JENESIS 17:19 - Khasi CL Bible (BSI)

¹⁹ U Blei u ong, “Em. Ka Sarah, ka tnga jong me kan sa kha khun shynrang ïa me, bad men khot kyrteng ïa u, u Isaak. Ngan bat ïa ka jutang jong nga bad ha ki khun ki ksiew jong u. Ka dei ka jutang baïaineh junom.

KA BAIBL

¹⁹ Bad U Blei u la ong, “Shisha keiñ ka Sara ka tnga jong me kan kha ïa u khun ïa me; bad men khot kyrteng ‘u Isaak’ ïa u: bad nga ngan pynskhem ïa ka jutang jong nga bad u, ïa ka ban long ka jutang ka baïaineh junom, bad u symbai jong u hadien jong u.

JENESIS 17:19 ပူးပေါင်းရင်းမြစ်များ

JENESIS 16:11

Phan sa ïoh khun shynrang, bad phan khot kyrteng ïa u, u Ishmael, namar U Trai u la ïohsngew ïa ka jingud sngew jynjar jong pha.

JENESIS 17:16

Ngan kyrkhu ïa ka, bad ngan ai khun shynrang ïa me na ka. Ngan kyrkhu ïa ka, bad kan long ka kmie jong ki jaitbynriew; bad yn don ruh napdeng ki khun ki ksiew ki ban long ki syiem.”

JENESIS 17:18

U ong ha U Blei, “Balei ym ai ïa u Ishmael ba un long u nongïoh pateng jong nga?”

JENESIS 17:21

Hynrei ngan bat ïa la ka jutang bad u khun jong me u Isaak, ïa uba ka Sarah kan sa kha ha me kum ha kane ka aïom ha ka snem ka ban wan.”

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

JENESIS 21:6

Ka Sarah ka ong, “U Blei u la wanrah ka jingkmen bad ka jingrkhie ïa nga. Kat kiba ïohsngew ïa kane kin ïa-rkhie bad nga.”

JENESIS 26:2

U Trai u la mihpaw ha u Isaak bad u ong, “Wat leit sha ri Ijipt; sah ha kane ka ri ha kaba nga la ong ha me ban sah.

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

JENESIS 9:16

Haba u simpyllieng u paw ha ki lyoh, ngan khmih ïa u, bad ngan kynmaw ïa ka jutang baïaineh junom hapdeng jong nga bad ki jingthaw ba-im baroh ha ka pyrthei.

LOUKAS 1:55

U la kynmaw ban pyn-i jingisynei ha u Abraham bad ha baroh ki khun ki ksiew jong u junom!”

HEBRU 11:11

Dei ka jingngeit kaba la pynlong ïa u Abraham ban ïoh long u kpa, wat haba u la tymmen bha bad ka Sarah hi kam lah ban ïoh khun. U la shaniah ba U Blei un bat ïa la ka kular.