JENESIS 17:17 - Khasi CL Bible (BSI)

¹⁷ U Abraham u dem ngon ha khyndew, hynrei u la sdang ban rkhie haba u pyrkhat, “Hato u briew u lah mo ban ïoh khun haba u la don shispah snem ka rta? Hato ka Sarah ka lah mo ban ïoh khun haba ka la don khyndaiphew snem ka rta?”

KA BAIBL

¹⁷ Ynda kumta, u Abraham u la nguh ngon haduh khyndew, bad u la rkhie, bad u la ong ha la ka dohnud, “Shisha yn sa kha ïa u khun ïa u briew uba la shispah snem ka rta? bad ka Sara shisha kan ïoh kha khun, haba ka long kaba khyndaiphew snem ka rta?”

JENESIS 17:17 ပူးပေါင်းရင်းမြစ်များ

JENESIS 17:18

U ong ha U Blei, “Balei ym ai ïa u Ishmael ba un long u nongïoh pateng jong nga?”

JENESIS 17:3

U Abram u dem ngon haduh khyndew; bad U Blei u ong,

JENESIS 18:11

U Abraham bad ka Sarah ki la tymmen bha, bad ka Sarah ruh ka la palat ïa ka por ban dang ïoh khun.

JENESIS 18:12

Kumta ka Sarah ka rkhie sammut marwei, bad ka ong, “Mynta ba nga la tymmen bad ngam donbor shuh, ngan dang lah mo ban ïoh ïa ka jingsngewbha? Nalor kata, u tnga jong nga ruh u la tymmen.”

JENESIS 21:5

U Abraham u la dap shispah snem ka rta mynba la kha ïa u Isaak.

JENESIS 21:6

Ka Sarah ka ong, “U Blei u la wanrah ka jingkmen bad ka jingrkhie ïa nga. Kat kiba ïohsngew ïa kane kin ïa-rkhie bad nga.”

JENESIS 21:7

Nangta ka bynrap, “Uei u ban leit ong ha u Abraham ba ka Sarah kan ïoh sumar khun? Pynban nga la kha khun shynrang ïa u haba u la tymmen.”

1 KHRONIKL 21:16

Haba u Dabid u ïohi ïa u angel uba ïeng ha shiteng suiñ, u da bat ïa la ka waitlam ha la ka kti, uba la pynkhreh ban pynjot thiaw ïa ka Jerusalem. Nangta u Dabid bad ki nongïalam jong ki paidbah — baroh na ki, kiba la phong ki jaiñ khain — ki dem pynrit, bad la ki khlieh kiba kynduh ha madan.

Ka Kitab U Job 1:20

Te u Job u ïeng joit bad u kad ïa la ki jaiñ ha ka jingsngewsih. U khi ïa la ka khlieh bad u bret ïa lade da pyllup ha ka khyndew.

ESEKIEL 1:28

Ka shai baroh sawdong da ka jingshai kaba phyrnai kaba don lut ha ka baroh ki rong jong u simpyllieng. Kane ka long ka jingshai kaba thaba kaba pynpaw ïa ka jingdon ryngkat U Trai. Haba nga la ïohi ïa kane, nga kyllon kram da pyllup ha ka khyndew.

DANIEL 8:17

U Gabriel u la wan bad u la ïeng hajan jong nga, bad nga la sheptieng katta katta ba nga kyllon ha khyndew. U la ong ha nga, “Ko khun u briew, to shemphang ïa ka jingmut. Ka jingïohipaw ka ïadei bad ka jingkut jong ka pyrthei.”

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

JINGKHEIÑ 14:5

Nangta u Moses bad u Aaron ki la dem ngon ha madan ha khmat uta u paidbah baroh.

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

JINGKHEIÑ 16:45

“Ïeng sharud na kine ki briew, bad ngan pynjot thiaw ïa ki hangto hi.” Baroh ar ngut ki la dem khrup ha khyndew,

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

LOUKAS 1:18

U Sekharaïah u la ong ha u angel, “Da kumno ngan tip lada kane ka long kumta? Nga long u briew batymmen, bad ka tnga jong nga ruh ka la tymmen.”

ÏOANNIS 8:56

U Abraham uba long u kpa jong phi u la shadkmen ba u la ïohi ïa ka por jong ka jingwan jong nga; u la ïohi ïa ka bad u la kmen.”

DEUTERONOMI 9:18

Nangta sa shisien pat nga dem khrup ha khmat U Trai sawphew sngi bad sawphew miet, bad ngam shym la bam ne dih ei ei, namar ba phi la leh pop pyrshah ïa U Trai bad phi la pynbitar ïa u.

DEUTERONOMI 9:25

“Kumta nga la dem khrup ha khmat U Trai ha kita ki sawphew sngi bad sawphew miet, namar ba u la ong ba un pynjot ïa phi.

JOSHUA 5:14

“Ngam dei uno uno,” uta u briew u jubab. “Nga don hangne kum u rangbah ai hukum jong ka kynhun ïapom U Trai.” U Joshua u dem mane ngon ha khyndew bad u ong, “Bah, nga long u shakri jong phi. Aïu phi kwah ïa nga ban leh?”

JOSHUA 7:6

U Joshua bad ki nongïalam jong ki Israel ki la kad ïa la ki jaiñ da ka jingsngewdiaw, bad ki dem khrup ha khyndew ha khmat ka Synduk ka Jutang U Trai bad dem hangta haduh janmiet lem bad u pui pui halor ki khlieh jong ki ban pyn-i ïa ka jingsngewsih jong ki.

JINGPYNPAW 11:16

Nangta ki arphew saw ngut ki nongsharai balang kiba shong ha ki khet jong ki ha khmat U Blei ki la dem ngon ïa lade bad ki la mane ïa U Blei, da kaba ong: “Ko Trai U Blei Badonbor Baroh, uta uba long bad uba la ju long! Ngi ainguh ïa me ba me la shimti ïa ka bor bakhraw jong me bad me la sdang ban synshar!

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.

NONGBISHAR 13:20

Katba ki thylliej ding ki dang kiew shajrong na ka duwan, u Manoah bad ka tnga jong u ki ïohi ïa u angel U Trai ba u kiew sha bneng ha ki thylliej ding. U Manoah hangta u sngewthuh ba uta u briew u dei u angel jong U Trai, bad ma u lem bad ka tnga jong u ki dem khrup ha khyndew. Kim shym ïohi shuh ïa u angel.