïaineh junom.

JENESIS 17:19

U Blei u ong, “Em. Ka Sarah, ka tnga jong me kan sa kha khun shynrang ïa me, bad men khot kyrteng ïa u, u Isaak. Ngan bat ïa ka jutang jong nga bad ha ki khun ki ksiew jong u. Ka dei ka jutang baïaineh junom.

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 6:18

Hynrei ngan pynlong ka jutang bad me. Khie rung shapoh kata ka lieng bad la ka tnga jong me, ki khun shynrang jong me lem bad ki tnga jong ki.

JENESIS 9:16

Haba u simpyllieng u paw ha ki lyoh, ngan khmih ïa u, bad ngan kynmaw ïa ka jutang baïaineh junom hapdeng jong nga bad ki jingthaw ba-im baroh ha ka pyrthei.

2 SAMUEL 7:24

Me la pynlong ïa ki Israel, ki briew jong me hi junom, bad me, A Trai, me la long U Blei jong ki.

1 KHRONIKL 16:14

U Trai u long U Blei jong ngi; ki hukum jong u ki long na ka bynta ka pyrthei baroh.

SALM 81:10

Nga long U Trai U Blei jong phi, uba la wallam ïa phi na ka ri Ijipt. To ang ïa la ka shyntur, bad ngan pynkdang ïa phi.

EKSODOS 3:15

Ong ïa ki Israel ba ma nga, U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la phah ïa me sha ki. Kane ka long ka kyrteng jong nga junom la junom; kumne ruh ki pateng bynriew ki ban dang wan ki dei ban khot ïa nga.

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

EKSODOS 6:4

Nga la pynlong ruh ka jutang bad ki, da kaba kular ban ai ha ki ïa ka ri Kanaan, ka ri ha kaba ki la shong la sah kum ki sohshnong.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

ISAÏAH 61:8

U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

JEREMAÏAH 31:1

U Trai u ong, “Ka por kan wan haba ngan long U Blei jong ki jait Israel baroh, bad kin long ki briew jong nga.

ESEKIEL 28:26

Kin im hangta ha ka jingshongshngain. Kin tei ïa ki ïing bad kin pynlong ïa ki bri sohwaiñ. Ngan pynshitom ïa ki paramarjan jong ki baroh kiba la ñiew ïa ki da ka jingibeiñ, bad ki Israel kin shong skhem. Te kin tip ba nga long U Trai U Blei jong ki.”

LEBITIKOS 11:45

Nga long U Trai uba la ïalam noh ïa phi na Ijipt khnang ba ngan long U Blei jong phi. Phi dei ban long kiba khuid, namar nga long uba khuid.”

LEBITIKOS 25:38

Kane ka long ka hukum jong U Trai U Blei jong phi, uba la ïalam ïa phi na ka ri Ijipt ban ai ha phi ïa ka ri Kanaan bad ban long U Blei jong phi.

LEBITIKOS 26:12

Ngan long ryngkat bad phi; ngan long U Blei jong phi, bad phin long ki briew jong nga.

LEBITIKOS 26:44

Hynrei la katta ruh, katba ki dang don ha ka ri ki nongshun jong ki, ngan ym iehnoh syndon lane pynjot ïa ki. Da kumta ngan ym pyndkut noh ïa ka jutang jong nga bad ki, naba nga long U Trai U Blei jong ki.

LEBITIKOS 26:45

Ngan pynthymmai ïa ka jutang ba nga la pynlong bad ki kpa tymmen jong ki mynba nga la pynpaw ïa la ka bor ha ki jaitbynriew baroh da kaba ïalam noh ïa la ki briew na ka ri Ijipt, khnang ba ma nga, U Trai, nga lah ban long U Blei jong ki. Nga long U Trai.”

LEBITIKOS 26:9

Ngan kyrkhu ïa phi bad ngan ai ha phi shibun ki khun; ngan pynskhem ïa ka bynta ka jutang jong nga kaba nga la pynlong bad phi.

MIKAH 7:20

Men pyn-i ïa ka jingïaineh jong me bad ka jingieit baneh ha la ki briew, ki khun ki ksiew jong u Abraham bad jong u Jakob, kumba me la kular ïa ki kpa tymmen jong ngi la slem bah.

MATHAÏOS 22:32

‘Nga long U Blei jong u Abraham, U Blei jong u Isaak, bad U Blei jong u Jakob.’ U long U Blei jong kiba im bad ym jong kiba ïap.”

MARKOS 10:14

Haba U Jisu u la ïohi ïa kane, u la sngewbitar bad u la ong ïa ki synran jong u, “Shah ïa ki khynnah ban wan ha nga, bad wat khang ïa ki, namar ka Hima U Blei ka long na ka bynta kum kine.

KI KAM 2:39

Naba ïa ka jingkular jong U Blei la pynlong ha phi bad ha ki khun jong phi, bad ha baroh kiba sha jngai — baroh kiba U Trai U Blei jong ngi u khot sha lade.”

Ka Shithi U Paul Sha Ki Nong Rom 9:4

Ki long ki briew jong U Blei; u la pynlong ki khun jong u ïa ki bad u la pynpaw ïa ka burom jong u ha ki; u la pynlong ki jutang bad ki bad u la ai ïa ki ka Hukum; ki don ka jingmane bashisha; ki la ïoh ïa ki jingkular U Blei;

EPHESOS 2:2

Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

DEUTERONOMI 29:13

khnang ba U Trai un pynskhem ïa phi mynta kum ki briew jong u bad ba un long U Blei jong phi, kumba u la kular ïa phi bad ïa ki kpa tymmen jong phi, u Abraham, u Isaak, bad u Jakob.

HEBRU 11:16

Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

HEBRU 8:10

Mynta, kane ka long ka jutang ïa kaba ngan pynlong bad ki paid Israel ha ki sngi ki ban wan, ong U Trai: Ngan buh ïa ki hukum jong nga ha ki jingmut jong ki, bad ngan thoh ïa ki ha ki dohnud jong ki; ngan long U Blei jong ki, bad ki kin long u paidlang jong nga.

NONGBISHAR 2:1

U angel jong U Trai u leit na Gilgal sha Bokhim bad u ong ha ki Israel, “Nga la shim ïa phi na Ijipt bad wallam ïa phi sha ka ri kaba nga la kular ha ki kpa tymmen jong phi. Nga la ong, ‘Ngan ym pynkheiñ lano lano ïa ka jutang jong nga bad phi.