JENESIS 17:16 - Khasi CL Bible (BSI)

¹⁶ Ngan kyrkhu ïa ka, bad ngan ai khun shynrang ïa me na ka. Ngan kyrkhu ïa ka, bad kan long ka kmie jong ki jaitbynriew; bad yn don ruh napdeng ki khun ki ksiew ki ban long ki syiem.”

KA BAIBL

¹⁶ Ngan kyrkhu ïa ka ruh, bad ngan ai ha me ïa u khun ruh na ka: ho-oid keiñ ngan kyrkhu ïa ka, ba kan man long ka kmie ki jaid bynriew; bad ki syiem ki paidlang bynriew kin mih na ka.”

JENESIS 17:16 ပူးပေါင်းရင်းမြစ်များ

JENESIS 1:28

U la thaw ïa ki, shynrang bad kynthei, u la kyrkhu ïa ki, bad u la ong, “To phin ïoh bun ki khun ki kti, ba ki nonghiarpateng jong phi kin shong kin sah ha kylleng ka pyrthei bad wallam ïa ka hapoh ka jingsynshar jong ki. Nga buh ïa phi ban khmih ïa ki dohkha, ki sim, bad ïa baroh ki mradkhlaw.

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 15:4

Nangta u ïohsngew ïa U Trai ba u kren biang ha u, “Une u Eliesar uba long u mraw un ym ïohpateng ïa ka spah ka phew jong me; u khun jong me hi un long u nongïoh pateng jong me.”

JENESIS 17:15

U Blei u ong ha u Abraham, “Men ym khot shuh ïa ka tnga jong me — ka Sarai; naduh mynta ka kyrteng jong ka kan long noh — ka Sarah.

JENESIS 17:19

U Blei u ong, “Em. Ka Sarah, ka tnga jong me kan sa kha khun shynrang ïa me, bad men khot kyrteng ïa u, u Isaak. Ngan bat ïa ka jutang jong nga bad ha ki khun ki ksiew jong u. Ka dei ka jutang baïaineh junom.

JENESIS 17:6

Ngan ai ha me bun ki khun ki ksiew, bad katto katne na ki, kin long ki syiem. Men ïoh shibun ki khun ki ksiew kiba yn sa long ki jaitbynriew.

JENESIS 21:1

U Trai u la kyrkhu ïa ka Sarah kumba u la kular, bad ka la punkhun bad kha khun shynrang ïa u Abraham haba u la tymmen.

JENESIS 24:60

Bad ki la kyrkhu kyrdoh ïa ka Rebekka da kine ki kyntien: “To phi, ka para, phin long ka kmie u paidbah byllien! To ki khun ki ksiew jong phi kin da jop thiaw ïa ki nongbah jong ki nongshun jong ki!”

JENESIS 25:23

U Trai u ong ha ka, “Ar tylli ki jaitbynriew ki don hapoh jong pha; Phan sa kha ar jait ki briew kiba ïaleh pyrshah para ma ki. Kawei kan kham khlaiñ ban ïa kawei pat, Kaba ha shuwa kan shakri ïa kaba hadien.”

JENESIS 35:11

Bad U Blei u ong ha u, “Nga long U Blei Badonbor Baroh. To nang ïoh bun ki khun ki kti. Ki jaitbynriew kin hiarpateng na me, bad men long u kpa tymmen jong ki syiem.

JENESIS 36:31

Shuwa ban don syiem ha Israel, kine harum ki long ki syiem kiba la synshar ha Edom uwei hadien uwei: U Bela u khun jong u Beor na Dinhabah U Jabab u khun jong u Serah na Bosrah U Husham na ka thain Teman U Hadad u khun jong u Bedad na Abith, (u la jop ïa ki Midian ha ka thma ha ka ri Moab) U Samla na Masrekah U Shaul na Rehoboth-halor-ka-Wah U Baal Hanan u khun jong u Akhbor U Hadad na Pau (ka tnga jong u ka dei ka Mehetabel, ka khun jong u Matred bad ka khun ksiew jong u Mesahab)

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

Ka Shithi U Paul Sha Ki Nong Rom 9:9

Naba ïa ka jingkular U Blei la pynlong ha kine ki ktien: “Ha ka por kaba dei ngan wan pat, bad ka Sarah kan ïoh khun shynrang.”

GALATIA 4:23

Ïa u khun jong u, uba na ka kynthei mraw la kha katba kum ka rukom briew; hynrei ïa u khun jong u na ka kynthei kaba laitluid la kha ha ka jingkular U Blei.

1 PETROS 3:6

Ka Sarah ka la long kumta; ka la kohnguh ïa u Abraham bad ka khot ïa u, u kynrad jong ka. Phi long ki khun kynthei jong ka mynta lada phi leh ïa kaba dei bad phim sheptieng ïa kano kano.