JENESIS 17:10 - Khasi CL Bible (BSI)

¹⁰ Ma me bad ki khun ki ksiew jong me ki dei ban mynjur ban otsher ïa uwei pa uwei u khunlung hapdeng jong phi.

KA BAIBL

¹⁰ Kane ka long ka jutang jong nga ïa kaba phin rakhe, hapdeng jong nga bad phi bad u symbai jong me hadien jong me, kaba long: Ban otsher ïa u shynrang baroh hapdeng jong phi.

JENESIS 17:10 ပူးပေါင်းရင်းမြစ်များ

JENESIS 17:11

Naduh mynta me dei ban otsher ïa u khunlung baroh haba u la dap phra sngi, kynthup ruh ïa ki mraw kiba la kha ha ki longïing longsem jong me bad ïa ki mraw kiba me la thied na ki nongwei. Kane kan pyn-i ba ka don ka jutang hapdeng jong nga bad me.

JENESIS 17:23

Ha kata hi ka sngi, u Abraham u la kohnguh ïa U Blei bad u la otsher ïa u Ishmael u khun jong u, bad ïa kiwei pat ki shynrang baroh na ka longïing longsem jong u, kynthup ruh ïa ki mraw baroh kiba la kha ha longïing longsem jong u bad kito kiba u la lah thied.

JENESIS 17:27

ryngkat bad ki mraw baroh jong u Abraham.

JENESIS 21:4

bad haba u Isaak u la dap phra sngi ka rta, u Abraham u la otsher ïa u kumba U Blei u la hukum.

JENESIS 34:15

Ngin mynjur tang ha kane: ba phin long kum ma ngi da kaba ki shynrang jong phi baroh kin shah otsher.

JENESIS 34:22

Hynrei kine ki briew ki kohnguh ban shong ban sah hapdeng jong ngi tang ha ka kyndon ba ngin otsher ïa ki shynrang jong ngi baroh, kumba ki ruh ki la shah otsher.

EKSODOS 12:48

Lada u nongwei uba shong basah bad phi u kwah ban rakhe ïa ka Jingkhawai Niam Ka Jinglait ban pyndonburom ïa U Trai, nyngkong eh phi dei ban otsher shuwa ïa ki shynrang baroh na ka ïing jong u. Hadien kata, lah ban kheiñ ïa u kum u traishnong, bad nangta u lah ban ïashim bynta ha ka Jingkhawai Niam.

EKSODOS 4:25

Te ka Sipporah ka tnga jong u, ka la shim ïa u maw uba nep, ka otsher ïa u khun jong ka, nangta ka pyndei tiak da ka doh otsher ïa ki kjat u Moses. Namar ka jinglehniam ka jingotsher ka la ong ha u Moses, “Me long u tnga da ka snam ïa nga.” Kumta U Trai u la pynsah ïa ka jingim u Moses.

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

ÏOANNIS 7:22

U Moses u la hukum ïa phi ban otsher ïa ki khun shynrang jong phi (wat la um shym dei u Moses hynrei ki kpa tymmen jong phi kiba la sdang ïa ka), bad kumta phi otsher ïa u khynnah ha ka sngi Sabbaton.

KI KAM 7:8

Nangta U Blei u la ai ha u Abraham ïa ka jinglehniam ka jingotsher kum ka dak jong ka jutang. Kumta u Abraham u la otsher ïa u Isaak hadien shi taïew naduh ba la kha ïa u; u Isaak u la otsher ïa u Jakob u khun jong u bad u Jakob u la otsher ïa ki khat-ar ngut ki khun shynrang jong u, ki kpa tymmen kiba pawnam jong ka jaitbynriew jong ngi.

Ka Shithi U Paul Sha Ki Nong Rom 2:28

Haba kumta, uei uba dei u Jiw bashisha, ba la otsher shisha? Ym dei uta u briew uba dei u Jiw ha kaba shabar, uba ka jingotsher ka long ha ka doh.

Ka Shithi U Paul Sha Ki Nong Rom 3:25

U Blei u la ai ïa u, khnang ba da ka jingïap kum ka jingkñia, un long ka lad jong ka jingmap ïa ki pop jong ki briew lyngba ka jingngeit jong ki ha u. U Blei u la leh ïa kane khnang ban pyn-i ba u long uba hok. Mynshuwa, u la ïaishah bad u la peit lyndet ïa ki pop jong ki briew; hynrei ha ka por mynta u pynbeit ïa ki pop jong ki, khnang ban pyn-i ïa ka jinglonghok jong u. Ha kane ka rukom U Blei u pyn-i ba ma u hi u long uba hok bad ba u pynlong hok ïa baroh kiba ngeit ha U Jisu.

Ka Shithi U Paul Sha Ki Nong Rom 3:28

Naba ngi pynkut ba u briew u don ka jinglonghok bad U Blei tang lyngba ka jingngeit, bad ym da kaba leh ïa kaei kaba ka Hukum ka dawa.

Ka Shithi U Paul Sha Ki Nong Rom 3:30

U Blei u long tang uwei, bad un pynlong ha lade hi ka hok bad ki Jiw halor ka nongrim jong ka jingngeit jong ki, bad un pynlong ka hok bad ki Jentil lyngba ka jingngeit jong ki.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

GALATIA 6:12

Ki briew kiba pyrshang ban pynbor ïa phi ban otsher ki dei kito kiba kwah ban pynpaw bad kob ïa ki kam kiba paw shabar. Ki leh ïa ka, la kumno kumno, tang ban lait na ka jingshah pynshitom beiñ na ka bynta ka diengphna U Khrist.

EPHESOS 2:11

Phi ïa kiba la kha kum ki Jentil — ïa kiba la khot “ki bymotsher” da ki Jiw, kiba ïa lade pat ki khot “kiba la otsher” (kaba thew ïa kaei kaba ki briew ki leh ha ki met jong ki) — to kynmaw ïa kaei kaba phi la long mynshuwa.

DEUTERONOMI 10:16

Kumta, naduh mynta, kohnguh ïa U Trai, bad wat long shuh kiba mutlop.

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

JOSHUA 5:2

Nangta U Trai u ong ha u Joshua, “Shna katto katne ki tari na u mawshamok bad otsher ïa ki Israel.”

JOSHUA 5:4

Mynba ki Israel ki la mihnoh na Ijipt, la dep otsher ïa ki shynrang baroh. Hynrei ha ki sawphew snem ba u paidbah u ïaid lyngba ïa ka ri shyiap, ym shym la otsher satia ïa uno uno u khunlung shynrang. Kumjuh ruh, ha kaba kut jong kata ka por ki rangbah baroh kiba la kynjoh ka rta ïaleh mynba ki la mihnoh na Ijipt ki la ïap namar ba kim shym kohnguh ïa U Trai. Kumba u la smai, ym shym la shah ïa ki ban ïohi ïa kata ka ri kaba tuid da ka dud bad ka ngap kaba u la kular ha ki kpa tymmen jong ki.