JENESIS 16:3 - Khasi CL Bible (BSI)

³ Kumta ka la ai ïa ka Hagar ha u ba kan long ka tnga kliar jong u. (Kane ka la jia hadien ba u Abram u la shong la sah shiphew snem ha ka ri Kanaan.)

KA BAIBL

³ Bad ka Sarai ka tnga u Abram ka la shim ïa ka Hagar, kata ka kynja Ijipt ka shakri jong ka, ynda u Abram u la lah shong shiphew snem ha ka ri Kanaan, bad ka la ai ïa ka ha u Abram u tnga jong ka, ïa ka ban long ka tnga jong u.

JENESIS 16:3 ပူးပေါင်းရင်းမြစ်များ

JENESIS 16:16

U Abram u la don phraphew hynriew snem ha kata ka por.

JENESIS 16:4

U Abram u ïathiah shongkha bad ka Hagar, bad ka la punkhun. Haba ka tip ba ka la punkhun, ka la sngewsarong bad ka la ibeiñ ïa ka Sarai.

JENESIS 16:5

Te ka Sarai ka ong ha u Abram, “Dei namar jong me ba ka Hagar ka ibeiñ ïa nga! Nga hi nga la ai ïa ka ha me, bad naduh ba ka tip ba ka la punkhun, ka ibeiñ ïa nga. Ai ba U Trai un bishar mano ba dei napdeng jong ngi, ma me lane ma nga!”

JENESIS 21:21

Ka kmie jong u ka pynbuh briew ïa u bad ka nong Ijipt.

JENESIS 25:6

hynrei mynba u dang im, u la ai ki jingai sngewbha ïa ki khun shynrang ba u la ïoh na kiwei pat ki tnga jong u. Nangta u phah noh ïa kine ki khun shynrang sha ka ri kaba shaphang mihngi, jngai na u khun jong u, u Isaak.

JENESIS 28:9

Kumta u leit sha u Ishmael u khun jong u Abraham, bad u shongkurim ïa ka khun kynthei jong u, ka Mahalath, kaba long ka para jong u Nebaïoth.

JENESIS 30:4

Kumta ka ai ïa ka Bilhah ha u tnga jong ka, bad u la ïathiah shongkha bad ka.

JENESIS 30:9

Haba ka Leah ka sngewthuh ba ka la wai ban ïoh khun, ka la ai ïa ka mraw jong ka, ka Silpah ha u Jakob kum ka tnga jong u.

JENESIS 32:22

Ha kata kajuh ka miet, u Jakob u la khie, u shim ïa la ki tnga baroh ar ngut, ïa ki tnga kliar jong u ar ngut, bad ïa la ki khun baroh khatwei ngut, bad u la jam ïa ka wah Jabbok.

JENESIS 35:22

Katba u Jakob u dang shong dang sah ha kata ka ri, u Reuben u la ïathiah shongkha bad ka Bilhah, kawei na ki tnga kliar jong u kpa jong u. U Jakob u la tip ïa kata bad u bitar shla. U Jakob u don khat-ar ngut ki khun shynrang.

2 SAMUEL 5:13

Hadien ba u la kynriah na Hebron sha Jerusalem, u Dabid u shim shuh shuh ki tnga kliar bad ki tnga trai, bad u ïoh bun ki khun shynrang bad ki khun kynthei.

1 SYIEM 11:3

U Solomon u la shongkurim hynñiewspah ngut ki khun syiem kynthei bad laispah ngut ruh ki tnga kliar.

GALATIA 4:25

Ka Hagar, kaba ïeng na ka bynta u lum Sinai ha Arabia, ka long ka dur jong ka nongbah Jerusalem kaba mynta, ka shong mraw ryngkat bad ki briew jong ka baroh.