JENESIS 17:1 - Khasi CL Bible (BSI)

¹ Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

KA BAIBL

¹ Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

JENESIS 17:1 ပူးပေါင်းရင်းမြစ်များ

JENESIS 12:1

U Trai u ong ha u Abram, “Mihnoh na la ka ri, na la ki ba-ha-ïing ha-sem, bad na ka ïing u kpa jong me, bad leit sha ka ri kaba ngan sa pyn-i ha me.

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 16:16

U Abram u la don phraphew hynriew snem ha kata ka por.

JENESIS 18:1

U Trai u la mihpaw ha u Abraham harud ki dieng kyntang jong u Mamre. Katba u Abraham u dang shong ha ka jingkhang ka ïingjaiñ jong u ha ka por ba dang shit kyr-ang mynsngi, u la khmied bad u la ïohi lai ngut ki rangbah kiba ïeng hangta.

JENESIS 18:14

Hato don kaei kaei kaba eh ïa U Trai? Kumba nga la ong, ngan sa wan biang hadien khyndai bnai, bad ka Sarah kan sa ïoh khun shynrang.”

JENESIS 24:40

U la jubab, ‘U Trai, ïa uba nga la ju kohnguh, un phah ïa u angel jong u lem bad me bad ai ha me ka jingjop. Men pynïoh ïa u khun jong nga ka tnga na ki briew jong nga hi, bad na ki ba-ha-ïing ha-sem jong u kpa jong nga.

JENESIS 26:2

U Trai u la mihpaw ha u Isaak bad u ong, “Wat leit sha ri Ijipt; sah ha kane ka ri ha kaba nga la ong ha me ban sah.

JENESIS 28:3

To U Blei Badonbor Baroh un kyrkhu ïa ka shongkha shongman jong me bad un ai ïa me bun ki khun ki kti, ba men ïoh long u kpa jong kiba bun ki jaitbynriew.

JENESIS 35:11

Bad U Blei u ong ha u, “Nga long U Blei Badonbor Baroh. To nang ïoh bun ki khun ki kti. Ki jaitbynriew kin hiarpateng na me, bad men long u kpa tymmen jong ki syiem.

JENESIS 43:14

To U Blei Badonbor Baroh un pynlong ïa uta u briew ba un isynei ïa phi, khnang ba un pynphai sha phi ïa u hynmen u para jong phi, bad ïa u Benjamin de. Ïa nga shimet te, lada nga dei ban duh ïa la ki khun, ieh ngan mat duh ïa ki.”

JENESIS 46:3

“Nga long U Blei, U Blei jong u kpa jong me,” u ong. “Wat sheptieng ban leit hiar sha Ijipt; hangta ngan pynlong ïa ki khun ki ksiew jong me ka jaitbynriew kaba khraw.

JENESIS 48:15

Nangta u kyrkhu ïa u Joseph u da ong, “To U Blei uba ki kpa jong nga, U Abraham bad u Isaak, ki la shakri, Un kyrkhu ïa kine ki khun! To U Blei uba la ïalam ïa nga haduh kane ka sngi, un kyrkhu ïa ki!

JENESIS 48:3

U Jakob u ong ha u Joseph, “U Blei Badonbor Baroh u la wan mihpaw ha nga ha Lus ha ka ri Kanaan, bad u la kyrkhu ïa nga.

JENESIS 5:22

Hadien kata, u Enokh u la im ha ka jingïasyllok bad U Blei haduh laispah snem bad u la ïoh ruh kiwei pat ki khun.

JENESIS 5:24

U la pynlut la ka jingim ha kaba ïasyllok bad U Blei, bad hadien kata u la jah noh, namar U Blei u la shim noh ïa u.

JENESIS 6:9

Kane ka long ka khana shaphang u Noah. U Noah u don lai ngut ki khun shynrang, u Shem, u Ham, bad u Japheth. U Noah um don ka jingthohbria bad u la long tang ma u, u briew uba bha ha ki sngi jong u.

1 SYIEM 2:4

Lada me kohnguh ïa u, U Trai un bat ïa ka kular kaba u la pynlong haba u ong ïa me ba ki khun ki ksiew jong nga kin synshar ïa ka Israel katba ki dang phikir ban kohnguh hok ïa ki hukum da ka dohnud baroh bad ka mynsiem jong ki.

1 SYIEM 3:6

U Solomon u jubab, “Me la ju ïai pynpaw ka jingieit bakhraw ïa u Dabid, u kpa jong nga, u shakri jong me, bad u la long uba bha, uba ïaineh, bad uba hok ha ka jingïadei jong u bad me. Bad me la ïai bteng ban pyn-i ha u ïa ka jingieit bakhraw bad baneh skhem da kaba ai ha u ïa u khun uba mynta u synshar ha ka jaka jong u.

1 SYIEM 8:25

Bad mynta, A Trai U Blei ki Israel, nga kyrpad ba men bat ruh ïa la ka kular kaba me la pynlong bad u kpa jong nga mynba me ïathuh ha u ba yn don borabor uwei na ki khun ki ksiew jong u, u ban synshar kum u syiem ki Israel, tang lada ki kohnguh ïa me kumba me la leh.

2 SYIEM 20:3

“To kynmaw, A Trai, ba nga la shakri ïa me ha ka hok bad jingïaineh skhem, bad nga la pyrshang borabor ban leh ïa kaei kaba me kwah ïa nga ban leh.” Bad u sdang ban ïamkthang.

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

Ka Kitab U Job 11:7

Hato me lah ban shem ïa ki pud ki sam jong ka jingkhraw bad ka bor jong U Blei?

SALM 115:3

U Blei jong ngi u don ha bneng; u leh ïa kano kano kaba u mon.

SALM 116:9

Bad kumta nga la ïaid ha ka jingdon ryngkat jong U Trai ha ka pyrthei jong kiba im.

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

EKSODOS 6:3

Nga la mihpaw ha u Abraham, ha u Isaak, bad ha u Jakob, kum U Blei Badonbor Baroh, hynrei ngam shym la pynithuh ïa lade ha ki da ka kyrteng bakhuid jong nga, U Trai.

PROBERB 10:9

Ki briew kiba ïaid hok ki shongshngain bad sngewskhem, hynrei uta u bym lehhok un shah kem.

ISAÏAH 38:3

“To kynmaw, A Trai, ba nga la shakri hok bad ïaineh ha me, bad ba nga la pyrshang borabor ban leh ïa kaei kaba me kwah ïa nga ban leh,” bad u sdang ban ïamkthang.

JEREMAÏAH 32:17

“A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

JINGKHEIÑ 11:23

“Hato don u pud ïa ka bor jong nga?” U Trai u jubab. “Men sa ïohi shen la kata kaba nga la ong kan urlong ne em!”

JINGKHEIÑ 24:16

Uba lah ban ïohsngew aïu U Blei u ong, Bad uba ïohpdiang ïa ka jingtip kaba wan na U Bahakhlieh Tam Eh. Da ki khmat kiba peit nga ïohi ha ka jingïohi rngai Ka jingïohipaw na U Blei Badonbor Baroh.

MATHAÏOS 19:26

U Jisu u la peit shlip sha ki bad u la jubab, “Kane ka long ka bym lah ha u briew, hynrei ha U Blei kiei kiei baroh ki long kaba lah.”

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

LOUKAS 1:6

Baroh ar ngut ki im ka jingim kaba bha ha khmat U Blei bad ki la kohnguh lut ïa baroh ki aiñ bad ki hukum jong U Trai.

KI KAM 23:1

U Paul u la peit shlip sha ka Dorbar bad u la ong, “Ko ki para nong Israel jong nga! Ka jingïatiplem jong nga ka sngur shaphang ka rukom ha kaba nga la im ha khmat U Blei haduh kane ka sngi.”

KI KAM 24:16

Bad kumta nga ïaleh katba lah ban ïoh ka jingïatiplem kaba khuid kdar ha khmat jong U Blei bad ki briew.

EPHESOS 3:20

Ha uta uba da ka bor jong u kaba trei ha ngi u lah ban leh kham palat ban ïa kaba ngi pan, lane wat ïa kaba ngi pyrkhat;

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

DEUTERONOMI 18:13

Ïaineh skhem ha U Trai.”

DEUTERONOMI 30:20

To ieit ïa U Trai U Blei jong phi, kohnguh bad ïaineh ha u; te ma phi bad ki khun ki ksiew jong phi phin im slem ha kata ka ri ba u la kular ban ai ha ki kpa tymmen jong phi, u Abraham, u Isaak, bad u Jakob.”

PHILIPPI 4:13

Nga don ka bor ban mad ïa baroh ki jinglong da ka bor kaba U Khrist u ai ïa nga.

HEBRU 12:28

Te, to ngin long kiba sngewnguh, namar ngi ïohpdiang ïa ka hima ka bymlah pynkhih. To ngin long kiba sngewnguh bad mane ïa U Blei ha ka rukom ka ban pynsngewbha ïa u, da ka jingsngew burom bad ka jingtiengburom;

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.